Jeremia 44:3 - O Debleskro Drom 2021 (Sinte)

³ Un kowa krom doleske, kai jon bud tchilatchepen kran, un jon man chojedo kran, har mangan le wawar deblen an, un chatchran lenge sungepaskro koowa. Kolla his sawe debla, kolen jon glan kowa gar prindjran, witar gar tumer un witar gar tumare phure.

O Debleskro Lab 2024 (Sinte-Manouche)

³ Oun kova krom doleske, kay yon boud čilačepen kran, oun yon man rhoyedo kran, har mangan le vavar deblen an, oun rhačran lenge soungepaskro koova. Kolla his save debla, kolen yon glan kova gar prindjran, vitar gar t'mer oun vitar gar t'mare phoure.

Jeremia 44:3 ပူးပေါင်းရင်းမြစ်များ

Nehemia 9:33

Tu hal an o tchatchepen tardo, har anal kowa lauter pral mende. Kowa, hoi tu kral, his mishto, ninna te djiwam mer jaake, har te wals men kek Dewel.

Jesaja 3:8

O foro Jerusalem peras, un o them Juda hi koi tchiddo. Hoske? Jon dukran o baro Debles pengre labentsa, un ninna koleha, hoi le kran. Kowa, hoi o sorelo Dewel lenge penas, kaman le gar te krell.

Jeremia 11:17

Me, o baro Dewel, ko rai pral o bolepen un i phub, krom dran o kheer Israel un dran o kheer Juda i natsjona. Un jon kran tchilatcho koowa un choiran man, har chatchran le viechen o debleske Baal. Doleske dau len trad, te well bari bibacht pral lende.

Jeremia 16:10

Te penal tu kowa lauter kol menshenge, putchenn jon tutar: Hoske dell men o baro Dewel trad, kai well sawo midjak koowa pral mende? Hawi doosh anam ap mende? Hawo tchilatchepen kram mer ap o baro Debleste, kai maro Dewel hi?

Jeremia 22:9

Un palle penenn le lenge: Leskre menshe rikran gar dren, hoi job lentsa win kras, te hi lo lengro Dewel un jon peskre menshe. Un jon mangan wawar deblen an un peran glan lende tele.

Jeremia 29:19

Kowa well pral lende doleske, kai shunan le gar ap kol laba, hoi mire rakepangre lenge pale te pale penan. Jon kaman gar te shunell, penell o baro Dewel.

Jeremia 32:30

I menshe dran o kheer Israel un dran o kheer Juda kran, hoi glan mire jaka djungelo hi, jaake rah har jon i natsjona hi:

Jeremia 44:23

Tumer chatchran sungepaskro koowa i bolepaskri rajetsake, un kran, hoi djungeles hi glan o baro Debleskre jaka, un shunan gar ap leste, un djiwan gar pal leskre laba un pal leskro tchatchepen, un kran gar, hoi job tumendar kamas. Doleske was sawi bibacht pral tumende, jaake har kau diwes hi.

Jeremia 44:8

Tumer choirenn man koleha, hoi krenn kote an o them Egiptia, kai djan, te djiwenn koi. Tumer chatchrenn sungepaskro koowa wawar deblenge. Kamenn tumer halauter te merell? Kamenn, te praassenn tumen i menshe dran i tsele wawar themma un san pral tumende?

Jeremia 5:19

Un te putchenn jon: Hoske krell maro baro Dewel kowa menge lauter?, hunte peness tu lenge: Jaake har tumer mandar krik djan, un wan wawar deblenge koi an tumaro them, jaake hunte budrenn tumer wawar menshenge an i them, kai gar tumaro hi.

Jeremia 5:29

Mukap me len kowa te krell un penap tchi koi pre, penell o baro Dewel. Dap me sawe menshen kek phagi?

Jeremia 7:19

Mange krenn jon koweha kek duka, penell o baro Dewel. Ap pende kokres anenn le ladj.

Ropaskre gilja 1:8

Jerusalem anas doosh ap peste, doleske hi kau foro har i chatchedi djuwel. Halauter, kai hadan lat an o bolepen, praassenn lat kanna. Jon dikenn, har nango joi hi. Joi rowella un khatrell peskro mui.

Ropaskre gilja 4:13

Kowa was pral o foro koi doshake, hoi o Debleskre rakepangre un i rashaja ap pende anan. Jon mukan kote sawe menshen te marell, kai kek tchilatchepen kran.

Ezekiel 9:9

Un job penas ap mande: I doosh, hoi i menshe dran o kheer Israel un dran o kheer Juda ap pende anan, hi jaake bud. Bud marepen hi an o them. Un an o foro rikrenn i sorele i wawaren sorjah tele. Un jon penenn: “O baro Dewel djas peske dran kau them. Job dikell men gar!”

Daniel 9:5

Mer anam bari doosh ap mende, kram, hoi gar mishto hi, atcham gar tuha un mukam tiro drom. Mer djiwam gar pal tire laba un pal tiro tchatchepen.

5. Mose 13:6

Un ko rakepaskro, ninna kowa, koles kol sunja hi, job hunte well maredo. Job kamas tumen tumaro baro Deblestar krik te anell, kolestar, kai anas tumen win dran o them Egiptia un las tumen win dran o pandepen. Ko mensho kamas te djan tumer tele o dromestar, hoi tumaro baro Dewel penas, te hunte djan ap leste. Un tumer hunte witsrenn win o tchilatchepen, hoi mashkral tumende hi.

5. Mose 29:25

Un jon mangan wawar deblen an, un witsran pen glan lende tele, sawe deblen, kolen jon gar prindjran un kolendar job lenge gar penas, te mangenn le len an.

5. Mose 29:26

Doleske chatchas o baro Debleskri choli pre pral ko them, jaake te anas lo koi tseli bibacht pral leste, kolatar an kau liil tchinlo hi.

5. Mose 32:17

Jon anan viechen sawe deblenge, kai kek debla hi. Kolen prindjran jon glan kowa gar. Kolla wan newes pre. I phure mangan len gar an.

Hebrearja 3:16

Penenn mange: Koon his kolla, kai shunan o Debleskro rakepen, un kaman buder gar ap leskro drom te djal? Kolla his lauter, kai djan o Moseha win dran o them Egiptia.