Jeremia 5:13 - O Debleskro Drom 2021 (Sinte)

¹³ O Debleskre rakepangre rakrenn, hoi tchi moldo hi. Hoi jon penan, well gar o Deblestar. Mu perell ap lende, hoi le penan.’

O Debleskro Lab 2024 (Sinte-Manouche)

¹³ O Debleskre rakepangre rakrenn, hoy či moldo hi. Hoy yon penan, vell gar o Deblestar. Mou perell ap lende, hoy le penan.

Jeremia 5:13 ပူးပေါင်းရင်းမြစ်များ

2. Familjakro liil 36:16

Jon sanan o Debleskre bitchepangren win. Un leskre laba his lenge tchi moldo, un jon rikran o Debleskre rakepangre dineleske. Doleske was o baro Debleskri choli jaake phares pral peskre menshende, te nai wan le gar win lino koi dran.

Hiob 6:26

Hi mare laba tchilatcho an tumare kanda? Me hom i mursh, kai djinell buder gar, hoi te krell lo, un koleskro rakepen hi tchitcheske.

Hiob 8:2

Har rah gomme kameh tu sau koowa win rakrell? Kowa, hoi rakreh hi har i sorelo phurdepen.

Gosewe laba 25:14

Kolla, kai penenn, te denn le tchomone, un palle denn le kowa gar, kolla hi har wolke un i phurdepen, hoi denn kek brishin.

Jesaja 41:29

Jon halauter hi chochene, un nai krenn tchi. Un i figure lendar hi gar budeder moldo har i ducho.

Jeremia 14:13

Koi penom me: Baro Dewel, miro rai, tire rakepangre penan lenge: ‘Kek kurepen un kek bok well pash tumende. O baro Dewel krell, te well kek kurepen pash tumende an kek tsiro.’

Jeremia 14:15

Kowa hi, hoi me, o baro Dewel, krau ap kol rakepangre, kai penenn, te rakrenn le an miro lab, ninna te bitchrom len gar. Jon penenn ninna, te well kek kurepen un kek bok an kau them. Sawe rakepangre hunte merenn an o kurepen un i bokatar.

Jeremia 18:18

Koi hi menshe, kai penenn: Awenn, te rakras koi pral, hawo tchilatchepen mer nai krah ap o Jeremia. Men hi doha rashaja, kai nai sikrenn men maro drom, un doha gosewe, kai nai penenn menge, hoi te kras, un doha Debleskre rakepangre, kai nai penenn menge o Debleskre laba. Mer tapras les leskre labentsa, un das tchi ap leskro rakepen!

Jeremia 22:22

Tire pralstune wenn krik anlo, har te wans le krik phurdedo i sorelo duchestar. Un tire mala hunte djan pandles an i wawar them. Jaake well ladj pral tute, un tu weh sapaske i wawarenge. Kowa well pral tute tiro tselo tchilatchepaske.

Jeremia 28:3

Glan dui bersha trujel hi, anau ko tselo kutch koowa pale pale, hoi an o baro Debleskro kheer his, un hoi o baro rai dran Babilonia, o Nebukadnezar, kotar krik las, un an o them Babilonia anas.

Jeremia 43:2

rakran pre-phurde mursha leha – mank lende his o Asarja, koleskro dad o Hoshaja his, un o Johanan, koleskro dad o Kareach his – un penan ap leste: Tu chocheh! Maro baro Dewel bitchras tut gar pash mende, te peness menge: “Ma djan an o them Egiptia, un ma djiwenn kote!”

Hosea 9:7

O tsiro hi koi, kai me tumenge tumari phagi dau, un tumaro tchilatchepen ap tumare sherja pale anau. Un tumer Israelitarja haiwenn kowa! Tumer penenn: “I narwelo hi ko Debleskro rakepaskro! Ko mursh, koles o Debleskro ducho hi, rakrell dinelo koowa!” Jaake baro hi tumari doosh un tumari choli ap mande!