Jeremia 48:20 - O Debleskro Drom 2021 (Sinte)

²⁰ Ach, o them Moab hi paash dino un khetne stakedo! Rowenn un denn golja! Penenn i menshenge pash o pani Arnon, te was o them Moab khetne phagedo!

O Debleskro Lab 2024 (Sinte-Manouche)

²⁰ Ah, o them Moab hi paash dino oun khetne stakedo! Rovenn oun denn golya! Penenn i menshenge pash o pani Arnon, te vas o them Moab khetne phagedo!

Jeremia 48:20 ပူးပေါင်းရင်းမြစ်များ

Jesaja 15:8

Trul o tselo them Moab trujel well ko ropen shunlo, un djal bis Eglajim un Beer-Elim.

Jesaja 16:2

I bitchepangre te penenn leske: “I djuwja an Moab hi har tchirkle, kai krik tradedo wan dran lengro kheer. Pash o lengsto pani Arnon nashenn le kate te kote.

5. Mose 2:36

Maro baro Dewel das i tsele forja an mare wasta: ko foro Aroer, hoi pash o lengsto pani Arnon tchiddo hi, un ko foro hoi tella an o panjeskri tala tchiddo hi, un i tsele forja bis pash o them Gilead. Kek foro his koi, hoi sorleder his har mer.

Josua 13:9

Ko tselo pralstuno them mank i forja Medeba un Dibon; un i tsele forja, pral kolende o Sihon o rai his, fun o foro Aroer, hoi pash ko pani Arnon tchiddo hi, un ko foro mashkral an i tala, bis kote kai o them Ammon hi. O Sihon his o baro rai pral i Amorarja un djiwas an o foro Heshbon;

Čačepangre 11:18

Palle djan le an o mulo them, un trul o them Edom un o them Moab trujel. Un wan pash o them Moab koi rigjatar, kai o kham pre djala. Un jon tchiwan pengre plachtene khera pre ap i wawar rig o panjestar Arnon. Jaake wan le gar an o Moabengro them. O pani Arnon nashell mank Moab un o mulo them.