Jeremia 43:4 - O Debleskro Drom 2021 (Sinte)

⁴ Un o Johanan, un i tsele pralstune lurde, un i tsele wawar menshe dran o them Juda shunan gar ap kowa, hoi o baro Dewel lenge penas, te atchenn le an o them Juda.

O Debleskro Lab 2024 (Sinte-Manouche)

⁴ Oun o Yohanan, oun i tsele pralstoune lourde, oun i tsele vavar menshe dran o them Youda shounan gar ap kova, hoy o baro Devel lenge penas, te ačenn le an o them Youda.

Jeremia 43:4 ပူးပေါင်းရင်းမြစ်များ

2. Rajengro liil 25:26

Un i darjatar glan i Babilonarja kran pen i tsele menshe an o them ap o drom, tikne un bare. Un i pralstune lurde his ninna pashel. Un jon nashan penge an o them Egiptia.

2. Familjakro liil 25:16

Un har o Debleskro rakepaskro leha jaake rakras, penas o baro rai ap leste: “Tchiwom me tut dren, te peness mange, hoi te krap? Rike tiro mui, te kameh gar dawa te lell!” Un o Debleskro rakepaskro mukas tele un penas: “Kanna, kai dikau, hoi kral, un kameh gar te shunell, hoi tuke penom, haiwau me, kai hi an o Debleskro dji, te marell lo tut.”

Debleskri gili 37:3

Dik ap o baro Debleste, te krell lo tuke latchepen! Un kre, hoi mishto hi! Atch an o them, un djib kolestar, hoi tire wastentsa budral!

Sikepaskro 9:16

Kote penom mange: Ninna te hi o goswepen feteder har o sorlepen, well o tchorweleskro goswepen gar an-diklo, un ap leskre laba well gar shunlo.

Jeremia 41:16

O Johanan, koleskro dad o Kareach his, un i tsele pralstune mursha i lurdendar, kai pash leste his, kolla lan kol tsele menshen pash pende, kolen o Jishmael dran o foro Mizpa pandles krik anas, har lo o Gedaljes temerl das, un kolen jon pash o foro Gibeon dran leskre wasta win lan. Kolla his kurepangre, djuwja un tchawe, un i pralstune dran o baro rajeskro kheer.

Jeremia 42:21

Kowa penom tumenge kau diwes. Un tumer kamenn gar ap tumaro baro Debleste te shunell, te krenn halauter, hoi job mukas tumenge dran miro mui te penell.

Jeremia 42:8

Kote kharas lo o Johananes, un i pralstunen i lurdendar, kai pash leste his, un i tsele menshen, tikne un bare,

Jeremia 44:5

Jon shunan gar, un dan gar jak ap mire laba, un mukan gar pengro tchilatchepen, un mukan gar tele te chatchrenn le sungepaskro koowa kol wawar deblenge.