Jeremia 43:7 - O Debleskro Drom 2021 (Sinte)

⁷ Un jon djan an o them Egiptia. Un jaake shunan le gar ap kowa, hoi o baro Dewel lenge penas. Un jon wan an o foro Tachpanes.

O Debleskro Lab 2024 (Sinte-Manouche)

⁷ Oun yon djan an o them Egiptia. Oun yaake shounan le gar ap kova, hoy o baro Devel lenge penas. Oun yon van an o foro Tapanes.

Jeremia 43:7 ပူးပေါင်းရင်းမြစ်များ

2. Rajengro liil 25:26

Un i darjatar glan i Babilonarja kran pen i tsele menshe an o them ap o drom, tikne un bare. Un i pralstune lurde his ninna pashel. Un jon nashan penge an o them Egiptia.

2. Familjakro liil 25:16

Un har o Debleskro rakepaskro leha jaake rakras, penas o baro rai ap leste: “Tchiwom me tut dren, te peness mange, hoi te krap? Rike tiro mui, te kameh gar dawa te lell!” Un o Debleskro rakepaskro mukas tele un penas: “Kanna, kai dikau, hoi kral, un kameh gar te shunell, hoi tuke penom, haiwau me, kai hi an o Debleskro dji, te marell lo tut.”

Jesaja 30:2

Mandar putchenn le gar, hoi te krenn le. Na-a, jon djan tele pash i Egiptarjen, te mangenn le o rajestar Farao, te well job ap lengri rig, un te rikrell lo peskre wasta pral lende.

Jesaja 30:4

Tumare pralstune djan an o foro Zoan, un tumare bitchepangre wan an o foro Hanes.

Jeremia 2:16

Ninna tchinenn kol menshe dran Memfis un Tachpanes tuke i tsele balla tiro sherestar tele.

Jeremia 41:17

Un jon anan len lauteren an o gab Geruth-Kimham pash Betlehem. Kotar kaman le dureder te djal an o them Egiptia.

Jeremia 42:21

Kowa penom tumenge kau diwes. Un tumer kamenn gar ap tumaro baro Debleste te shunell, te krenn halauter, hoi job mukas tumenge dran miro mui te penell.

Jeremia 44:1

Kawa hi kau lab, hoi o baro Dewel penas ap o Jeremia pral kol tsele menshende dran o them Juda, kai djiwenn an o them Egiptia. Jon his an i forja Migdol, Tachpanes un Memfis, ninna an o them Patros.

Jeremia 44:24

Un o Jeremia penas ap i tsele menshende, ninna ap i djuwjende: Shunenn o baro Debleskro lab, tumer halauter dran o them Juda, kai han an o them Egiptia!

Jeremia 46:14

Denn win gole an o them Egiptia! Penenn i menshenge an i forja Migdol, Memfis un Tachpanes: Kurenn tumen kolentsa, kai ap tumende pre djan! O charo chal kolen, kai trul tumende hi.

Ezekiel 30:18

An o foro Tachpanes well ko diwes kalo, kai phagau kote koi soor, hoi o themes Egiptia pral wawar themma hi. Leskre bud sorele lurde, ap kolende i Egiptarja jaake bachtelo un pre-phurdo his, wenn krik lino. Kale wolke tchakrenn o foro. Un i menshe dran i gaba trujel wenn an o pandepen anlo.