Jeremia 50:1 - O Debleskro Drom 2021 (Sinte)

¹ Kawa hi ko lab, hoi penas o baro Dewel ap peskro rakepaskro, o Jeremia, pral o them Babilonia un leskro foro Babilon:

O Debleskro Lab 2024 (Sinte-Manouche)

¹ Kava hi ko lab, hoy penas o baro Devel ap peskro rakepaskro, o Yeremia, pral o them Babilonia oun leskro foro Babilon:

Jeremia 50:1 ပူးပေါင်းရင်းမြစ်များ

1. Mose 10:10

An ko ersto tsiro was job o rai pral i forja Babel, Erek, Akkad un Kalne an o them Shinar.

1. Mose 11:31

Un o Terach las peskro tchawes Abram peha un o Lot, ko tchawo peskro tchawestar Haran, un i Sarai, koi romni peskro tchawestar Abram. Un khetne mukan le ko foro Ur, hoi an o them Kaldea tchiddo hi, te djan le an o them Kanaan. Un jon wan pash o foro Haran un atchan kote.

1. Mose 11:9

Doleske kharell ko foro Babel. Kote kras o baro Dewel, kai jek i wawareskro rakepen buder gar haiwella. Jaake kras job, te atchan le koi buder gar khetne un hunte djan dran jek them an i wawar pral i tseli phub.

2. Samuel 23:2

O baro Debleskro ducho rakras dran mande, un leskre laba hi ap miro tchip.

2. Rajengro liil 17:24

Har i Israelitarja dran o them Samaria krik anlo wan, mukas o baro rai pral o them Assur menshen dran wawar forja te well, te djiwenn le kote. Kolla wan dran i forja Babilon, Kuta, Awa, Hamat un Sefarwajim, un djiwan kanna an kol forja an o them Samaria. Un jaake lan le kau them dren.

Hiob 1:17

Har ko budepaskro gomme rakras, was i wawar un penas: “I Kaldearja wan ap triin rigja un peran pal tire khamele dren un lan len penge krik, un dan tire budepangren o chareha mulo. Un me nai nashom, me kokres, te nai penap kowa tuke.”

Jesaja 14:4

Palle giwenn le kai sapaskri gili pral o baro rajeste pral Babilon: Har nai djal kowa? Tu, kai menge i pharo djipen kral, wal dino. Kekes nai dukreh buder.

Jesaja 23:13

Kolla, kai kowa tumentsa kran, hi gar i menshe dran Assur, na-a, kolla hi i menshe dran Babilonia. Jon kran, te was tiro foro i mulo foro, kai diwje vieche djiwenna. Bare dromma kran le, hoi djan pral ap i foreskre massurja, te nai wenn le an o foro dren, un phagan i shukar khera tele. O forestar atchas kek bar ap i wawar.

Jeremia 25:12

Pal kol efta-deesh bersha dau me i phagi ko rajeske pral o them Babilonia un leskre menshenge koi doshake, hoi le ap pende anan. Palle well o them Babilonia i mulo them hako tsireske.

Jeremia 27:7

I menshe dran i tsele themma hunte budrenn leske un leskro tchaweske, un koleskro tchaweske, bis te well ko tsiro, kai nashrell ninna leskro them peskri soor. Un menshe dran wawar bare themma un lengre sorele bare raja wenn i raja pral lende.

Daniel 1:1

An ko tsiro, har o Jojakim an o triinto bersh o baro rai pral o them Juda his, was o baro rai pral o them Babilonia – leskro lab his Nebukadnezar – glan o foro Jerusalem, un tchiwas pes peskre lurdentsa trul o foro.

Bičepangre 7:4

Koi djas o Abraham dran ko them Kaldea, un djiwas an o foro Haran. Un har leskro dad meras, anas o Dewel les an ko them, kai tumer kanna djiwenna.

2. Petro 1:21

An kek tsiro was o Debleskro lab i menshendar. Kol Debleskre rakepangre rakran, hoi o Dewel lenge penas. Kowa tchiwas lenge o Debleskro Ducho an o dji.

Debleskro tsiro 14:8

Un i duito wawar bolepaskro was pal leste, un penas: “O baro foro peras khetne. O baro foro Babilon peras khetne, ko foro, hoi anas i menshen an i tsele themma ap peskro drom, te kran le wi-ladjedo koowa. Kowa his jaake har te das lo len mool te pijell. Doleske was o Debleskri choli pral o foro.”