Jeremia 48:12 - O Debleskro Drom 2021 (Sinte)

¹² Doleske dik, penell o baro Dewel, ko tsiro wella, kai bitchrau sawen pash lende, kai krenn lentsa, har menshe i moljah krenn, hoi le win tchorenn un i khore paash witsrenn.

O Debleskro Lab 2024 (Sinte-Manouche)

¹² Doleske dik, penell o baro Devel, ko tsiro vella, kay bičrau saven pash lende, kay krenn lentsa, har menshe i molyah krenn, hoy le vin čorenn oun i khore paash vitsrenn.

Jeremia 48:12 ပူးပေါင်းရင်းမြစ်များ

Debleskri gili 2:9

Ab rai pral lende i sasterno wasteha, tu phageh len nai har tchare.”

Jesaja 16:2

I bitchepangre te penenn leske: “I djuwja an Moab hi har tchirkle, kai krik tradedo wan dran lengro kheer. Pash o lengsto pani Arnon nashenn le kate te kote.

Jesaja 30:14

Ko kheer hi an kotja tchiddo jaake har o khoro, hoi paash dino was. Lestar atchell kek tikno kotar, koleha nai lals jag dran o bob un pani dran i brunna.

Jeremia 14:3

Kol brawele bitchrenn pengre budepangren pal pani. Kolla djan pash i brunna, un hatsenn kek pani. Lengre khore anenn le kek panjeha pale. Lenge hi ropaske, un khatrenn pengro mui i ladjatar.

Jeremia 19:10

Tu dess ko khoro paash glan kol murshengre jaka, kai tuha djan.

Jeremia 25:34

Tumer pralstune, kai hunte wans har bakrengre o baro Debleskre menshenge, rowenn un denn gole! Tchiwenn tumen tele an i jagakri tchik! O tsiro hi koi, kai wenn maredo. Tumer perenn tele un wenn phagedo har i kutch khoro, hoi perell tele.

Jeremia 25:9

Doleske mukau kol lurden te well dran i themma, kai kote tchiddo hi, kai norden hi. Lengro pralstuno hi o baro rai, o Nebukadnezar, dran o them Babilonia. Koles rodom win, te krell job, hoi kamau. Kolla perenn pral tumende un tumaro them, ninna pral kol tsele themma kai trujel. Kal themma mukau jaake paash te dell, te atchell tchi har barra pral hako tsireske. Un i wawar menshenge, kai kowa dikenn, atchell o rakepen krik i trashatar, un jon denn i wasta pral o shero khetne.

Jeremia 48:11

Jaake rah har o them Moab koi hi, djiwan leskre menshe kek kurepah. An kek tsiro hunte djan i Moabarja an o pandepen. Jon nai atchan khere jaake har i mool, kai atchas an jek kashtengri piri, un was gar tchoredo dran jek piri an i wawar. Doleske sungell li pal peste kokres, un lakro sungepen atchas ap leste.

Jeremia 48:13

Un i Moabarja, kai patsan, te well lengro dewel, o Kemosh, lenge ap i rig, jon hunte ladjenn pen, jaake har o kheer Israel hunte ladjas pes, har wan leske leskre debla an o foro Betel gar ap i rig, ap kolende jon pen soreles rikran.

Jeremia 48:15

O them Moab well paash dino, un leskre forja wenn dren lino. Leskre feteder lurde djan win, te kurenn le pen, un wenn maredo. Kowa penell o baro rai, kai kharell ‘baro Dewel, ko rai pral o bolepen un i phub.’

Jeremia 48:38

Pral ap i khera an o tselo them Moab, un ap leskre tsele dromma denn le bares gole. O baro Dewel penell: Me phagom o them Moab an kotja har i khoro, hoi kek buder kamella.

Jeremia 48:8

O marepaskro, kai halauter marella, well pral hako foro an tiro them, kek foro atchell tardo. O telstuno them well har o mulo them, un o pralstuno them well khetne stakedo. Kowa penas o baro Dewel.

Nahum 2:2

Tumer menshe an o foro Ninive, kurepangre wenna, te krenn le tumaro foro paash. Denn garda ap o foreskri massuri! Rikrenn i dromma an i jak! Lenn i chare an o wast! Anenn tumare tsele lurden khetne!