Jeremia 44:7 - O Debleskro Drom 2021 (Sinte)

⁷ Doleske penell o baro Dewel, ko rai pral o bolepen un i phub, kai o Israeleskro Dewel hi: Hoske krenn tumer sawo tchilatchepen ap tumende kokres? Kamenn tumer, te merenn tumare menshe win: mursha un djuwja, tchawe un ternepen? Un tchi atchell pral tumendar, kai wan dran o them Juda?

O Debleskro Lab 2024 (Sinte-Manouche)

⁷ Doleske penell o baro Devel, ko ray pral o bolepen oun i phoub, kay o Israeleskro Devel hi: Hoske krenn t'mer savo čilačepen ap t'mende kokres? Kamenn t'mer, te merenn t'mare menshe vin: morsha oun djouvya, čave oun ternepen? Oun či ačell pral t'mendar, kay van dran o them Youda?

Jeremia 44:7 ပူးပေါင်းရင်းမြစ်များ

Gosewe laba 1:18

Hi gar jaake kal murshentsa: Jon kamenn i wawaren te marell, un haiwenn gar, te perenn le kokres an pengri netsa.

Gosewe laba 15:32

Koon gar shunell, te well lo trad dino, tchinell pes an peskro mass. Koon mukell pes tchomone te penell, kowa well gosweder.

Gosewe laba 5:22

O tchilatcho koowa pandell koles, kai kowa krella. Leskri doosh hi har shelle, hoi les pandenn.

Gosewe laba 8:36

Kowa, kai gar pash mande well, krell peskro djipen paash. Hakeno, kai kamell tchi mandar te djinell, hi ap o drom, hoi anell an o merepen.

Jeremia 25:6

Ma nashenn wawar deblenge palla, te perenn tele glan lende, te mangenn len an! Ma choirenn man kolentsa, hoi tumare wastentsa kran, te anap kek bibacht pral tumende!”

Jeremia 25:7

Tumer kaman gar ap mande te shunell, penell o baro Dewel. Tumare deblentsa, hoi kran tumenge, choiran man jaake bud, te dap tumen tumari phagi.

Jeremia 26:19

Har o Micha kowa glan-wi penas, mukas les o baro rai Hiskija un kol menshe an Juda te marell? Na-a! Jon lan o baro Debleskre laba ap o dji un mangan lestar, te marell lo len gar. Un o baro Dewel rikras pes pale un bitchras gar koi bibacht pral lende, kolatar job rakras. Un kanna, te marah mer o Jeremijes, anah i bari bibacht ap mende!”

Jeremia 3:24

Har mangam ko djungelo debles Baal an, nashram lauter, hoi mare phure penge khetne lan, har terne hams: bakre, grumja, tchawe un tcha.

Jeremia 38:17

Un o Jeremia penas ap o Zedekja: Kowa penell o baro Dewel, ko rai pral o bolepen un i phub, kai o Israeleskro Dewel hi: Te dja tu win pash i pralstunende o baro rajestar dran o them Babilonia, palle atcheh tu djido, un kau foro well gar chatchedo, tu un tiro kheer atchenna djido.

Jeremia 42:20

Tumer bitchran man pash tumaro baro Debleste, un penan: “Putch maro baro Deblestar menge, un pen menge halauter, hoi lo penell, te kras mer kowa.” Te shunenn tumer kanna gar ap leste, anenn tumer tumen an i bibacht.

Jeremia 44:14

Kek kolendar, kai pral atchan an o them Juda, un kate an o them Egiptia wan, te djiwenn le kate, nai nashell krik un atchell djido. Jon wenn buder gar pale an o them Juda, ninna te kamans le pale pale te djal, un kote te djiwell. Kokres i wast pherdo lendar nai nashell peske un nai well kote pale.

Jeremia 44:8

Tumer choirenn man koleha, hoi krenn kote an o them Egiptia, kai djan, te djiwenn koi. Tumer chatchrenn sungepaskro koowa wawar deblenge. Kamenn tumer halauter te merell? Kamenn, te praassenn tumen i menshe dran i tsele wawar themma un san pral tumende?

Jeremia 51:22

Tiri sorjah dom murshen un djuwjen mulo, phure un terne, tchawe un tcha.

Jeremia 7:19

Mange krenn jon koweha kek duka, penell o baro Dewel. Ap pende kokres anenn le ladj.

Jeremia 9:21

O baro Dewel penell: Kol mule menshe atchenn tchiddo har ful ap i hachetikri phub, har o djob, hoi tchinlo was, un tchiddo atchas pal o tchinepaskro, un kek las les khetne.

Ropaskre gilja 2:11

Mire jaka hi pherde swa, i duk an mande chatchella. Miro dji phagell, te dikau koi bibacht, hoi pral i menshende an miro them was. Kol terne tchawe un ternepen merenn i bokatar ap i dromma an o foro.

Ropaskre gilja 2:22

Haki rigjatar kharal kolen, kai kran menge daar un traash. Jon wan har pash i baro chapen. Un kek mendar nai nashas peske ap o diwes, kai tiri choli, baro Dewel, pral mende was, un kek atchas pral. Kolen, kai me ap i wasta hidjrom un bares tserdom, kolla wan lendar maredo.

Ezekiel 33:11

Pen ap lende: O baro Dewel, maro rai penell: Me dau man sowel pash miro djipen: Mange hi gar shukar, te merell o tchilatcho mensho. Na-a me kamaus, te djal lo peskro tchilatcho dromestar tele, un djiwell lo! Doleske, djan tele tumare tchilatche dromendar! Hoske kamenn tumer te merell, tumer dran o kheer Israel?

Ezekiel 9:6

Denn i phuren mulo, un i terne murshen un i terne tchen, ninna i tchawen un i djuwjen! Ma taprenn jekeske an, koles ko sikepen glan ap peskro shero hi! Djan glanstunes pash miro kheer, un fun kotar dureder. Jaake kran le, un maran glanstunes kol pralstunen, kai glan o baro Debleskro kheer tardo his.

Habakuk 2:10

An tiro dji his, te maress i menshen an bud themma. Kowa hoi tuke glan lal, anell i ladj pral tiro kheer, un tu weh maredo.

5. Mose 32:25

Ap i dromma marell len o charo, un an i khera i traash. Hakenes taprell o merepen: o terno murshes un i terni tchat, o ternepen un kolen parne ballentsa.

Josua 6:21

Un jon dan lauteren i chareha mulo: i tsele murshen, djuwjen, terne un phure, grumja, bakre un burike.

Čačepangre 21:11

Hako murshes un mursh tchawes denn mulo, un ninna haki djuwel, kai romedini hi! Kokres i terne tchen mukenn djido!”

1. Samuel 15:3

Doleske dja kanna an o kurepen un kure tut i Amalekarja, un de len halauter mulo: mursha un djuwja, tchawe un ternepen, grumja un bakre, khamele un burike.’”

1. Samuel 22:19

Ninna an o foro Nob, kai i rashaja djiwan, mukas o Saul lauteren te marell o chareha, murshen un djuwjen, tchawen un ternepen. Ninna i grumjen un i burike un i bakre das lo o chareha mulo.