Jeremia 5:27 - O Debleskro Drom 2021 (Sinte)

²⁷ un kolen tchirklengre khera pherde tchirkle hi. Jaake hi lengre khera pherdo tchoredo koowa. Doleske wan jon baro un brawelo.

O Debleskro Lab 2024 (Sinte-Manouche)

²⁷ oun kolen čirklengre khera pherde čirkle hi. Yaake hi lengre khera pherdo čoredo koova. Doleske van yon baro oun bravelo.

Jeremia 5:27 ပူးပေါင်းရင်းမြစ်များ

Hiob 12:6

I khera kolendar, kai i wawaren sorjah tele rikrenn, hi soreles tardo. Un kek krell kolenge daar, kai krenn sawo koowa te well o Dewel chojedo, Jon patsenn, te hi len o Dewel an pengro wast.

Jesaja 3:14

Ap i phurende un rajende pral peskre menshende penell job: Tumer chan i tsele drake, hoi ap miro drakengro them bares wan, An tumare khera hi kowa, hoi tumer i tchorwelenge randan!

Jeremia 12:1

Baro Dewel, kamoms gar te penap, kai tu doosh ap tute anal. Djinau, tu hal an tiro tchatchepen. Ninna te hi jaake, kamau te putchap tutar, har nai haiwap tiro tchatchepen. Hoske djal kolenge mishto, kai djiwenn i tchilatcho djipen? Hoske hi kolen, kai tutar krik djan, halauter, hoi len hunte well?

Jeremia 8:5

Hoske nashrenn pen kal menshe an o foro Jerusalem pale te pale, un rissrenn gar trujel? Jon atchenn pash kol chochene deblende, un kamenn gar palpale pash mande te well.

Jeremia 9:6

Doleske penell o baro Dewel, ko rai pral o bolepen un i phub: Har o rup an i jag djudjes kerdo well, jaake kamau mire menshen dukentsa djudjes te krell. Dell tchi wawares, hoi krap me nai mire menshenge.

Hosea 12:9

Job penell peske: Me wom brawelo, un lom mange i baro brawlepen khetne. Hi kowa i tchilatcho koowa? Hoi hi djungelo koleha, hoi mange khetne lom?

Micha 1:12

Kolla, kai djiwenn an o foro Marot, rodenn pal jekeste, kai penell lenge latche laba. Sawo well gar. I bibacht o baro Deblestar wella, un hi tardo glan i wudja o forestar Jerusalem.

Zefanja 1:9

Ninna dau kolen i phagi, kai stenn an o wudar dren, te stakrenn le gar ap o kasht tel o wudar. Ninna kolen dau i phagi, kai anenn an pengro rajeskro kheer sawo koowa, hoi lan le chochepah un tchorepah.

Debleskro tsiro 18:2

Un job das soreles un bares gole: “O foro peras khetne! O baro foro Babilon peras khetne! Kanna djiwenn kote i benga. Kote khatrenn pen kol tchirkle un wawar vieche, kai pale-tchiddo hi, un i menshe darenn lendar.