Jeremia 49:7 - O Debleskro Drom 2021 (Sinte)

⁷ Laba pral i Edomarja. Kawa penell o baro Dewel, ko rai pral o bolepen un i phub: Hi kanna buder kek goswepen an o foro Teman? Djinenn i gosewe buder gar, hoi te krenn le? Tserdas pes o goswepen lendar krik?

O Debleskro Lab 2024 (Sinte-Manouche)

⁷ Laba pral i Edomarya. Kava penell o baro Devel, ko ray pral o bolepen oun i phoub: Hi kanna bouder kek gosvepen an o foro Teman? Djinenn i goseve bouder gar, hoy te krenn le? Tserdas pes o gosvepen lendar krik?

Jeremia 49:7 ပူးပေါင်းရင်းမြစ်များ

1. Mose 25:30

Koi penas o Esau ap o Jakobeste: “Muk man sik te chal ko lolo chapastar. Hom khino un man hi bari bok.” Doleske dan le les ko lab Edom.

1. Mose 27:41

Kol latche laba, hoi o Isaak pral o Jakobeste rakras, kran, te was o Esau chojedo ap o Jakobeste. Doleske penas o Esau ap peste: “Ko tsiro wella sik, kai rowenn le pral miro dadeskro merepen. Te hi lo mulo, dau miro phrales mulo.”

1. Mose 32:3

Har o Jakob len dikas, penas lo: “Kate hi o Debleskri platsa.” Un das koi platsa ko lab: ‘Mahanajim’.

1. Mose 36:11

O Elifas las tchawe. Kolla his: o Teman, o Omar, o Zefo un o Gatam un o Kenas.

1. Mose 36:15

Un kolla hi i raja, kai wenna o Esaeskre tchawendar: Leskro phureder tchawestar, o Elifas, wenna o rai Teman, o rai Omar, o rai Zefo, o rai Kenas, o rai Korach, o rai Gatam, o rai Amalek. Kolla hi i raja, kai wenna pal o Elifas an o them Edom. Lengri mami hi i Ada.

1. Mose 36:34

Har o Jobab meras, was o Husham o baro rai. Job his dran o them Teman.

1. Mose 36:8

Un o Esau, djiwas ap o pralstuno them, hoi kharella Seir. O Esau hi o Edom.

1. Familjakro liil 1:53

o Kenas, o Teman, o Mibzar,

Hiob 2:11

O Hiobes his triin mala. Har shunan jon fun koi bibacht, hoi was pral o Hiob, wan le pash leste khetne, hakeno fun kotar, kai job djiwell: O Elifas dran o foro Teman, o Bildad dran o them Shuach, o Zofar dran o them Naama. Un jon kran penge win, te djan le pash leste, te sikrenn le leste, har khaitell lo len, un te penenn le leske latche laba.

Hiob 4:1

Un o Elifas dran o foro Teman penas ap leste:

Debleskri gili 137:7

Baro Dewel, ma biste gar, hoi i Edomarja kran, har jon ap ko diwes gole dan an i Jerusalem: “Phagenn o foro tele! Phagenn les tele bis ap o telstuno bar!”

Jesaja 21:11

Kate sikrell o Dewel, hoi pral o them Edom wella. Dran o them Seir denn le ap mande gole un putchenn: “Tu, kai jak deh, har dur hi an i rat? Kaana hi i rat trujel?”

Jesaja 29:14

Doleske krau kal menshentsa pale sawo koowa, hoi le gar haiwenn, un hoi win dikell, har te wals kowa gar mandar, jaake te atchell lenge o rakepen krik. Lengre gosewe menshe hi palle buder gar gosewo. Un kolla, kai bud haiwan, haiwenn buder tchi.

Jeremia 12:14

O baro Dewel penella: Kol tchilatche menshe, kai djiwenn trul mire menshende, un tapran lengro them an, hoi dom mire menshende Israel, te well ko them lengro hako tsireske, kolen lauter tradau dran lengro them win. Un o kheer Juda lau dran lengre wasta win.

Jeremia 18:18

Koi hi menshe, kai penenn: Awenn, te rakras koi pral, hawo tchilatchepen mer nai krah ap o Jeremia. Men hi doha rashaja, kai nai sikrenn men maro drom, un doha gosewe, kai nai penenn menge, hoi te kras, un doha Debleskre rakepangre, kai nai penenn menge o Debleskre laba. Mer tapras les leskre labentsa, un das tchi ap leskro rakepen!

Jeremia 25:21

i tsele menshe an i themma Edom, Moab un Ammon;

Jeremia 25:23

i menshe an i forja Dedan, Tema, un Bus; i menshe, kai tchinenn pengro bal tiknes;

Jeremia 25:9

Doleske mukau kol lurden te well dran i themma, kai kote tchiddo hi, kai norden hi. Lengro pralstuno hi o baro rai, o Nebukadnezar, dran o them Babilonia. Koles rodom win, te krell job, hoi kamau. Kolla perenn pral tumende un tumaro them, ninna pral kol tsele themma kai trujel. Kal themma mukau jaake paash te dell, te atchell tchi har barra pral hako tsireske. Un i wawar menshenge, kai kowa dikenn, atchell o rakepen krik i trashatar, un jon denn i wasta pral o shero khetne.

Jeremia 49:20

Shunenn, hoi o baro Dewel peske glan las, te krell lo ap i Edomarja, un hoi kamell lo te krell i menshentsa an o foro Teman. Tchatchepah, jon halauter wenn krik tradedo har bakre, ninna lengre tikne tchawe wenn krik tserdedo. Hakeneske, kai dikell kowa, atchell o rakepen krik.

Jeremia 8:9

Kol gosewe witsran o Debleskro lab pal pende. Hawo goswepen atchell lenge? O diwes well, kai well ladj un daar pral lende. Jon wenn tapedo un pandles krik anlo.

Ropaskre gilja 4:21

Awa, san tumenge un khelenn, tumer Edomarja an o them Uz! Pash tumende well ninna ko khoro pherdo o Debleskri choli, hoi hunte pijenn, bis te wenn mato un riwenn tumen win.

Ezekiel 32:29

Kote hi o Edom un leskre raja un leskre tsele pralstune. Ninna te his le jaake sorelo, hi le kanna kote tchiddo, kai kolla tchiddo hi, kai o chareha maredo wan. Kote an o mulengro them hi le tchiddo pash kolende, kai gar tchinlo hi ap pengro mass.

Daniel 11:41

Un job perell dren an o railo them. Un bud merenn kote. Kalla, kai nashenn dran leskro wast, hi i menshe dran i themma Edom un Moab, un i pralstune i menshendar dran o them Ammon.

Habakuk 3:3

O Dewel well dran o them Teman, dran kol berge, hoi kharenn Paran. O bolepen hi pherdo leskro railepen. Un ap i tseli phub sharenn les i menshe.

5. Mose 23:7

Ma rodenn koi pal, te djal kol menshenge mishto an i themma Moab un Ammon, un te wenn le brawelo.