Jeremia 48:11 - O Debleskro Drom 2021 (Sinte)

¹¹ Jaake rah har o them Moab koi hi, djiwan leskre menshe kek kurepah. An kek tsiro hunte djan i Moabarja an o pandepen. Jon nai atchan khere jaake har i mool, kai atchas an jek kashtengri piri, un was gar tchoredo dran jek piri an i wawar. Doleske sungell li pal peste kokres, un lakro sungepen atchas ap leste.

O Debleskro Lab 2024 (Sinte-Manouche)

¹¹ Yaake rah har o them Moab koy hi, djivan leskre menshe kek kourepah. An kek tsiro hounte djan i Moabarya an o pandepen. Yon nay ačan khere yaake har i mool, kay ačas an yek kashtengri piri, oun vas gar čoredo dran yek piri an i vavar. Doleske soungell li pal peste kokres, oun lakro soungepen ačas ap leste.

Jeremia 48:11 ပူးပေါင်းရင်းမြစ်များ

Debleskri gili 123:4

Dik, har rah sanenn i brawele pral mende! Har rah dikenn kolla ap mende tele, kai pre-phurde hi.

Debleskri gili 55:19

Job lell miro djipen win dran i wasta kol budendar, kai ap mande djan. Un krell, te mukenn le tele mandar.

Gosewe laba 1:32

Kolen tchi an o shero hi, kolla rissrenn o Debleske o dumo; un kowa anell lenge o merepen. Un lengro pre-phurdepen marell len.

Jesaja 16:6

Mer shunam, hoi pral i Moabarja rakedo was, kai hi le jaake pre-phurdo, un dikenn tele ap i wawarende, un krenn pen kokres bares. Un len hi i baro mui.

Jesaja 24:3

I tseli phub well nango un tchi atchell pral ap late. Awa, wi-randedo un win tchoredo well li. Kowa rakras o baro Dewel.

Jesaja 25:6

Kate ap i berga Zion mukell o baro Dewel, ko rai pral o bolepen un i phub, i menshenge an i tsele themma i latcho chapen glan te tchiwell; i chapen thullo masseha un latchi phuri mool, awa, wi-rodedo latcho mass un wi-rodedi phuri mool.

Jeremia 22:21

Jerusalem, har djas tuke gomme mishto, dom me tut trad. Tu penal, me dau gar jak ap kowa, hoi lo rakrell. Jaake kral hako tsiro. Ninna har tu gomme terno hals, shunal gar ap mande.

Jeremia 48:12

Doleske dik, penell o baro Dewel, ko tsiro wella, kai bitchrau sawen pash lende, kai krenn lentsa, har menshe i moljah krenn, hoi le win tchorenn un i khore paash witsrenn.

Jeremia 48:29

An hako tsiro was penlo pral o them Moab, har pre-phurdo job hi, un hawo sharedo job hi, har rikrell lo bud pestar, hawo baro mujeskro job hi, un har dikell lo tele ap i wawarende!

Jeremia 51:34

O foro Jerusalem penell: O Nebukadnezar, ko baro rai dran o them Babilonia, chas man pre un maras man. Har i baro panjeskro sap chas lo man, un kras peskro per pesso miro brawlepah. Palle witsras lo man krik har i khoro, kai tchi dren hi. “Mu well pral o foro Babilon ko tchilatchepen, hoi was menge ninna kerdo”, penenn i menshe ap i berga Zion. “I Babilonarja mukan maro rat te nashell. Kanna mu nashell lengro rat!”

Nahum 2:10

Tumer lurde, randenn rup, randenn sonakai! O foro hi pherdo brawlepen, pherdo kutch koowa!

Nahum 2:2

Tumer menshe an o foro Ninive, kurepangre wenna, te krenn le tumaro foro paash. Denn garda ap o foreskri massuri! Rikrenn i dromma an i jak! Lenn i chare an o wast! Anenn tumare tsele lurden khetne!

Zefanja 1:12

An ko tsiro wella jaake, kai lau i momeli un rodau an o foro Jerusalem lauter kolen, kai djiwenn i shukar djipen un djinenn kek daar, un kai penenn an pengre djia: O baro Dewel krell menge tchi, kek latchepen, witar kek tchilatchepen.

Zakarie 1:15

un man hi i bari choli pral i pre-phurde themma. Miri choli ap mire menshende his gar jaake baro, har kowa, hoi kol wawar themma lentsa kran.”