Jeremia 43:12 - O Debleskro Drom 2021 (Sinte)

¹² Un me mukau kol khera te chatchrell, hoi i Egiptarja pengre deblenge kran. Un lengre debla mukau pandles krik te anell. Un job krell o them Egiptia djudjo i chochene deblendar jaake har i bakrengro i djuwa win lell dran peskri plaashka. Un palle djal lo dureder un kek rikrell les pre.

O Debleskro Lab 2024 (Sinte-Manouche)

¹² Oun me moukau kol khera te rhačrell, hoy i Egiptarya pengre deblenge kran. Oun lengre debla moukau pandles krik te anell. Oun yob krell o them Egiptia djoudjo i rhorhene deblendar yaake har i bakrengro i djouva vin lell dran peskri plaashka. Oun palle djal lo doureder oun kek rikrell les pre.

Jeremia 43:12 ပူးပေါင်းရင်းမြစ်များ

2. Samuel 5:21

Har i Filistarja nashan penge, lan le pengre chochene deblen gar pentsa. O David un leskre lurde lan len peha.

Ester 6:9

Un jek o pralstunendar o baro rajestar riwell ko murshes an, un anell les ap o grai pral i foreskri platsa, un mukell glan leste win te kharell: ‘Jaake krell o baro rai ko mursheha, koles job kamell o djijestar te hadell.’”

Hiob 40:10

Sike, har baro un an-diklo hal! Muk tut an tiro shukapen un railepen te dikell!

Debleskri gili 104:2

Har i baja tchiwal i bari momeli trul tute. Tu tserdal o bolepen buchlo har i bari plachta,

Debleskri gili 132:16

Lengre rashajenge dau an o dji, te penenn le miro latchepen dureder. Un kol menshe, kai mire hi, denn gole i bachtjatar.

Debleskri gili 132:18

Leskro railepen well baro un bareder. Un ap kolende, kai leske tchilatchepen kamenn, tchiwau bari ladj.

2. Mose 12:12

Un me djau an kaja rat mashkral o tselo them Egiptia, un dau i tsele mursh tchawen temerl, kai hi i phureder tchawe pengre dajendar, kolla, kai i menshestar, ninna i viechestar boldo wan. Jaake dau me kolende lauterende i phagi, kai kharenn pen dewel, un kolen i Egiptarja an-mangenna. Me hom o baro Dewel.

Jesaja 19:1

Kate sikrell o Dewel, hoi pral o them Egiptia wella: O baro Dewel ulerell ap i sik wolka un well pral o them Egiptia. Un i tsele chochene debla an Egiptia trissenna glan leste. Un i Egiptarenge perell o dji an i cholopja.

Jesaja 21:9

Kanna dikom i murshes ap i wurdin dui grajentsa. Un ko mursh das gole: O foro Babilon peras, peras. Un i tsele chochene debla hi paash dino ap i phub.

Jesaja 46:1

O chocheno dewel Bel phagas khetne, un o chocheno dewel Nebo peras. Lengre figure, hoi tumer trujel hidjran, wan kanna i viechenge ap lengro dumo pandlo. Jon hunte hidjrenn len un wenn khino tel ko pharo hidjepen.

Jesaja 46:2

Kal chochene debla phagenn khetne un perenn, un nai anenn gar pengre figuren win, un hunte djan pandles an i wawar them.

Jesaja 49:18

Dik, hoi an i themma trul tute djal! Kol menshe wan khetne, te wenn le pash tute! Me dau man sowel pash miro djipen, penell o baro Dewel: Jon hi tuke har i sonakaskri werkli, hoi trul tiri meen tchiweh, un har i shukar pereskri dori, hoi i tchai trul late pandell, te hi lat bijab.

Jesaja 52:1

Ste pre! Ste pre, Zion! Ab pale soreles! Tchip tire kutch rajengre ripja ap tute, Jerusalem, tu Debleskro foro! Tchatchepah, kek tsiro well kanna buder, kai djal jek an tute dren, hoi gar tchinlo was ap peskro mass, witar gar jek, kai glan mande pale-tchiddo hi.

Jesaja 59:17

Un jaake har riwell i lurdo i sasterno gad an, jaake riwell job o tchatchepen an. Un jaake har i lurdo i sasterni stadi ap peskro shero tchiwell, jaake tchiwell job o kurepaskri bacht ap peste. Leskri choli hi har i plaashka ap leste, te dell lo kolende pengri phagi, kai i wawarenge tchilatchepen kran.

Jesaja 61:10

Me hom bachtelo pral o baro Debleste, un miro dji giwell miro Debleske. Job hi trul mende har i ripen, te well kek tchilatchepen ap mende, un tchiwas tchatchepen ap mende har i plaashka, jaake har hidjrell i bijabeskro i shukar stadi, un leskri pirni shukar werklia un gustria.

Jesaja 61:5

Wi-themarja wenna un denn jak ap tumare bakre, un budrenn tumenge ap i hachetikri phub un ap o drakengro them.

