Jeremia 43:1 - O Debleskro Drom 2021 (Sinte)

¹ Har o Jeremia i tsele menshenge halauter penas, hoi lengro baro Dewel leske penas, te penell lo lenge,

O Debleskro Lab 2024 (Sinte-Manouche)

¹ Har o Yeremia i tsele menshenge halauter penas, hoy lengro baro Devel leske penas, te penell lo lenge,

Jeremia 43:1 ပူးပေါင်းရင်းမြစ်များ

1. Mose 19:14

Koi djas o Lot win, un penas ap kol murshende, kai romedinerenn leskre tchen: “Stenn pre! Djan sik dran kau foro! O baro Dewel kamell lauteren an kau foro temerl dell!” An lengre jaka his job har jek, kai rakrell narwelo koowa.

2. Mose 24:3

Un o Mose was pash i menshende un penas lenge hako lab, hoi o baro Dewel penas, kol tsele laba, hoi penenn, hoi job lendar kamella. Un i tsele Israelitarja penan har dran jek mui: “Lauter, hoi o baro Dewel penas, kamah mer te krell.”

Jeremia 1:17

Ab soreles! Un kre tut ap o drom! Un pen lenge halauter, hoi me tuke penau! Ma traash lendar, te krap me gar, te trashess tu glan lende!

Jeremia 1:7

O baro Dewel penas ap mande: Pen gar: Me hom gar phuro doha! Tu hunte djas, kai me tut bitchrau. Un pen halauter, hoi me tuke penau.

Jeremia 26:2

Kowa hi, hoi me, o baro Dewel, tuke penau: Dja ap i glanstuni platsa glan miro baro kheer, un rake ap kol tsele menshende, kai wan dran i tsele forja dran o them Juda, te mangenn le man an. Pen lenge i tsele laba, hoi tuke penom. Ma muk tchomone krik!

Jeremia 42:21

Kowa penom tumenge kau diwes. Un tumer kamenn gar ap tumaro baro Debleste te shunell, te krenn halauter, hoi job mukas tumenge dran miro mui te penell.

Jeremia 42:22

Doleske shunenn un djinenn: Mank tumende hi sawe, kai wenn maredo o chareha, wawar merenn i bokatar un o djungelo nasslepah kote, kai djan koi, te djiwenn kote.

Jeremia 5:12

Jon penan chochepen pral o baro Debleste, un penan: ‘Kowa krell job gar! Jaake djungelo djal menge gar! Kurepen un bok well gar pash mende.

Jeremia 51:63

O Jeremia penas dureder ap o Seraja: Te draweral kau liil win, palle pande i bar koi trujel, un witse les an o Pani Eufrat,

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Bičepangre 20:27

Me mukom gar tele, te penap tumenge halauter, hoi o Dewel tumenge kras.

Bičepangre 5:20

“Djan an o Debleskro baro kheer, un penenn i menshenge halauter pral o djipen, hoi gar pre-herella.”

1. Samuel 8:10

Un o Samuel penas kal tsele laba o baro Deblestar kol menshenge, kai lestar i baro rai kaman!