Jeremia 49:10 - O Debleskro Drom 2021 (Sinte)

¹⁰ Me dom o kheer Esau an lengre wasta, un tchakrom lengro khatepen pre, te nai khatrenn le pen gar. Lengre tchawe, lengre phrala un kol menshe, kai djiwan lentsa khetne, wenn maredo. Un kek lendar hi koi, kai nai penell:

O Debleskro Lab 2024 (Sinte-Manouche)

¹⁰ Me dom o kheer Esau an lengre vasta, oun čakrom lengro khatepen pre, te nay khatrenn le pen gar. Lengre čave, lengre phrala oun kol menshe, kay djivan lentsa khetne, venn maredo. Oun kek lendar hi koy, kay nay penell:

Jeremia 49:10 ပူးပေါင်းရင်းမြစ်များ

Debleskri gili 37:28

O baro Dewel kamell o tchatchepen un mukell peskre menshen gar kokres. Hako tsiro dell job jak ap lende. Kolla, kai kamenn o Deblestar tchi te djinell, merenna, ninna lengre tchawe un kolengre tchawe.

Jesaja 17:14

Ap i rati krenn le i menshen bari traash. Un glan o newo diwes wella, hi le gar buder koi. Jaake djal kolenge, kai kamenn men win te randell. un kamenn menge kowa te tchorell, hoi menge hi.

Jesaja 45:3

Me dau tut brawlepen, hoi khatedo his, un kutch koowa, hoi mishto tchakedo his. Te haiwess tu, te hom me o baro Dewel, ko Dewel pral o Israel, un dom tut gole pash tiro lab.

Jeremia 13:26

Kowa well jaake har te hadaus me tiro ripen pral tiro shero, te dikell hakeno, kai nango hal.

Jeremia 23:24

Kek nai khatrell pes jaake tchorchanes, te dikau les gar, penell o baro Dewel. Kek platsa hi an o bolepen un ap i phub, kai me gar hom. penell o baro Dewel.

Ropaskre gilja 4:22

Tumer an o foro Zion, palle hi tumari doosh tumendar krik lino! O baro Dewel mukell tumen buder gar pandles krik te anell. Palle anell job tumari doosh, tumer Edomarja, ap tumare sherja pale, un tchakrell ko tchilatcho koowa pre, hoi kran.

Amos 9:3

Ninna te khatrenn le pen pral ap i berga Karmel, rodau me len un lau len tele. Ninna te khatrenn le pen mandar tele an o baro pani, jaake penau o panjeskro sap, te dandrell lo len.

Obadja 1:6

An tiro tselo them rodenn le trujel, un hatsenn tiro tselo khatedo kutch koowa!

Obadja 1:9

Un i sorele kurepangre an o foro Teman lenn bari daar. Doleske well hakeno ap i berge Esau maredo.

Remarja 9:13

Jaake hi kowa an o Debleskro lab tchinlo: Me kamom o Jakobes. O Esaes kamom gar.