Jeremia 10:11

Pen lenge: Kol deblenge, kai kran gar o bolepen, witar gar i phub, hi kek platsa ap kai phub un tel o bolepen, un nai atchenn gar.

Jeremia 10:15

Jon molenn tchi, un hi sapaske. An ko tsiro, kai rakrell o baro Dewel o tchatchepen win, hunte djan jon tele.

Jeremia 25:19

Pal lende hunte pijenn i wawar menshe dran kau khoro: o baro rai pral Egiptia; ninna kol wawar pralstunende; un i tsele Egiptarja;

Jeremia 43:13

Un job phagell i bare barra pash o foro Bet-Shemesh an kotja. Un i khera i deblentsa chatchrell lo tele an o them Egiptia.

Jeremia 46:25

O baro Dewel, ko rai pral o bolepen un i phub, kai o Israeleskro Dewel hi, job penell: Me anau i phagi ap ko debleste Amon an o foro No, ninna ap o baro rajeste pral o them Egiptia, un ap o tselo them Egiptia peskre deblentsa un rajentsa. Awa, o Farao un halauter, kai patsenn, te well lo lenge ap i rig, kolla lenn pengri phagi.

Jeremia 48:7

Tu Moab, patsal, kai taprell tut kek tchilatchepen an tire sorele khera un pash tiro baro brawlepen. Doleske weh tu ninna dren lino. Tiro dewel, o Kemosh, leskre rashaja un pralstune hunte wenn pandles anlo an i wawar them.

Jeremia 49:27

Me tchiwau jag ap i massurja o forestar Damaskus, te wenn i brawele khera, kai o Ben-Hadad djiwas, pre chatchedo.

Jeremia 50:2

Denn win gole an i wawar themma! Halauter hunte shunenn! Hadenn tumari themeskri plachta pre! Hakeno te shunell kowa! Rikrenn les gar pale! Penenn: O foro Babilon hi dren lino, Lengro dewel Bel nai kras tchi, lengro dewel Marduk hi khetne phagedo; lengre mule debla nai kran tchi, lengre figure hi pash kerdo!

Jeremia 51:44

O baro Dewel penell: Awa, me dom o chocheno debles Bel an o them Babilonia peskri phagi, un tserdom dran leskro mui kowa, hoi job pre chas. I menshe dran wawar themma nashenn leske buder gar palla. I massurja o forestar Babilon peran khetne.

Ezekiel 29:11

An o tselo them Egiptia djal buder kek mensho trujel, witar kek viecho. 40 (Star-deesh) bersha djiwell buder kek an o them.

Ezekiel 29:19

Doleske penell o baro Dewel, maro rai: Kamau te dap o them Egiptia o rajeske Nebukadnezar an i wasta, te lell job ko tselo brawlepen kote krik un mukell o them win te randell. Un kowa, hoi jon khetne randan, well palle o plaissepen leskre lurdenge.

Ezekiel 30:13

Kawa penell o baro Dewel, maro rai: Me mukau i chochene deblen paash te krell, un lau i figuren dran o foro Memfis krik. Un an o them Egiptia hi buder kek rai. Un bari daar taprell o tselo them.

Daniel 11:8

Ninna lell lo lengre deblen un figuren un lengro kutch koowa, hoi dran rup un sonakai hi, un anell kowa an o them Egiptia. Un palle mukell lo bershenge tele ko baro rajestar pral o them Syria.

Zefanja 2:11

Kanna krell o baro Dewel lenge bari daar, te krell lo i chochene deblen ap i tseli phub paash. Un an hake themma witsrenn pen i menshe glan leste tele, hakeno an peskro them.

Remarja 13:12

Kau tsiro kanna hi har i rati. Sik hi i rati buder gar kai. Un o diwes wella. Dran kowa djiwas gar har i menshe, kai djiwenn an i rati. Te kras buder gar tchilatcho koowa! Kanna hunte kras mer kowa, hoi mishto hi, te well o tchilatchepen gar o rai pral mende.

Efesarja 4:24

Djiwenn kanna o newo djipen, hoi tumen o Dewel das! Palle han tumer an o tchatchepen tardo, un han tchatchepah leske koi.

Efesarja 6:11

O beng kamell tumen an peskro wast te lell. Doleske riwenn kol koola ap tumende, hoi dell o Dewel tumende, te atchenn nai soreles tardo an o kurepen o bengeha!

Kolossarja 3:12

Tumer han kanna o Debleskre menshe, kolen job peske win rodas. Job kamell tumen o djijestar. Doleske hunte well tumen i baro dji o wawareske, te well hakeno latcho ap o wawareste, te krell pes kek bareder har o wawar, te rakrell hakeno latches o wawareha, te dell kek o wawares sik pre,

Kolossarja 3:14

Bareder har lauter hi o kamlepen, hoi wella o Deblestar. Te kamenn tumer i wawaren o djijestar, palle krenn tumer lauter, hoi o Dewel tumendar kamella, un hoi tumen khetne rikrella.