Jeremia 50:12 - O Debleskro Drom 2021 (Sinte)

¹² o tsiro well, kai hi tumaro themes, kai boldo wan, buder tchi sapaske. Menshe dran wawar themma san pral leste. Mank i tsele natsjone well o them Babilonia o tchorwleder, i mulo tato them, kek panjeha, kai tchi bares well.

O Debleskro Lab 2024 (Sinte-Manouche)

¹² o tsiro vell, kay hi t'maro themes, kay boldo van, bouder či sapaske. Menshe dran vavar themma san pral leste. Mank i tsele natsyone vell o them Babilonia o čorvleder, i moulo tato them, kek panyeha, kay či bares vell.

Jeremia 50:12 ပူးပေါင်းရင်းမြစ်များ

Jesaja 14:22

O baro Dewel, ko rai pral o bolepen un i phub, penell: Me hadau man pre ap i menshende an o foro Babilon. Leskro lab well bistedo. Un kek lendar atchell djido, witar gar lengre tchawe un tchawengre tchawe.

Jesaja 23:13

Kolla, kai kowa tumentsa kran, hi gar i menshe dran Assur, na-a, kolla hi i menshe dran Babilonia. Jon kran, te was tiro foro i mulo foro, kai diwje vieche djiwenna. Bare dromma kran le, hoi djan pral ap i foreskre massurja, te nai wenn le an o foro dren, un phagan i shukar khera tele. O forestar atchas kek bar ap i wawar.

Jeremia 12:14

O baro Dewel penella: Kol tchilatche menshe, kai djiwenn trul mire menshende, un tapran lengro them an, hoi dom mire menshende Israel, te well ko them lengro hako tsireske, kolen lauter tradau dran lengro them win. Un o kheer Juda lau dran lengre wasta win.

Jeremia 15:9

Koi djuwjat, kai efta tchawe his, lake atchas kek buder djido. Lakro dji phagas. Lakro kham djas tele mashkral ap o diwes. Lakro sharepen un lakri bacht hi buder gar koi. Un hoi kol menshendar pral atchas, dau me an i wasta kolendar, kai denn len mulo o chareha. Kowa penell o baro Dewel.

Jeremia 22:6

Un kowa hi, hoi o baro Dewel penell pral o kheer o baro rajestar pral o them Juda: Ninna te kamau kau kheer jaake har i wesha an o them Gilead un i berge Libanon, krau kau foro har i mulo foro, kai kek buder djiwell.

Jeremia 25:12

Pal kol efta-deesh bersha dau me i phagi ko rajeske pral o them Babilonia un leskre menshenge koi doshake, hoi le ap pende anan. Palle well o them Babilonia i mulo them hako tsireske.

Jeremia 25:26

i tsele bare raja an kol themma, kai kote tchiddo hi, kai norden hi. Awa, i tsele themma ap i phub, kolla, kai hi dur, un kolla kai hi gar dur o themestar Israel. Lengre bare raja hunte pijenn dran ko khoro, jek pal o wawar. Un o baro rai pral Sheshach hunte pijell pal lende.

Jeremia 49:2

Doleske penell o baro Dewel: Ko tsiro well, kai mukau i kurepaskri gole te shunell: Lurde wenna pral o foro Rabba, ko baro foro fun i Ammonarja. O forestar Rabba atchell tchi pral har barra. Un kol wawar forja koi trujel wenn pre chatchedo. O Israel well o rai pral kolende, kai lan penge leskro them. Kowa penell o baro Dewel.

Jeremia 51:43

I wawar forja an o them hi paash dino. O them Babilonia was i mulo tato them kek panjeha, i diwjo truk them, kai kek mensho djiwell, un kek mensho ap i raisa djal.

Jeremia 51:47

Dikenn, ko tsiro wella, kai krau me kol mule deblen an Babilonia paash. O them Babilonia djal tele an ladj. Un kolla, kai wan maredo, atchenn kote ap i phub tchiddo.

Galatarja 4:26

Hi ninna i foro Jerusalem an o bolepen. Ko Jerusalem hi har i rajetsa, i Sara. Lakre tchawe hi gar pandlo ap o Moseskre laba. Joi hi mari dai.

Debleskro tsiro 17:5

Un ap lakro shero his i lab tchinlo, hoi i menshe gar haiwan: “Koi bari Babilon, kolatar wella hako djunglepen un wi-ladjedo koowa ap i phub.”