Jeremia 49:19 - O Debleskro Drom 2021 (Sinte)

¹⁹ Har i lewo win well dran i burra pash o pani Jordan, wau me, un tradau i Edomarjen sik dran lengro them, un tchiwau koles pral o them, kones me win rodom. Kek hi har me! Kek hunte penell mange, hoi te krap! un kek rai hi sorleder har me!

O Debleskro Lab 2024 (Sinte-Manouche)

¹⁹ Har i levo vin vell dran i bourra pash o pani Yordan, vau me, oun tradau i Edomaryen sik dran lengro them, oun čivau koles pral o them, kones me vin rodom. Kek hi har me! Kek hounte penell mange, hoy te krap! oun kek ray hi zorleder har me!

Jeremia 49:19 ပူးပေါင်းရင်းမြစ်များ

1. Familjakro liil 12:15

Kolla his dran o kheer Gad. Jon lauter his pralstune lurde. O tikneder lendar his o pralstuno pral sheel lurdende, un ko bareder his o pralstuno pral i sero lurdende.

2. Familjakro liil 20:6

Un job penas: “Baro Dewel, tu Dewel mare phurendar, tu hal o Dewel an o bolepen un o rai pral i tsele raja un lengre themma ap kai phub. Un an tiro wast hi i soor un o penepaske pral halauter, un kote hi kek, kai nai well sorleder har tu.

Hiob 41:10

Te phurdell lo dran o nak, well tikno pani win, hoi dikell win har brishin an o kham. Leskre jaka hi lolo har o kham, hoi pre djal.

Hiob 9:19

Te djoms ap leste sorjah, job hi o sorleder! Te kamoms les glan i tchatchepangre te anell, penals lo: Kones kameh te bitchrell, te anell lo man koi?

Hiob 9:21

Kek tchilatchepen krom me. Miro djipen hi mange buder tchi moldo. Kamau buder gar te djiwell. Lauter hi mange jek. Doleske penau me: O Dewel dell koles mulo, kai latcho un tchatcho hi, un ninna koles, kai tchilatcho hi.

Debleskri gili 143:2

De man, tiro budepaskres, kek phagi; glan tute hi kek mensho an o tchatchepen tardo.

Debleskri gili 76:7

Har dal tu len trad, tu, o Jakobeskro Dewel, peran i graja un kolla, kai ap lende beshdo hi, an o sopen.

Debleskri gili 76:8

Glan tute kokres hunte well men daar. Koon nai atchell tardo glan tute, tu te choireh tut?

Debleskri gili 89:6

Baro Dewel, o bolepen sharell, hoi tu an tiri soor lauter kral, I bolepangre sharenn, har hako tsiro pash tire menshende rikral.

Debleskri gili 89:8

Kote, kai i bolepangre khetne wenn, o Deblestar jon darenn. Kolla lauter, kai hi trul leste, hi dareno tardo glan o baro Debleste.

2. Mose 15:11

Kek hi jaake har tu, o baro Dewel. Kek hi jaake har tu mank lauterende, kai kharenn pen Dewel! Tu hal o tchatcho Dewel, un kek wawar hi jaake sorelo har tu! Tu kral dareno koowa, hoi kek wawar nai krella.

Jesaja 40:25

“Koon hi jaake har me”, putchell o tchatcho Dewel, te nai penenn tumer: “O baro Dewel hi jaake har kowa?”

Jesaja 46:9

Mukenn tumenge an o shero te djal, har an o phuro tsiro his: Me hom o Dewel, un dell kek wawar har man. Kek hi jaake har me!

Jeremia 12:5

Te kras tut kowa khino, har nashal khetne wawar menshentsa, har kameh khetne i grajentsa te nashell? Te kameh tu tut ninna kate an o them te khatrell, kai bud menshe hi, hoi kameh tu an o pesso weesh te krell, hoi pash o pani Jordan hi?

Jeremia 25:9

Doleske mukau kol lurden te well dran i themma, kai kote tchiddo hi, kai norden hi. Lengro pralstuno hi o baro rai, o Nebukadnezar, dran o them Babilonia. Koles rodom win, te krell job, hoi kamau. Kolla perenn pral tumende un tumaro them, ninna pral kol tsele themma kai trujel. Kal themma mukau jaake paash te dell, te atchell tchi har barra pral hako tsireske. Un i wawar menshenge, kai kowa dikenn, atchell o rakepen krik i trashatar, un jon denn i wasta pral o shero khetne.

Jeremia 30:21

Un lengro rai well dran lende. Awa, lengro pralstuno hi jek lendar. Me mukau les glan mande te well. Kek nai well glan mande un atchell djido, te mukau les gar. Kowa penell o baro Dewel.

Jeremia 4:7

I marepaskro, hoi marell i menshen an bud themma, stas pre. Har i lewo, hoi well dran o weesh, kras lo pes ap o drom, te dell job tumaro them paash un chatchrell tumare forja jaake, kai nai djiwell kek koi dren.

Daniel 7:4

O ersto his har i lewo, un les his tchirklengre mussja har i adlari. Un me dikom, har i bare tchirklengre mussja lestar krik lino wan. Un ko viecho was pre hadedo i phubjatar, un pre-tchiddo ap peskre pire har i mensho. Un les was o dji i menshestar dino.

Nahum 1:6

Koon nai atchell tardo glan leskri choli? Koon nai atchell djido, te well lo chojedo? Leskri choli chatchell har i jag. Ninna i berge phagenn an kotja glan leste.

Zakarie 11:3

I pralstune pral i themma denn gole i dukatar, lengro railepen hi buder gar. Shunenn i gole i lewendar! O weesh, kai le khere his, pash o pani Jordan, hi khetne stakedo.

4. Mose 16:5

un penas ap o Korach un ap kolende, kai pash leste his: “Taissar penell o baro Dewel, koon leskre menshe hi, kones job peske wi-rodas, un koon nai well pash leste. Un kones job win rodella, kowa nai well pash leste.

Josua 3:15

Kowa his an ko tsiro, kai anenn le o djob dren. An ko tsiro his jaake bud pani an o Jordan, te djal o pani pral i rigja. Har kanna i rashaja pengre herja an o pani tchiwan,

Debleskro tsiro 6:17

Ko baro diwes was, kai lengri choli ap mende wella. Un kek nashte nashell lengri choljatar krik.”