Jeremia 46:6 - O Debleskro Drom 2021 (Sinte)

⁶ Kowa kai sik hi, nai nashell peske gar. Un kowa kai sorelo hi, well tapedo. Kote, an o nordetikro them pash o pani Eufrat peran le, un atchenn le mulo tchiddo.

O Debleskro Lab 2024 (Sinte-Manouche)

⁶ Kova kay sik hi, nay nashell peske gar. Oun kova kay zorelo hi, vell tapedo. Kote, an o nordetikro them pash o pani Eufrat peran le, oun ačenn le moulo čiddo.

Jeremia 46:6 ပူးပေါင်းရင်းမြစ်များ

2. Rajengro liil 23:29

An ko tsiro djas o Farao Necho, ko baro rai pral o them Egiptia, pral pash ko pani, hoi kharella Eufrat, te kurell lo pes o baro rajeha pral o them Assur. Un o baro rai Josia tchiwas pes leske an o drom. Un o Necho maras les pash o foro Megiddo, har lo les dikas.

2. Rajengro liil 24:7

Un o baro rai pral o them Egiptia djas buder gar dran peskro them win. O baro rai pral o them Babilonia las leske halauter krik, hoi lo peske dren las: o tselo them mank o them Egiptia un o pani Eufrat.

Debleskri gili 27:2

Te wenn i tchilatche ap mande har diwje vieche, kai kamenn man te chal, kolla, hoi les mange phares krenn un mange tchilatchepen kamenn, palle hi jon kolla, kai nashrenn pengri soor un perenn.

Sikepaskro 9:11

Pale dikom, har ap kai phub djala: O sikeder naashepaskro well gar glanstunes an. O sorleder kurepaskro hi gar o feteder lurdo. Sikle menshe hi gar kolla, konen o budeder chapen hi. I gosewe hi gar i brawele. Kowa, kai tchomone mishto haiwell, hi gar kowa, kai an-diklo hi. O tsiro un i bacht penenn, har hakeneske djal.

Jesaja 8:15

Un bud lendar dukrenn pen, perenn un phagenn pen i herja, taprenn pen an i dori, un wenn pandlo.

Jeremia 1:14

Un o baro Dewel penas ap mande: Kotar, kai norden hi, well i bibacht pral halauterende, kai djiwenn an kau them.

Jeremia 20:11

O baro Dewel hi pash mande un dell ap mande garda har i sorelo mursh. Doleske perenn kolla, kai man palla lenn un hunte tserdenn pen pale. Kowa, hoi len glan hi, nai krenn jon gar. Un wawar san pral lende. Hako tsiro hi kowa lenge i ladj un well lenge gar bistedo.

Jeremia 25:9

Doleske mukau kol lurden te well dran i themma, kai kote tchiddo hi, kai norden hi. Lengro pralstuno hi o baro rai, o Nebukadnezar, dran o them Babilonia. Koles rodom win, te krell job, hoi kamau. Kolla perenn pral tumende un tumaro them, ninna pral kol tsele themma kai trujel. Kal themma mukau jaake paash te dell, te atchell tchi har barra pral hako tsireske. Un i wawar menshenge, kai kowa dikenn, atchell o rakepen krik i trashatar, un jon denn i wasta pral o shero khetne.

Jeremia 4:6

Tchiwenn i sikepen pre ap o drom, hoi sikrell o drom an Zion! Nashenn un atchenn gar tardo, me anau bari bibacht un baro ropen, hoi well kotar, kai norden hi.

Jeremia 46:10

Kawa hi o diwes o baro Deblestar, kai hi o rai pral o bolepen un i phub. Ap ko diwes dell lo kolen, kai kamenn les gar, kowa pale, hoi jon ap leskre menshende kran. Leskro charo chal len, bis te hi lo tchalo, un well mato lengro rateha. Jon hi har vieche, kai maredo wenn o baro Debleske, kowa, kai hi o rai pral o bolepen un i phub. Job mukell len mulo te dell pash o pani Eufrat an o them, hoi kote tchiddo hi, kai norden hi.

Jeremia 46:12

Tiri ladj was an i wawar themma win gole dino. Halauter shunan tiro ropen. Tire sorele kurepangre peran jek pral o wawar, un atchan jek pash o wawareste tchiddo.

Jeremia 46:16

Job krella, kai bud lendar perenna, un jek ap o wawareste ap i phub tchiddo hi. Kote penenn i lurde: Awenn, mer djas pale pash mare menshende, an kol themma, kai khere ham! Awenn, nashas glan kal marepaskre chare!

Jeremia 50:32

Kote perell ko pre-phurdo un atchell tchiddo. Un kek hi koi, kai tchiwell les pale ap peskre pire. Me kamau an leske forja jag te tchiwell, kowa te chal halauter pre, hoi kote trujel hi.

Jeremia 6:1

Tumer menshe dran o kheer Benjamin, nashenn dran Jerusalem! un phurdenn koi phurdepaskri an Tekoa! Krenn i jag ap i berga Bet-Kerem, te well o jagakro ducho i sikepen! Bari bibacht un merepen well kotar, kai norden hi.

Daniel 11:19

Pal kowa rissrell lo pes un djal pale an kol sorele forja an peskro them. Un kowa djal gar mishto, un job merell un well gar buder hatslo.

Daniel 11:22

Un kol lurde, kai har bare panja ap leste djan, thowell lo pestar tele, har te wans le tchi. Un ninna marell lo i rajes, kai hi o pralstuno pral o Debleskre menshende.