Jeremia 42:19 - O Debleskro Drom 2021 (Sinte)

¹⁹ Kawa hi ko lab, hoi penas o baro Dewel, tumenge, kai atchan djido an o them Juda: “Ma djan an o them Egiptia.” Doleske bistrenn gar, kai dom tumen kau diwes trad, te djan gar an o them Egiptia.

O Debleskro Lab 2024 (Sinte-Manouche)

¹⁹ Kava hi ko lab, hoy penas o baro Devel, t'menge, kay ačan djido an o them Youda: “Ma djan an o them Egiptia.” Doleske bistrenn gar, kay dom t'men kava dives trad, te djan gar an o them Egiptia.

Jeremia 42:19 ပူးပေါင်းရင်းမြစ်များ

2. Familjakro liil 24:19

Un o baro Dewel bitchras peskre rakepangren pash lende, te wenn le pale pale pash o baro Debleste. Ninna te dan kolla len trad, shunan i menshe gar ap lende.

Nehemia 9:26

Un pale shunan le gar buder ap tute, un hadan pen pral tute, un kaman buder gar tiro drom te djal. Un jon dan tire rakepangren mulo, kolla kai len trad dan, te anenn le len pale pale pash tute.

Jesaja 21:12

Me penau: “Ninna te well o diwes sik, kanna hi gomme rat! Te kamenn i wawar kopo te putchell, palle awenn pale!”

Jeremia 38:21

Te djah tu gar win pash lende, palle well kowa, hoi o baro Dewel mange sikras:

Ezekiel 17:15

I tsiro koi pre hadas pes o rai o themestar Juda, un bitchras murshen an o them Egiptia, te bitchrenn le leske graja un lurden. Djal kowa mishto? Lell jek, kai sawo koowa krell, kek phagi? Nai phagell lo peskri sowel, un lell kek phagi?

Ezekiel 2:5

Jon nai shunenn oder shunenn gar ap tute. Ninna te mukenn le pen tchi te penell, hunte djinenn le, te hi i Debleskro rakepaskro mashkral lende.

Ezekiel 3:21

Tu te penal ap ko latcheste: Risse trujel! Un job shunell ap tute un mukell o tchilatchepen, tchatchepah palle atchell lo djido. Un tiro djipen lal tu dran o merepen win.

4. Mose 14:3

Hoske anell men o baro Dewel an kau them, kai wah mulo dino o chareha? Un mare djuwja un tchawe perenn an i wasta kolendar, kai kuram men mer. Hi feteder, te djah pale an o them Egiptia.”

Bičepangre 2:40

Un bud wawar labentsa rakras o Petro lentsa, un mangas len, un penas ap lende: “Mukenn tumen win te lell dran o tchilatchepen, te lenn gar koi phagi, hoi well pral kal tchilatche menshende, kai djiwenn an kau tsiro.”

Efesarja 4:17

Me penau tumenge soreles, hoi mange o rai Jesus penas: Ma djiwenn buder har kol menshe, kai prindjrenn o Debles gar! Kowa, hoi an lengro shero trujel djala, hi tchi moldo.

5. Mose 17:16

Tumaro rajes hunte well gar bud graja un hunte bitchrell gar i Israelitarjen pale an o them Egiptia, te ginenn le leske graja. O baro Dewel penas tumenge, te djan tumer kau drom gar buder pale.

5. Mose 31:21

Palle well bud bibacht un djungelo koowa pral lende. Un jon giwenn koi gili. un koja well gar bistedo lengre tchawendar, un sikrell lende, kai dom len trad, hoi wella, te mukenn le miro drom. Glan te anom len an ko them, koleske me man sowel dom, te anau len koi, prindjrau ko koowa, hoi lenge an o shero trujel djal.”

1. Tessalonikarja 4:6

Kek hunte chochell peskro phrales. Koon kowa krella, koles dell o Dewel i phagi. Jaake penam tumenge, un dam tumen trad.