Jeremia 47:3 - O Debleskro Drom 2021 (Sinte)

³ Jon shunenn, har i herja kol sorele grajendar kote pre stakrenna, un koi bari gole, hoi i rade lengre kurepangre wurdjendar krenn. Koi lenn le jaake daar, te dikenn pen i dada gar trujel pal pengre tchawende.

O Debleskro Lab 2024 (Sinte-Manouche)

³ Yon shounenn, har i herya kol zorele grayendar kote pre stakrenna, oun koy bari gole, hoy i rade lengre kourepangre vourdyendar krenn. Koy lenn le yaake daar, te dikenn pen i dada gar trouyel pal pengre čavende.

Jeremia 47:3 ပူးပေါင်းရင်းမြစ်များ

Jesaja 5:28

Lengre faile hi har tchurja, un lengre boge hi pre tserdedo. Ko saster tel lengre grajengre pire hi sorelo har bar. Un i rade ap lengre wurdja hi sik har i sorelo ducho, hoi phurdell pral i phub.

Jeremia 46:9

Mishto, beshenn tumen ap i graja, ulerenn o kurepangre wurdjentsa! Bitchrenn tumare sorele kurepangren win, kolen dran i themma Etiopia un Libia, kolen, kai shilte hidjrenna, un kolen dran Lud, kai bogentsa karje denna!

Jeremia 50:42

Len hi boge un chare. Jon hi midjak un len khaitell kek. Ap graja klissenn le i goljah, hoi jaake baro hi har i gole, hoi o baro pani krell. Jon wenna, te kurenn le pen tuha, tu foro Babilon.

Jeremia 8:16

Kolla, kai kamenn te kurenn pen mentsa, hi pash o foro Dan tardo. Fun kotar shunah koi gole lengre grajendar. O tselo them trissell koi goljatar hoi i graja denn. Jon wenna un chan ko tselo them pre, lauter, hoi ap ko them hi, kol forja un lauter, hoi koi dren djiwella.

Ezekiel 23:24

Un jon wenn pral tute pengre wurdjentsa o kurepaske, ninna kol wurdjentsa, hoi hidjrenn chapen un wawar koowa, un bud bud lurdentsa. Un jon wenn trul tute trujel, un hidjrenn bare un tikne shilte, un sasterne stadja. Lenge dau tut an i wasta, te denn le tut tiri phagi pal lengro tchatchepen.

Nahum 2:4

Kol lurde wenna, te kurenn le pen tuha, Ninive! I kurepangre hidjrenn lole shilte un lole gada. O saster ap i kurepangre wurdja dikell win har jag. Un i graja nashenn sik.

Nahum 2:8

Koi rani well pandles krik anlo. Lakre djuwjengre budepangre rowenn har i taube, un denn penge ap pengro betch.

Debleskro tsiro 9:9

Un ap lengro betch his len sasterne gada. Un koi gole, hoi lengre mussja kran, his har koi gole, hoi bud wurdja pengre grajentsa krenn, kai an o kurepen nashenna.

Čačepangre 5:22

Kote nashan i graja sikeder. Klak-klak, klak-klak, shunenn koi bari gole, hoi lengre pire kran!