Jeremia 50:16 - O Debleskro Drom 2021 (Sinte)

¹⁶ Mukenn kekes djido, kai tchiwell djob an i phub, un kekes, kai tchinell o djob tele an ko tsiro, kai hi lo baro! Lauter kolla, kai hi gar khere an kau them, nashenn penge glan o marepaskro charo, un nashenn pash pengre menshende an pengro them.

O Debleskro Lab 2024 (Sinte-Manouche)

¹⁶ Moukenn kekes djido, kay čivell djob an i phoub, oun kekes, kay činell o djob tele an ko tsiro, kay hi lo baro! Lauter kolla, kay hi gar khere an kava them, nashenn penge glan o marepaskro rharo, oun nashenn pash pengre menshende an pengro them.

Jeremia 50:16 ပူးပေါင်းရင်းမြစ်များ

Jesaja 13:14

Un kol wi-themarja, kai djiwenn an o foro Babilon, kolla nashenn pash pengre menshende, hakeno an peskro them. Jon hi har wesheskre busja, kai tradede hi, un har bakre, kolen kek bakrengro hi.

Jeremia 25:38

Job djas win, har i terno lewo win well dran peskro khatepen, te marell lo. Un lengro them atchas khetne stakedo tchiddo. Jaake baro his o kurepen, un o baro Debleskri choli pral lende.

Jeremia 46:16

Job krella, kai bud lendar perenna, un jek ap o wawareste ap i phub tchiddo hi. Kote penenn i lurde: Awenn, mer djas pale pash mare menshende, an kol themma, kai khere ham! Awenn, nashas glan kal marepaskre chare!

Jeremia 51:23

Tiri sorjah dom bakrengre un lengre bakre mulo, hache un lengre grumja, kai i wurdja tserdan, ninna themeskre raja un wawar raja.

Jeremia 51:9

[I wi-themarja, kai kote djiwenn, penenn:] Mer kamam o foro Babilon sastes te krell, un job kamas gar sasto te well. Palle mukenn les, har job kamella! Mer djas halauter pale an mare themma! Leskri phagi hi jaake baro, te djal li bis an o bolepen.

Joel 1:11

I hachenge hi ropaske. Dell kek gib, un dell kek djob. Lauter hi nashedo.

Amos 5:16

Un pral tumari doosh penell o baro Dewel, ko rai pral o bolepen un i phub: Ap i tsele platse wenn ropaskre gilja shunlo, un ap i tsele dromma denn le gole: Hawi grecha, hawi grecha! Ninna i hache wenn dren gole dino, te rowenn le pral kolende, kai meran. Un lauter, kai ropaskre gilja haiwenn, wenn kharedo, te giwenn le ropaskre gilja!