Jeremia 5:24 - O Debleskro Drom 2021 (Sinte)

²⁴ An pengro dji penenn le gar: Mer te dikas pre ap maro baro Debleste! Job bitchrell menge o brishin an o tchatcho tsiro, brishin an o wend un brishin an i nijal, te well men o djob chapaske an ko tchatcho tsiro.

O Debleskro Lab 2024 (Sinte-Manouche)

²⁴ An pengro dji penenn le gar: Mer te dikas pre ap maro baro Debleste! Yob bičrell menge o brishin an o čačo tsiro, brishin an o vend oun brishin an i niyal, te vell men o djob rhapaske an ko čačo tsiro.

Jeremia 5:24 ပူးပေါင်းရင်းမြစ်များ

1. Mose 8:22

Jaake rah, har i phub koi hi, witsrenn le djob ap i phub un anenn le pale newo djob dren. Jaake rah, har i phub koi hi, atchenna shilapen un tatepen, nijal un wend, diwes un rati.”

1. Rajengro liil 17:1

O Elija dran o gab Tishbe an o them Gilead penas ap o Ahab: “Me penau tuke an o lab o baro Deblestar, kai o Israeleskro djido Dewel hi, glan koleste hom me tardo: An kol bersha, hoi kanna wenna, dell kek brishin, witar gar djal i sapeno ducho pre dran i phub, bis te penau me kowa.”

Hiob 29:23

Jon dikan ap mande, te rakrap, har kamenn le, te well brishin. un pijan mire laba, har i hachetikri phub o brishin pijell.

Hiob 38:37

Koon hi jaake gosewo, te djinell lo, har bud wolke koi hi? Koon tchorell lengro pani ap i phub tele?

Hiob 5:10

Job dell brishin ap i phub, un mukell pani ap o them te perell.

Debleskri gili 147:8

Job tchiwell wolke ap o bolepen, dell brishin ap i phub, mukell o senlepen bares te well ap i berge.

Debleskri gili 65:9

Un i menshenge ap i tseli phub atchell o rakepen krik glan ko baro koowa, hoi tu kral. Kotar, kai o kham pre djal bis kote, kai lo tele djal, mukeh tu halauteren te sal un bachteles te well.

Jesaja 64:7

Kanna, baro Dewel, tu maro dad, mer ham har i loli phub, dran kolate tu i tcharo chatcheh. Tire wasta kran men halauter.

Jeremia 10:13

Te dell job gole, well bud pani khetne an o bolepen; i wolke mukell job te well fun dural, un mukell jag pral un tele karje te dell an o brishin. Ninna o phurdepen well win dran peskro kheer.

Jeremia 14:22

Kek dewel, koles i menshe an wawar themma an-mangenna, nai bitchrell brishin! Witar gar dell o bolepen dran peste brishin! Na-a, maro baro Dewel, tu hal kowa, kai krell sawo koowa. Doleske dikah ap tute.

Jeremia 2:19

Dran tiro tchilatchepen well kowa ap tute. Tu shunal gar. Doleske leh tu sawi phagi. Tu hunte djiness un haiwess, hawo pharo koowa un duka ap koleste wenna, kai djal peskro baro Deblestar krik, un kamell lestar buder tchi te djinell. Kowa penell o baro Dewel, ko rai pral o bolepen un i phub.

Jeremia 3:3

Doleske dell kek brishin an o wend, witar gar an o nijal. Tu dikeh win har i lubni un kameh tut gar te ladjell.

Jeremia 5:22

Hi tumen kek traash mandar, putchell o baro Dewel. Trissenn tumer gar glan mande? Me krom, te atchell o baro pani ap jek platsa, un tchiwom santa koi glan. Koi hunte atchell o pani hako tsiro, un dureder nai nashell lo gar. Ninna te well ko pani jaake diwjo, un djal pral un tele, nai djal lo gar dureder.

Jeremia 50:5

Jon putchenn pal o drom ap i berga Zion, kote kamenn le te djal: “Awenn, te kras men ap o drom pash o baro Debleste! Mer kamah pale leskre menshe te well, un job te well maro Dewel! Kowa te atchell jaake hako tsiro, mer kamah les gar te bistrell.”

Hosea 3:5

Pal ko tsiro wenn i Israelitarja palpale pash o baro Debleste, kai lengro Dewel hi, un pash lengro baro rajeste – jekeste dran o kheer David. Un trisslepah wenn le pash o baro Debleste. Un job well lenge latches an ko tsiro, hoi wella.

Hosea 6:1

Awenn, te djas pale pash o baro Debleste! Job dukas men, un job krell men pale sasto. Job das men dawa, un job pandell men pale khetne.

Joel 2:23

Un tumer menshe dran o foro Zion, awenn bachtelo, un giwenn pral kowa, hoi kras o baro Dewel. Job hi tumaro Dewel, un dell tumen doha brishin ap o tchatcho tsiro, har lo kras glan kowa,

Amos 4:7

Triin tchon glan kowa kai anan tumaro djob dren, rikrom o brishin pale. Un me dom brishin ap jek foro un gar ap i wawar. O brishin peras ap jek hachetikri phub, un koi wawar phub, kai kek brishin das, meras tele.

Zakarie 10:1

Mangenn o baro Deblestar, te dell lo brishin ap o tchatcho tsiro. Kowa hi o baro Dewel, kai krell i pesse wolke, un dell tumen doha brishin halautereske, hoi ap i phub bares well.

Mateo 5:45

Jaake han tumer tchatchepah tchawe o baro Deblestar, kai hi tumaro dad an o bolepen. Job mukella o kham pre te djal kol tchilatchenge un kol latchenge. Un job dell brishin ap kolende, kai pal o tchatchepen djiwenna, ninna ap kolende, kai tchilatcho koowa krenna.

Bičepangre 14:17

Ninna te djinans tumer tchi lestar, hunte dikans, kai o Dewel djiwella. Job kras bud latcho koowa tumenge. Job dell tumen brishino dran o bolepen, te well lauter ap i phub baro. Job dell tumende te chal, un i bacht an tumaro dji.”

5. Mose 28:12

Job krell tumenge o bolepen pre un dell brishin an o tchatcho tsiro ap tumaro them, un tchiwell peskri bacht ap halauter, hoi tumer krenna. Un tumer patsenn i menshenge an bud themma. Lendar hunte patsenn tumenge tchi.

Jakobo 5:7

Mire phrala, dikenn ap o diwes, kai well maro rai Jesus pale, un awenn gar khino an tumare djia, jaake har i hacho dikell ap ko diwes, kai peskro kutch djob bares was. Job djinell, o brishin hunte well un krell i phub sapeno, un pal i tsiro hunte dell pale brishin, te well o djob bares. O tselo tsiro well o hacho gar khino an peskro dji.

Debleskro tsiro 11:6

Len hi i soor, te rikrenn le o brishin pale, jaake te dell kek brishin ap ko tsiro, kai jon o Debleskro lab penenna. Un len hi i soor pral o pani, te nai krenn le dran kol tsele panja rat. Ninna hi len i soor, te nai anenn le haki bibacht pral i phub, jaake bud kope, har jon kamenna.