Jeremia 48:14 - O Debleskro Drom 2021 (Sinte)

¹⁴ Tumer mursha dran o kheer Moab, har nai penenn tumer tumendar: Mer ham sorele kurepangre un tchatche mursha?

O Debleskro Lab 2024 (Sinte-Manouche)

¹⁴ T'mer morsha dran o kheer Moab, har nay penenn t'mer t'mendar: Mer ham zorele kourepangre oun čače morsha?

Jeremia 48:14 ပူးပေါင်းရင်းမြစ်များ

Debleskri gili 11:1

I gili o rajeske pral i gipangre. O David kras kai gili. Me tchiwau miro tselo patsepen ap o baro Debleste. Har nai penenn tumer palle ap mande: “Naash har i tchirklo an i berge!

Debleskri gili 33:16

I baro rai bud lurdentsa well gar dran peskri soor o sorleder an o kurepen. Un i tchatcho mursh, koles bud soor hi, well gar dran peskri soor win lino dran o kurepen.

Sikepaskro 9:11

Pale dikom, har ap kai phub djala: O sikeder naashepaskro well gar glanstunes an. O sorleder kurepaskro hi gar o feteder lurdo. Sikle menshe hi gar kolla, konen o budeder chapen hi. I gosewe hi gar i brawele. Kowa, kai tchomone mishto haiwell, hi gar kowa, kai an-diklo hi. O tsiro un i bacht penenn, har hakeneske djal.

Jesaja 10:13

Kowa penas: I sorjah mire wastendar krom kowa lauter, un miro goswepah. Tchatchepah, man hi bud goswepen. Me lom wawar themma dren, un random lengro brawlepen, un har i diwjo gurum stakrom kolen khetne, kai koi djiwan.

Jesaja 10:16

Doleske bitchrell o baro Dewel, ko rai pral o bolepen un i phub, i nasslepen ap i pesse menshende an o them Assur, hoi chal len pre. Un i jag chatchrell lengro brawlepen pre.

Jesaja 16:6

Mer shunam, hoi pral i Moabarja rakedo was, kai hi le jaake pre-phurdo, un dikenn tele ap i wawarende, un krenn pen kokres bares. Un len hi i baro mui.

Jeremia 8:8

Har nai penenn tumer: ‘Mer ham gosewo. Men hi o baro Debleskro lab pash mende.’ Chochepen hi kowa lauter, hoi kol sikepangre dran kowa krenna.

Jeremia 9:23

Koon kamell pes te sharell, kowa te sharell pes, kai job prindjrell man, un te haiwell job, kai me o baro Dewel hom. Me krau miro dji pre i menshenge, un krau, hoi tchatcho un mishto hi ap i phub. Sawo koowa hi mishto glan mire jaka. Kowa penau me, o baro Dewel.

Ezekiel 30:6

Kawa penell o baro Dewel: Halauter wenn maredo, kai o themeske Egiptia ap i rig wan. Leskro pre-phurdepen un leskri soor wenn phagedo. An o tselo them mank o foro Migdol un o foro Syene wenn le o chareha mulo dino. Jaake penell kowa o baro Dewel, maro rai.

Zefanja 2:10

Jaake lenn i menshe an i themma Moab un Ammon pengri phagi. Jon his pre-phurdo un praassan i menshen o baro Deblestar, kai hi o rai pral o bolepen un i phub, un hadan pen pral lende.