Jeremia 49:30 - O Debleskro Drom 2021 (Sinte)

³⁰ Me, o baro Dewel, penau i menshenge an o them Hazor: Nashenn tumenge, hadenn tumen sik krik kau themestar, khatrenn tumen dur an i phub dren! O Nebukadnezar, ko rai dran o them Babilonia, koles hi an o shero, te krell lo tumenge tchilatchepen, un mukell pes kolestar gar tele te anell.

O Debleskro Lab 2024 (Sinte-Manouche)

³⁰ Me, o baro Devel, penau i menshenge an o them Hazor: Nashenn t'menge, hadenn t'men sik krik kava themestar, khatrenn t'men dour an i phoub dren! O Neboukadnezar, ko ray dran o them Babilonia, koles hi an o shero, te krell lo t'menge čilačepen, oun moukell pes kolestar gar tele te anell.

Jeremia 49:30 ပူးပေါင်းရင်းမြစ်များ

Jesaja 10:7

O baro rajes pral o them Assur his kowa gar doha. Un job las pes gomme budeder glan, un kamas i menshen an bud themma temerl dell, jaake bud har djala.

Jeremia 25:9

Doleske mukau kol lurden te well dran i themma, kai kote tchiddo hi, kai norden hi. Lengro pralstuno hi o baro rai, o Nebukadnezar, dran o them Babilonia. Koles rodom win, te krell job, hoi kamau. Kolla perenn pral tumende un tumaro them, ninna pral kol tsele themma kai trujel. Kal themma mukau jaake paash te dell, te atchell tchi har barra pral hako tsireske. Un i wawar menshenge, kai kowa dikenn, atchell o rakepen krik i trashatar, un jon denn i wasta pral o shero khetne.

Jeremia 27:6

Me dom kal tsele themma an i wasta o baro rajestar, o Nebukadnezar dran o them Babilonia. Job krell, hoi kamau, te krell lo. Ninna i diwje viechen dom les, te well lo rai pral lende.