Jeremia 49:28 - O Debleskro Drom 2021 (Sinte)

²⁸ Laba pral i menshende an Kedar un pral o them Hazor, hoi o Nebukadnezar, ko rai pral o them Babilonia, peskre lurdentsa dren las. Kawa penell o baro Dewel ap i Babilonarja: Djan an o kurepen i menshentsa an Kedar! Un marenn kolen, kai djiwenn kote, kai o kham pre djal!

O Debleskro Lab 2024 (Sinte-Manouche)

²⁸ Laba pral i menshende an Kedar oun pral o them Hazor, hoy o Neboukadnezar, ko ray pral o them Babilonia, peskre lourdentsa dren las. Kava penell o baro Devel ap i Babilonarya: Djan an o kourepen i menshentsa an Kedar! Oun marenn kolen, kay djivenn kote, kay o kham pre djal!

Jeremia 49:28 ပူးပေါင်းရင်းမြစ်များ

1. Mose 25:13

Un kolla hi i laba o Ismaeleskre tchawendar jaake har jon boldo wan: O phureder his o Nebajot. Palle was o Kedar, o Adbeel, o Mibsam,

1. Mose 25:6

Un kol tchawen, kai leskre wawar romjendar bolde wan, das o Abraham kutch koowa pestar. An ko tsiro har job djiwas, bitchras lo len dur krik peskro tchawestar Isaak an ko them, hoi kote tchiddo hi, kai o kham pre-djala.

1. Familjakro liil 1:29

O Ismaeles his deesh-te-jek tchawe, kai jaake boldo wan: O phureder his o Nebajot. Pal leste was o Kedar un o Adbeel, un o Mibsam,

Hiob 1:3

Ninna his les bud vieche: 7.000 (efta-serja) bakre un 3.000 (triin-serja) khamele, un jek serja grumja, kolendar hako kopo dui khetne budran, un 500 (pantch-sheel) djuwelkane burike. Un les his bud bud budepangre. Kek mensho his brawleder har o Hiob an ko them, hoi hi kote tchiddo, kai o kham pral djal.

Debleskri gili 120:5

Hawi bibacht hi mange, te hunte djiwap mank i wi-themarja, pash i menshende, kai prindjrenn gar miro Debles.

Kamlepaskri gili 1:5

Kales hom un shukar hom, tumer tcha dran o foro Jerusalem, kalo har i plachtene khera an o them Kedar un har o Salomeskre stakepangre.

Jesaja 11:14

Palle djan le khetne bari sorjah ap i Filistarja, kai kote djiwenn, kai o kham tele djal. Un khetne randenn le kolen win, kai an i themma djiwenn, kai o kham pre djal. I themma Edom un Moab lenn le dren. Un i Ammonarja hunte krenn, hoi jon penenn.

Jesaja 21:13

Kate sikrell o Dewel, hoi pral o them Arabia wella. Tumer mursha dran o foro Dedan, atchenn tumare khamelentsa win an o diwjo them! Atchenn pral i rati mank i burra!

Jesaja 42:11

Giwenn i bari goljah, tumer an i forja an i mule tate themma, un tumer menshe dran Kedar, kai an i gaba djiwenn! Giwenn bari goljah, tumer, kai an o foro Sela djiwenn! Denn gole i bachtjatar, tumer, kai pral ap i berge djiwenn!

Jeremia 2:10

Djan pral o baro pani pash i panjeskre themma, kai kol Kitarja djiwenn, un dikenn tumen trujel! Bitchrenn murshen an o them Kedar un lenn i menshen kote ninna an o jak! Krenn jon sawo koowa har tumer kran?

Jeremia 25:23

i menshe an i forja Dedan, Tema, un Bus; i menshe, kai tchinenn pengro bal tiknes;

Jeremia 25:24

i tsele bare raja an Arabia; i tsele bare raja pral i menshende an o mulo tato them;

Jeremia 49:14

O baro Dewel bitchras peskro bitchepaskres pash i menshende an wawar themma. Un me shunom, har job penas: Awenn khetne! Mer djas an o kurepen, un kuras men i menshentsa an o them Edom!

Jeremia 49:33

O them Hazor well i mulo them hako tsireske. Diwje djukle djiwenn koi, un buder kek menshe. Kek mensho krell pes kote i kheer.

Ezekiel 27:21

I menshe dran Arabia un i raja dran o them Kedar paran tuha un dan tut bakre un busja.

Čačepangre 6:3

Un hako kopo, kai witsran i Israelitarja o djob an i phub, palle wan i Midianarja un i Amalekarja un wawar menshe kotar, kai o kham pre djala, un peran an o them dren.