Jeremia 50:19 - O Debleskro Drom 2021 (Sinte)

¹⁹ O Israel anau me pale khere, te djiwenn le pale ap i berga Karmel un an o them Bashan, un hatsenn doha chapen, un wenn tchalo ap i berge Efrajim un an o them Gilead.

O Debleskro Lab 2024 (Sinte-Manouche)

¹⁹ O Israel anau me pale khere, te djivenn le pale ap i berga Karmel oun an o them Bashan, oun hatsenn doha rhapen, oun venn čalo ap i berge Efrayim oun an o them Gilead.

Jeremia 50:19 ပူးပေါင်းရင်းမြစ်များ

Esra 2:1

Kalla hi kol menshe, kai an o them Juda djiwenn. Kolla wan pale dran o pandepen, kai o baro rai pral Babilonia, o Nebukadnezar, len krik anas. Kolla wan pale pale an o foro Jerusalem un an o them Juda, hakeno an peskro foro.

Kamlepaskri gili 6:5

Ma dik jaake ap mande! Tire jaka krenn man dineles! Tire balla hi har i kale busja, kai stenn tele i berga Gilead.

Jesaja 33:9

Ninna o them rowell un nashrell peskri soor. I ruka ap i berge Libanon ladjenn pen un merenn tele. O shukar telstuno them Sharon dikell win har i diwjo truk them. Un i ruka ap i berge Bashan un Karmel witsrenn pengre patria tele.

Jesaja 35:2

Shukar har diwje blume well o them, un giwell un dell gole i bachtjatar. O baro Dewel krell les railo har i berge Libanon, un shukar har i berga Karmel un i tala Sharon. Un i menshe dikenn o railepen o baro Deblestar, ko baro koowa, hoi maro Dewel kras.

Jeremia 23:3

Un me lau khetne kolen, kai djido atchan mire menshendar dran i tsele themma, kai tradom len. Me anau len pale khere. Kote djal lenge mishto, un jon wenn pale bud menshe.

Jeremia 3:18

Ap ko diwes djan kol menshe dran o kheer Juda pash kol menshende dran o kheer Israel: Un jon djan khetne khere dran o norden an ko them, hoi dom me tumare phurende, te atchell kowa lengro.

Jeremia 30:10

Doleske ma dare, tu, miro budepaskro Jakob! Ma traash, Israel, penell o baro Dewel. Shun, me lau tut un tire tchawen win dran ko dur them, kai pandle han. Tumer wenn khere an tumaro them. Kote djal tumenge mishto. Kek krell tumenge kote tchilatchepen. Tchi hunte krell tumenge daar.

Jeremia 30:18

Kowa penell o baro Dewel: Me anau mire menshen pale khere an pengro them, un krau miro dji haki familjake pre. Un o foro Jerusalem well pale pre-tchiddo ap peskre berge, un o baro rajeskro sorelo kheer kote, kai lo tardo his.

Jeremia 30:7

Awa, hawo djungelo diwes wella, i diwes, hoi hi har kek wawar! Ko tsiro hi pherdi daar o Jakobeskre tchawenge; jon nai djinenn, te wenn le win lino dran kowa lauter.

Jeremia 31:14

I rashaja wenn pale tchalo o feteder massestar. Un mire menshenge dau budeder har doha chapaske, penell o baro Dewel.

Jeremia 31:25

Kolen, kai khino hi, dau me pale soor, un kolen kai bokenna, dau doha te chal.”

Jeremia 31:6

Ko tsiro wella, kai denn le gole ap i berge Efrajim: Awenn, te djas pre an o foro Zion pash maro baro Debleste!

Jeremia 32:37

Tchatchepah, me anau mire menshen pale kate an kau foro, dran kol tsele themma, kai me len tradau an miri bari choli, hoi chatchell har i jag an mande. Me anau len pale an kau foro, te djiwenn le kate kek darjah.

Jeremia 46:27

Tu, miro budepaskro Jakob, ma traash! Tu, Israel, ma rob! I diwes well, kai anau tut khere dran wawar themma. Lau tire tchawen win dran ko them, kai le pandles anlo wan. O Jakobeskre tchawe wenn pale, un nai djiwenn pale kek kurepah un kek darjah. Kek te krell lenge traash.

Jeremia 50:6

Mire menshe hi har nashede bakre. Lengre bakrengre anan len o tchatcho dromestar tele. Jaake nashran le pen ap i berge. Pral tikne un bare berge hunte nashan le, un bistran, kai le khere hi.

Ezekiel 11:17

Me, o baro Dewel, lengro rai, lau len khetne dran kol tsele themma un natsjone, an kolende jon tradedo wan, un dau len o them Israel pale.

Ezekiel 36:24

Me lau tumen win dran i tsele themma un wawar menshendar. Un lau tumen khetne un anau tumen an tumaro them.

Ezekiel 36:33

Kawa penell o baro Dewel, maro rai: An ko tsiro, kai me tumari doosh tumendar tele thowom, mukau tumen pale an tumare forja te djiwell. Palle nai krenn tumer i forja pale newes, kolendar kanna tchi har barra pral hi.

Ezekiel 38:8

Bud bersha djan gomme trujel bis te wenn tumer khetne gole dino o kurepaske. Pal i rah tsiro djas tu tire lurdentsa an i them, hoi pal i kurepen pale newes kerdo was, un koleskre menshe dran bud themma khetne anlo wan, te djiwenn le ap i berge an Israel. I rah tsiro his kau them wi-meredo. Kanna wan leskre menshe win anlo dran bud themma, un djiwenn kote kek darjah.

Ezekiel 47:18

Un koi rig o themestar Israel djal fun kotar, kai o kham pre djal, mashkral o foro Hauran un o foro Damaskus dureder langs o lengsto pani Jordan bis tele pash o Londo Baro Pani. O Jordan nashell mank o them Israel un o them Gilead. Pash o Londo Baro Pani djal o them Israel bis pash o foro Tamar. Jaake dur djal o them Israel ap koi rig, kai o kham pre djal.

Micha 7:14

Baro Dewel, de jak ap tire menshende, har i bakrengro jak dell ap peskre bakre! Tu rodal tuke tire menshen win, te wenn le tiro. Jon djiwenn kokres an o weesh. Trul lende hi bud them latcho senlepah. Muk len pale an i themma Bashan un Gilead te djal, te hatsenn le kote latcho senlepen har an o phuro tsiro.

Micha 7:18

Kek Dewel hi har tu, kai lell o tchilatchepen krik, hoi mer kram, un kai bistrell koi doosh, hoi anam ap mende – mer, kai tire menshendar pral atcham. Tu atcheh gar chojedo pral mende hako tsiro, un kreh tiro dji pre menge.

Zakarie 10:10

Dran i themma Egiptia un Assur anau len khere, te djiwenn le an o them Gilead un Libanon. Ninna kote hi gar doha them lenge.

4. Mose 32:1

I menshen dran o kheer Ruben un dran o kheer Gad his bud vieche. Un jon dikan, te hi latcho senlepen i viechenge an ko them Jaser un Gilead.

4. Mose 32:4

hoi las o baro Dewel dren peskre menshenge Israel, kote hi bud senlepen i viechenge, un men, tire budepangren, hi vieche.

Josua 17:15

Kote penas o Josua ap lende: “Te han tumer jaake bud menshe, te hi kol berge Efrajim gar bares doha tumenge, palle djan pre an o weesh an o them, kai i Perisarja un i Refajarja djiwenn, un denn kote kol ruka trujel, te well tumen budeder them.”