Jeremia 44:9 - O Debleskro Drom 2021 (Sinte)

⁹ Bistran tumer koi doosh, hoi tumare phure ap pende anan, i doosh i bare rajendar dran o them Juda, un i doosh lengre romjendar, ninna tumari doosh, kai anan pral tumende, un ko tchilatcho koowa, hoi tumare romja kran an o them Juda un ap i dromma an o foro Jerusalem?

O Debleskro Lab 2024 (Sinte-Manouche)

⁹ Bistran t'mer koy doosh, hoy t'mare phoure ap pende anan, i doosh i bare rayendar dran o them Youda, oun i doosh lengre romyendar, ninna t'mari doosh, kay anan pral t'mende, oun ko čilačo koova, hoy t'mare romya kran an o them Youda oun ap i dromma an o foro Yerusalem?

Jeremia 44:9 ပူးပေါင်းရင်းမြစ်များ

Jeremia 44:21

Ma patsenn, kai djinas o baro Dewel gar, hoi kran an i forja o themestar Juda un an i dromma o forestar Jerusalem, tumer un tumare phure, tumare bare raja, pralstune un i tsele menshe an o them! Kowa djas o baro Debleske an o dji,

Jeremia 7:10

Un palle wenn tumer glan mande an kau kheer, hoi mange kerdo was, un penenn: ‘Menge nai djal tchi’. Un krenn sawo koowa dureder, hoi choiran man.

Jeremia 7:9

Tumer han tchorepangre un marepangre, kai denn wawaren mulo, tumer mursha chochenn tumare romjen wawar djuwjentsa, tumer djuwja, chochenn tumare romen, wawar murshentsa, tumer denn tumen sowel un rikrenn koja gar dren, tumer chatchrenn viechen o chocheno debleske Baal un nashenn pal wawar deblende.

5. Mose 9:7

Ma bistrenn, har choiran tumaro baro Debles an o mulo them, Ko diwesseha har djan tumer win dran o them Egiptia bis te wan kate, kai kanna han, kaman gar ap leste te shunell.