Jeremia 48:46 - O Debleskro Drom 2021 (Sinte)

⁴⁶ Har djungeles djal tuke, tu them Moab! Nashedo hi kol menshe, kai o debles Kemosh an-mangan; tire tchawe un tire tcha wan anlo an o pandepen.

O Debleskro Lab 2024 (Sinte-Manouche)

⁴⁶ Har djoungeles djal touke, tou them Moab! Nashedo hi kol menshe, kay o debles Kemosh an-mangan; tire čave oun tire ča van anlo an o pandepen.

Jeremia 48:46 ပူးပေါင်းရင်းမြစ်များ

1. Rajengro liil 11:7

Ap i berga glan o foro Jerusalem kras o Salomo i mulni platsa, kai mangan le o djungelo debles an, kai kharell Kemosh. Koles mangan i Moabarja an. Ninna kras lo i mulni platsa, kai mangan le o Moloch an, ko djungelo debles, koles i Ammonarja an-mangan.

2. Rajengro liil 23:13

Ninna kras lo kol mulne platse pale-tchiddo, hoi kras o Salomo, ko baro rai pral Israel. Kolla his tardo ap koi rig o forestar Jerusalem, kai o kham pre-djal, ap i tchatchi rig o djeteskri bergatar. O Salomo kras len, te wenn kote kol djungele mule debla an-mangedo: i Astarte, koi debletsa dran Sidon; un o Kemosh, ko dewel dran o them Moab; un o Milkom, ko dewel dran o them Ammon.

Jesaja 16:2

I bitchepangre te penenn leske: “I djuwja an Moab hi har tchirkle, kai krik tradedo wan dran lengro kheer. Pash o lengsto pani Arnon nashenn le kate te kote.

Jeremia 48:13

Un i Moabarja, kai patsan, te well lengro dewel, o Kemosh, lenge ap i rig, jon hunte ladjenn pen, jaake har o kheer Israel hunte ladjas pes, har wan leske leskre debla an o foro Betel gar ap i rig, ap kolende jon pen soreles rikran.

Jeremia 48:7

Tu Moab, patsal, kai taprell tut kek tchilatchepen an tire sorele khera un pash tiro baro brawlepen. Doleske weh tu ninna dren lino. Tiro dewel, o Kemosh, leskre rashaja un pralstune hunte wenn pandles anlo an i wawar them.

4. Mose 21:29

Djungelo tuke Moab! Tumer menshe ko deblestar Kemosh han nashedo. Tire tchawe wan dino un nashan, un tire tcha wan pandlo anlo pash o Sihon, ko baro rai pral i Amorarja.

Čačepangre 11:24

Hi gar jaake? Te tradals tiro Dewel, o Kemosh, wawar menshen dran lengro them win, lals tu palle gar kolengro them dren? Muk men ko them dren te lell kolendar, kai maro baro Dewel glan mende win tradas!