Jeremia 5:15 - O Debleskro Drom 2021 (Sinte)

¹⁵ Pen kol menshenge an Israel: Me anau menshen fun dural pash tumende, penell o baro Dewel, menshe, kolengro rakepen, un hoi jon penenna, haiwenn tumer gar. I phuri natsjona hi le. Un len hi bari soor.

O Debleskro Lab 2024 (Sinte-Manouche)

¹⁵ Pen kol menshenge an Israel: Me anau menshen foun doural pash t'mende, penell o baro Devel, menshe, kolengro rakepen, oun hoy yon penenna, hayvenn t'mer gar. I phouri natsyona hi le. Oun len hi bari zoor.

Jeremia 5:15 ပူးပေါင်းရင်းမြစ်များ

1. Mose 11:7

Awenn, djas tele pash lende un das hakenes i wawar rakepen, jaake, kai jek i wawares buder gar haiwella.”

Debleskri gili 81:5

Ap kau lab hunte rikrenn pen i Israelitarja. Kawa hi i tchatchepaskro lab, hoi o Jakobeskro Dewel lende das.

Jesaja 28:11

Awa, i tsiro wella, koi bitchrell o Dewel wi-themarja pash kal menshende. Un kolengro rakepen haiwenn le gar.

Jesaja 29:3

Me tchiwau lurden trul o foro pre ap hake rigja. Un mukau barra un tchik trul leste pre te tchiwell, te wenn tumer dren pandlo.

Jesaja 29:6

well o baro Dewel, o rai pral o bolepen un i phub, un lell tumen win dran lengre wasta. Job wella bari goljah un mukell i phub trissell. Un o bolepen dell gole, un i sorelo ducho phurdell pral i phub, un bari jag chal trul peste.

Jesaja 33:19

Kol pre-phurde menshen dikeh tu gar buder, kolengro rakepen gar haiwal, kol laba, kolendar gar djinal, hoi kamenn le te penell.

Jesaja 39:3

Kote was o Debleskro rakepaskro Jesaja pash o rajeste Hiskija un putchas lestar: “Hoi penan kal mursha? Un hawo themestar wan le pash tute?” O Hiskija penas: “Jon wan dran i dur them kate pash mande, dran o them Babilonia.”

Jesaja 5:26

Un job bitchrell i sikepen i menshenge an i them, hoi dur krik hi. Un job sholell, te wenn le dran o palstuno i phubjatar. Dik, kote wenn le – jaake sik har djala!

Jesaja 5:7

O kheer Israel hi o drakengro them o baro Deblestar, ko rajestar pral o bolepen un i phub. Un i mursha an o them Juda hi kol drakengre ruka, hoi job an i phub tchiwas un pral kolende job bachtelo his. Ap lende dikas lo, te anenn le o latchepen glan. Un hoi was, his tchilatchepen. Jon te dans hakenes peskro tchatchepen, un kran, hoi his tchi har tchilatchepen.

Jeremia 1:15

Shun mishto: Me dau gole i tsele menshen an kol themma, hoi an o norden tchiddo hi, te wenn jon, penell o baro Dewel. Lengre raja tchiwenn pengre beshepangre glan kol wudja o forestar Jerusalem, un trul leskre massurja un trul kol tsele forja an o them Juda.

Jeremia 2:26

Har i tchorepaskro hunte ladjell peske, te well job tapedo, jaake hunte ladjenn penge kol menshe an o them Israel, ninna kol bare raja, un pralstune un rashaja un Debleskre rakepangre,

Jeremia 25:9

Doleske mukau kol lurden te well dran i themma, kai kote tchiddo hi, kai norden hi. Lengro pralstuno hi o baro rai, o Nebukadnezar, dran o them Babilonia. Koles rodom win, te krell job, hoi kamau. Kolla perenn pral tumende un tumaro them, ninna pral kol tsele themma kai trujel. Kal themma mukau jaake paash te dell, te atchell tchi har barra pral hako tsireske. Un i wawar menshenge, kai kowa dikenn, atchell o rakepen krik i trashatar, un jon denn i wasta pral o shero khetne.

Jeremia 4:16

Denn i menshen trad! Penenn kolenge an o foro Jerusalem: kurepangre wenna dran dur themma, un denn pengro kurepaskri gole win, te lenn le i forja an o them Juda dren.

Jeremia 5:11

Jon sikran mange o dumo, penell o baro Dewel, kol menshe an Israel un kol menshe an Juda.

Jeremia 6:22

Kowa penell o baro Dewel: Denn garda: Bud menshe wenna dran lengro them, hoi kote tchiddo hi, kai norden hi. Awa, bud menshe krenn pen ap o drom an ko dur them, te djan le an o kurepen.

Ezekiel 18:31

Mukenn tumare tchilatche dromma! Un lenn tumenge i newo dji un i newo ducho! Hoske kamenn tumer te merell, tumer dran o kheer Israel?

Daniel 1:4

“Jon hunte wenn sasto un shukar, gosewo un siklo”, penas lo. “Ninna hunte haiwenn le pen an halauter mishto win, un nai haiwenn sik, jaake te nai budrenn le mange an miro kheer. Un lenge well pashel anlo, har i Kaldearja rakrenn un pengro rakepen tchinenn.”

Daniel 7:7

Un pal kowa dikom an kau dikepen koi rati i starto vieches, hoi tchilatcheder un diwjeder his har kol wawar. Les his bud soor un sasterne danda, chas trul peste un dandras lauter paash. Un kowa, hoi pral atchas, stakras lo peskre pirentsa tel peste khetne. Un job his wawartchandes har kol wawar vieche, hoi glan leste his. Un les his deesh shinga.

Amos 6:14

“Doleske”, penell o baro Dewel, ko rai pral o bolepen un i phub, “bitchrau i natsjona, hoi djal ap tumende, kai han dran o kheer Israel. Kolla menshe lenn tumaro them dren fun Lebo-Hamat bis pash o lengsto pani an o telstuno them.”

Habakuk 3:16

Har sikras man o Dewel kowa lauter, trissom me. Har shunom leskro rakepen, trissas miro mui. I traash djas mange an i kokale, un nashte homs buder gar ap mire herja tardo. Me kamau ap ko diwes te dikell, kai well koi bibacht pral kol menshende, kai djan ap mende pre.

1. Korintarja 14:21

An o Debleskro lab hi tchinlo: Me kamau te rakrap ap kal menshende an o wawar rakepen. Un wi-themarja penenn lenge mire laba. Un ninna palle shunenn le gar ap mande, penell o Dewel.

5. Mose 28:33

Lauter, hoi ap tiri hachetikri phub baro was, koleske tu phares budral, chan sawe menshe, kai wenn dran i dur them. Un tu weh sorjah tele rikedo, un hunte budress tel duka tiro tselo djipen.

5. Mose 28:49

Menshen dran i dur them, fun i wawar rig i phubjatar, anell lo pral tumende. Sik har i baro tchirklo wenn le pral tumende. Lengro rakepen haiwenn tumer gar.