Jeremia 5:25 - O Debleskro Drom 2021 (Sinte)

²⁵ Tumari doosh, hoi ap tumende anan, un ko tchilatchepen, hoi krenna, rikras ko latchepen tumendar pale, jaake te wan phare tsirja ap tumende.

O Debleskro Lab 2024 (Sinte-Manouche)

²⁵ T'mari doosh, hoy ap t'mende anan, oun ko čilačepen, hoy krenna, rikras ko lačepen t'mendar pale, yaake te van phare tsirya ap t'mende.

Jeremia 5:25 ပူးပေါင်းရင်းမြစ်များ

Debleskri gili 107:17

Wawar kran dinelo koowa, peran o Debleskro drom tele, un anan doosh ap pende. Doleske djas lenge jaake djungeles,

Debleskri gili 107:34

Jaake was i phub, kai bud djob un senlepen baro was, i mulo londo them. Kowa kras lo dran o tchilatchepen kol menshendar, kai kote djiwenn.

Jesaja 59:2

Na-a, tumari doosh, hoi ap tumende lan, hi tardo mank tumende un tumaro Debleste. Dran ko tchilatchepen, hoi kran, khatrell lo peskre jaka tumendar, un doleske shunell job gar.

Jeremia 14:1

O baro Dewel penas ap o Jeremia pral ko them, kai i rah tsiro kek brishin das.

Jeremia 14:7

Baro Dewel, mari doosh hi glan mare jaka tardo. Bud kope djam tutar krik, un shunam gar ap tute. Ab pale ap mari rig, te dikell hakeno, har kamlo hal!

Jeremia 3:3

Doleske dell kek brishin an o wend, witar gar an o nijal. Tu dikeh win har i lubni un kameh tut gar te ladjell.

Jeremia 4:18

Hoi tumer kran un har djiwan, anas tumenge kowa dren. Kowa well dran tumaro tchilatchepen, te djal tumenge jaake djungelo, un djal tumenge an tumaro dji.

Ropaskre gilja 3:39

Har nai penell i mensho i ropah: “O Dewel djal gar mishto mantsa trujel.” Wals feteder te rowals lo pral peskri doosh!

Ropaskre gilja 4:22

Tumer an o foro Zion, palle hi tumari doosh tumendar krik lino! O baro Dewel mukell tumen buder gar pandles krik te anell. Palle anell job tumari doosh, tumer Edomarja, ap tumare sherja pale, un tchakrell ko tchilatcho koowa pre, hoi kran.