Jeremia 43:2 - O Debleskro Drom 2021 (Sinte)

² rakran pre-phurde mursha leha – mank lende his o Asarja, koleskro dad o Hoshaja his, un o Johanan, koleskro dad o Kareach his – un penan ap leste: Tu chocheh! Maro baro Dewel bitchras tut gar pash mende, te peness menge: “Ma djan an o them Egiptia, un ma djiwenn kote!”

O Debleskro Lab 2024 (Sinte-Manouche)

² rakran pre-phourde morsha leha – mank lende his o Asarya, koleskro dad o Hoshaya his, oun o Yohanan, koleskro dad o Karea his – oun penan ap leste: Tou rhorheh! Maro baro Devel bičras tout gar pash mende, te peness menge: “Ma djan an o them Egiptia, oun ma djivenn kote!”

Jeremia 43:2 ပူးပေါင်းရင်းမြစ်များ

1. Mose 19:14

Koi djas o Lot win, un penas ap kol murshende, kai romedinerenn leskre tchen: “Stenn pre! Djan sik dran kau foro! O baro Dewel kamell lauteren an kau foro temerl dell!” An lengre jaka his job har jek, kai rakrell narwelo koowa.

2. Familjakro liil 36:13

Ninna te hunte das job pes sowel glan o Debleste, te rikrell lo pes ap o baro rajeste pral o them Babilonia, o Nebukadnezar, peras lo kolestar tele, un shunas buder gar ap leste. Un job djas pal peskro shero un kras peskro dji har i bar, un was buder gar pale pash o baro Debleste, kai o Israeleskro Dewel hi.

Debleskri gili 119:21

Tu tchingreh pral kolende, kai phurdenn pen pre. Praassedo hi kolla, kai mukan tire laba.

Debleskri gili 12:3

Hakeno chochell o wawares. Jon rakrenn dui tchipjentsa un dran dui djia.

Debleskri gili 123:4

Dik, har rah sanenn i brawele pral mende! Har rah dikenn kolla ap mende tele, kai pre-phurde hi.

2. Mose 5:2

Un o Farao penas ap o Moseste un ap o Aroneste: “Hawo dewel hi kowa, kai me shunap ap leste? Hoske mukap me i Israelitarja te djal? Me prindjrau ko debles gar, un me mukau gar i Israelitarjen te djal.”

2. Mose 9:17

Tu patseh, tu nai kreh mire menshentsa, hoi kameh, un mukeh len gar te djal.

Gosewe laba 16:5

O baro Dewel dikell chojedes ap hakeneste, koles i pre-phurdo dji hi. O wast pre, kowa lell peskri phagi.

Gosewe laba 30:9

Te wals man budeder har man hunte well, nai penaus: “Koon hi o baro Dewel?” Un te wals man gar doha, nai tchoraus un anaus ladj ap miro Debleste.

Gosewe laba 6:17

jaka, kai dikenn tele ap i wawarende; i mui, hoi rakrell chochepen; wasta, hoi marenn sawen, kai kek tchilatchepen kran;

Gosewe laba 8:13

Kowa, kai kamell o baro Debleha te djiwell, kowa kamell o tchilatchepen gar glan peskre jaka te dikell, kowa dikell gar tele ap o wawareste un phurdell pes gar pre, kowa djal gar i tchilatcho drom, un rakrell kek chochepen.

Jesaja 9:8

Un i tsele menshe an Efrajim un an Samaria haiwan kowa. Un jon atchan pre-phurde un sharan pen un penan:

Jeremia 13:15

O baro Dewel rakras tumentsa. Doleske krenn tumare kanda pre, un wenn gar pre-phurdo!

Jeremia 18:18

Koi hi menshe, kai penenn: Awenn, te rakras koi pral, hawo tchilatchepen mer nai krah ap o Jeremia. Men hi doha rashaja, kai nai sikrenn men maro drom, un doha gosewe, kai nai penenn menge, hoi te kras, un doha Debleskre rakepangre, kai nai penenn menge o Debleskre laba. Mer tapras les leskre labentsa, un das tchi ap leskro rakepen!

Jeremia 40:8

Kal pralstune lurde his: O Jishmael, koleskro dad o Netanja his, o Johanan un o Jonatan, kolengro dad o Kareach hi, un o Seraja, koleskro dad o Tanhumet his, un i mursh tchawe o murshestar Efai dran Netofa, un o Jaasanja dran Maacha. Jon lauter un lengre lurde wan pash o Gedalja. Kowa his an o foro Mizpa.

Jeremia 41:16

O Johanan, koleskro dad o Kareach his, un i tsele pralstune mursha i lurdendar, kai pash leste his, kolla lan kol tsele menshen pash pende, kolen o Jishmael dran o foro Mizpa pandles krik anas, har lo o Gedaljes temerl das, un kolen jon pash o foro Gibeon dran leskre wasta win lan. Kolla his kurepangre, djuwja un tchawe, un i pralstune dran o baro rajeskro kheer.

Jeremia 41:18

Len his traash glan i Babilonarja, doleske kai o Jishmael o Gedaljes mulo das, koles o baro rai dran o them Babilonia pral o them Juda tchiwas.

Jeremia 42:1

Kote wan i pralstune i lurdendar khetne, o Johanan, koleskro dad o Kareach his, o Asarja, koleskro dad o Hoshaja his, un i tsele menshe, tikne un bare,

Jeremia 42:20

Tumer bitchran man pash tumaro baro Debleste, un penan: “Putch maro baro Deblestar menge, un pen menge halauter, hoi lo penell, te kras mer kowa.” Te shunenn tumer kanna gar ap leste, anenn tumer tumen an i bibacht.

Jeremia 42:5

Kote penan jon ap o Jeremia: Mer kamah lauter te krell, hoi tiro baro Dewel menge dran tiro mui penell. Job kokres nai penell, te kram mer kowa lauter jaake oder gar. Hoi job penell pral mende, hi mishto un tchatcho.

Jeremia 43:1

Har o Jeremia i tsele menshenge halauter penas, hoi lengro baro Dewel leske penas, te penell lo lenge,

Jeremia 44:16

Kol laba hoi tu menge an o baro Debleskro lab peneh, ap kolende kamah mer gar te shunell.

Jakobo 4:6

Un ninna budeder latchepen kamell men o Dewel te dell. An o Debleskro lab hi tchinlo: Kolla, kai krenn pen bares, kolen bitchrell job pestar. Un kolen, kai krenn pen gar bares, kolen dell job bud latchepen.

1. Petro 5:5

Kol terne menshenge penau me: Krenn kowa, hoi kol phureder phrala tumenge penenna! Hakeneske penau: Kek te krell, har te well lo bareder har ko wawar! O Dewel hi gar ap i rig kolendar, kai krenn pen bares. Na-a, job hi latches kolenge, kai krenn pen gar bares.