Jeremia 50:21 - O Debleskro Drom 2021 (Sinte)

²¹ Djan an o kurepen i menshentsa an o them Meratajim; kurenn tumen i menshentsa an o them Pekod; Marenn len un denn lauter paash, hoi len hi, penell o baro Dewel. Krenn halauter jaake, hoi me tumenge penom!

O Debleskro Lab 2024 (Sinte-Manouche)

²¹ Djan an o kourepen i menshentsa an o them Meratayim; kourenn t'men i menshentsa an o them Pekod; Marenn len oun denn lauter paash, hoy len hi, penell o baro Devel. Krenn halauter yaake, hoy me t'menge penom!

Jeremia 50:21 ပူးပေါင်းရင်းမြစ်များ

2. Samuel 16:11

Un o David penas ap o Abishai un ap leskre pralstune budepangre: “Miro tchawo Absalom, kai mandar was, kamell man mulo te dell, hoske gar ninna ko Benjaminari. Mukenn les te praassell! O baro Dewel penas, kai nai krell job kowa.

2. Rajengro liil 18:25

Patseh, kai djoms me kokres mandar kai pral, te marap halauteren, kai kate djiwenn? Na-a, o baro Dewel penas les mange: Dja pral an kau them un mare halauteren!”

2. Familjakro liil 36:23

“Kawa penell o Kirus, ko rai pral o them Persia: O baro Dewel an o bolepen das man i tsele themma ap kai phub. Un job penas mange, te krap leske i kheer an o foro Jerusalem an o them Juda. Koon kanna mank tumende leskre menshendar hi, koleha te well peskro Dewel! Un job nai djal pral an o foro Jerusalem.”

Jesaja 10:6

Me bitchrom len pash kol menshende, kai kamenn mandar tchi te djinell, un ap kolende chojedo hom, te djan le ap lende pre, un randenn len win un tchorenn len win, un stakrenn len khetne har i tchik ap o drom.

Jesaja 44:28

Me hom kowa, hoi ap o Kirus penell: “Tu dess garda ap mire menshende har i bakrengro ap peskre bakre.” Un job krell lauter, hoi kamau, te krell lo. Pral o foro Jerusalem penell lo: “Tchiwenn les pale pre!” Un pral o Debleskro baro kheer penell lo: “Tchiwenn leskre barra pale pre!”

Jesaja 48:14

Awenn tumer lauter khetne, un shunenn! Kek tumare chochene deblendar penas kowa glan-wi: Me, o baro Dewel, rodom o Kirus win, te krell lo o themeha Babilonia, hoi kamau, un te sikrell lo miri soor ap kolende an o them Kaldea.

Jesaja 48:15

Me penom kawa, awa, me dom kau murshes gole, un mukom les te well. Un kowa, hoi lo peske glan las, kowa djal ninna.

Jeremia 34:22

Awa, me kharau len pale kai, un anau len pale glan kau foro, penell o baro Dewel. Jon wenn trul kau foro tardo, un lenn kau fores penge dren, un chatchrenn les tele. Un kol forja an o them Juda mukau jaake khetne te dell, te wenn le har i mulo them, kai nai djiwell buder kek dren.

Jeremia 48:10

Praassedo hi, koon o baro Debleskri budi tchiddo mukell; praassedo hi, kai rikrell leskro charo pale, te marell lo gar!

Jeremia 50:15

Denn i kurepaskri gole haki rigjatar! Dikenn, o foro dell pre! Leskre turme phagenn khetne. Leskre massurja hi tele phagedo. O baro Dewel dell o foro Babilon peskri phagi. Denn o foreske halauter pale pale, hoi kau foro ninna kras!

Jeremia 50:3

Lurde wenna dran ko them, hoi kote hi, kai norden hi, un djan an o kurepen lentsa. Kolla krenn, te well lengro them i mulo them, jaake kai kek nai djiwell kote. I Menshe un i vieche hunte nashenn penge dran ko them.

Jeremia 50:9

Shunenn, me bitchrau bud lurden dran bud themma, kai fun kotar wenna, kai norden hi, te kurenn le pen i menshentsa an Babilon. Jon wenna un lenn ko foro dren. Kal lurde denn mishto karje, un taprenn hako kopo kowa, hoi kamenn le te taprell.

Ezekiel 23:23

kol mursha dran o foro Babilon un dran kol wawar forja an o them Babilonia, ninna kol mursha dran Pekod un Shoa un Koa, un khetne lentsa kolla dran o them Assur. halauter shukar terne mursha, pralstune un bare lurde, un kurepangre un raja, kai lauter ap pengre graja klissenn.

5. Mose 33:27

Hako tsiro his lo koi. Pash leste nai khatreh tut. Hako tsiro rikrell lo peskre mussja pral tute. Job tradas kolen glan tute win, kai kuran pen tuha, un penas tuke: Mare len!

1. Samuel 15:3

Doleske dja kanna an o kurepen un kure tut i Amalekarja, un de len halauter mulo: mursha un djuwja, tchawe un ternepen, grumja un bakre, khamele un burike.’”