Jeremia 49:1 - O Debleskro Drom 2021 (Sinte)

¹ Laba pral i Ammonarja. Kawa penell o baro Dewel: Hi o Israeles kek tchawe? Hi les kek tchawe, kai nai lenn o them pengre phurendar dren? Hoske las ko dewel, koles i Ammonarja an-mangenn, o Milkom, o them Gad dren? Un hoske djiwenn leskre menshe kote?

O Debleskro Lab 2024 (Sinte-Manouche)

¹ Laba pral i Ammonarya. Kava penell o baro Devel: Hi o Israeles kek čave? Hi les kek čave, kay nay lenn o them pengre phourendar dren? Hoske las ko devel, koles i Ammonarya an-mangenn, o Milkom, o them Gad dren? Oun hoske djivenn leskre menshe kote?

Jeremia 49:1 ပူးပေါင်းရင်းမြစ်များ

1. Mose 19:38

Un i terneder tchai anas ninna i tchawes ap i phub. Koles das joi ko lab Ben-Ammi. Kolestar wenna kol menshe, kai hi kau diwes i Ammonarja.

2. Rajengro liil 24:2

Un o baro Dewel mukas bud lurden pral leste te well, kai trujel djan un randan an o them Juda. Kolla wan dran i themma Babilonia, Syria, Moab, un Ammon, un kran o them paash. Kowa was jaake, har o baro Dewel rakras ap peskre rakepangre, kai leske koi his, un har jon kowa i menshenge dureder penan.

2. Familjakro liil 20:1

Pal i tsiro wan i Moabarja un i Ammonarja, te kurenn le pen o Josafateha. Un lentsa wan ninna lurde dran o them Meun.

2. Familjakro liil 20:23

I Ammonarja un i Moabarja kuran pen kolentsa dran i berge Seir, un dan len khetne. Un har jon halauteren maran dran i berge Seir, djas jek ap o wawareste, un jon dan pen kokres khetne.

Nehemia 2:19

Kote his ninna mursha, kai praassan men un san pral mende, har shunan le kowa. Jon his o Sanballat, ko Horonari, un leskro budepaskro, o Tobija, ko Ammonari, un o Geshem, ko Arabari. Kolla penan: “Hoi hi kowa, hoi kote krenn? Kamenn tumer o baro rajestar tele te perell?”

Nehemia 4:7

Doleske tchiwom me i murshen kote pash i massuri pre, kai i barra gomme win phagedo his. Un me tchiwom len jaake pre, te hi hako kopo kolla dran jek bari familja khetne tardo. Un len his pengre chare un witsepangre tchurja un boge pash pende.

Debleskri gili 83:7

Kolla hi i menshe dran o Edom un dran o Ismael, dran o Moab, dran i Hagar,

Debleskri gili 9:6

Tu dal trad kol menshen an wawar themma, un maral kolen, kai kaman tutar tchi te djinell. Lengre laba hi bistedo kanna un hako tsireske.

Jeremia 12:14

O baro Dewel penella: Kol tchilatche menshe, kai djiwenn trul mire menshende, un tapran lengro them an, hoi dom mire menshende Israel, te well ko them lengro hako tsireske, kolen lauter tradau dran lengro them win. Un o kheer Juda lau dran lengre wasta win.

Jeremia 25:21

i tsele menshe an i themma Edom, Moab un Ammon;

Jeremia 25:9

Doleske mukau kol lurden te well dran i themma, kai kote tchiddo hi, kai norden hi. Lengro pralstuno hi o baro rai, o Nebukadnezar, dran o them Babilonia. Koles rodom win, te krell job, hoi kamau. Kolla perenn pral tumende un tumaro them, ninna pral kol tsele themma kai trujel. Kal themma mukau jaake paash te dell, te atchell tchi har barra pral hako tsireske. Un i wawar menshenge, kai kowa dikenn, atchell o rakepen krik i trashatar, un jon denn i wasta pral o shero khetne.

Jeremia 27:3

Man hi i lab kol bare rajenge pral i themma Edom, Moab, Ammon, Tirus un Sidon. Lengre bitchepangre hi an Jerusalem pash o baro rajeste Zedekja. Muk lenge te penell,

Jeremia 48:1

Laba pral o them Moab. Kowa penell o baro Dewel, ko rai pral o bolepen un i phub, kai o Israeleskro Dewel hi: Djungeles djal kol menshenge an o foro Nebo. Khetne dino well lengro foro. Ladj well pral o foro Kirjatajim. Dren lino well lo. I massuri trul o foro well tele dino un khetne phagedo.

Jeremia 49:23

Laba pral o foro Damaskus. I menshe an i forja Hamat un Arpad shunan tchilatcho koowa. Jon lan bari daar un djinenn gar, hoi te krenn. I traash well pral lende har o baro pani, hoi gar tardo atchell.

Jeremia 49:28

Laba pral i menshende an Kedar un pral o them Hazor, hoi o Nebukadnezar, ko rai pral o them Babilonia, peskre lurdentsa dren las. Kawa penell o baro Dewel ap i Babilonarja: Djan an o kurepen i menshentsa an Kedar! Un marenn kolen, kai djiwenn kote, kai o kham pre djal!

Jeremia 49:7

Laba pral i Edomarja. Kawa penell o baro Dewel, ko rai pral o bolepen un i phub: Hi kanna buder kek goswepen an o foro Teman? Djinenn i gosewe buder gar, hoi te krenn le? Tserdas pes o goswepen lendar krik?

Ezekiel 21:25

Ko jek djal an o foro Rabba, kai i Ammonarja djiwenn, ko wawar an o sorelo foro Jerusalem an o them Juda. Jaake sikreh tu kol dromma, ap kolende o baro rai nai well peskre lurdentsa.

Ezekiel 25:1

Un o baro Dewel penas ap mande:

Zefanja 1:5

Me marau lauteren, kai pral ap pengre khera i bolepangre momlia an-mangenn. Ninna kolen marau, kai witsrenn pen tele glan mande, un denn pen sowel ap mande, un ap i wawar rig denn le pen sowel ap ko mulo debleste, kai kharell Milkom.

5. Mose 2:19

Un tu weh pash o them, kai i Ammonarja djiwenn, kol menshe, kai wenna pal o Lot. Kolenge kress kek tchilatchepen! Un muk tut ap kek tchingepen lentsa dren. Me dau tut kek kotar lengro themestar, hoi dom lende.”

5. Mose 23:3

Kek mursh, koleskri dai gar romedini hi, nai well kote tumentsa khetne, kai o baro Debleskre menshe khetne wenna. Ninna leskre tchawe nai wenn gar kote, jaake rah har deesh familje jek pal i wawar djiwenna.

5. Mose 23:4

Kek Ammonari un kek Moabari well kote tumentsa khetne, kai o baro Debleskre menshe khetne wenn, jaake rah har deesh familje jek pal i wawar djiwenna. An kek tsiro nai wenn le kote.