Jeremia 42:14 - O Debleskro Drom 2021 (Sinte)

¹⁴ An o them Egiptia kamah te djal, te dikas kek kurepen, un te shunas kek kurepaskri phurdepaskri, un te well men doha maro chapaske. Awa, kote kamah te atchell.”

O Debleskro Lab 2024 (Sinte-Manouche)

¹⁴ An o them Egiptia kamah te djal, te dikas kek kourepen, oun te shounas kek kourepaskri phourdepaskri, oun te vell men doha maro rhapaske. Ava, kote kamah te ačell.”

Jeremia 42:14 ပူးပေါင်းရင်းမြစ်များ

2. Mose 16:3

Un jon penan: “Wals feteder, te dals men o baro Dewel mulo an o them Egiptia, har hams beshdo pash i pirja pherdo mass, un kai his men doha maro, te nai cham men tchalo. Tumer anan men kate an o mulo tato them, te meras halauter i bokatar.”

2. Mose 17:3

Un lengri trush was jaake baro, te penan le i choljatar ap leste: “Hoske lal tu men dran o them Egiptia win? Kameh, te meras mer kate i trushatar, mer un mare tchawe un mare vieche?”

Jesaja 30:16

Tumer penenn: “Na-a, ap graja kamah sik te klissell. Mare graja hi sik naashepangre.” Awa, tumer nashenn sik tumenge. Un kolla, kai tumen palla lenn, nashenn gomme sikeder.

Jesaja 30:2

Mandar putchenn le gar, hoi te krenn le. Na-a, jon djan tele pash i Egiptarjen, te mangenn le o rajestar Farao, te well job ap lengri rig, un te rikrell lo peskre wasta pral lende.

Jesaja 31:1

Djungeles djal kolenge, kai djan tele pash i Egiptarjen, te mangenn le lendar, te wenn jon lenge ap i rig; un patsenn, kai kolengre graja un bud kurepaskre wurdja un kol sorele klissepangre len win lenn dran i tchilatche wasta. Un ap o Israeleskro Debleste, kai kokres o Dewel hi, dikenn le gar. Awa, pal o baro Debleste putchenn le gar!

Jeremia 4:19

Har dukell man kowa, hawi daar hi an mande! Miro dji djal soreles an miro betch, me nai atchau gar pokones; me shunau koi phurdepaskri, un ko kurepaskri gole.

Jeremia 4:21

Har rah hunte dikap me kol kurepangro sikepen, un shunap koi phurdepangri gole?

Jeremia 41:17

Un jon anan len lauteren an o gab Geruth-Kimham pash Betlehem. Kotar kaman le dureder te djal an o them Egiptia.

Jeremia 43:7

Un jon djan an o them Egiptia. Un jaake shunan le gar ap kowa, hoi o baro Dewel lenge penas. Un jon wan an o foro Tachpanes.

4. Mose 14:3

Hoske anell men o baro Dewel an kau them, kai wah mulo dino o chareha? Un mare djuwja un tchawe perenn an i wasta kolendar, kai kuram men mer. Hi feteder, te djah pale an o them Egiptia.”

4. Mose 14:4

Un jek penas ap i wawareste: “Mer rodas jekes win, te well lo o pralstuno pral mende, un mer djah pale an o them Egiptia.”

4. Mose 16:13

Hi kowa tuke gar doha, kai lal men dran ko them, kai hi bud thud un gwin, un mukeh men te merell an o mulo tato them? Kameh tu ninna rai pral mende te well?

5. Mose 17:16

Tumaro rajes hunte well gar bud graja un hunte bitchrell gar i Israelitarjen pale an o them Egiptia, te ginenn le leske graja. O baro Dewel penas tumenge, te djan tumer kau drom gar buder pale.

5. Mose 29:19

Ap saweste dikell o baro Dewel gar latches, na-a, pral koleste chatchell leskro dji i choljatar. Un ko tselo praassepen un i tseli bibacht, hoi an kau liil tchinlo hi, well ap leste tchiddo. Un o baro Dewel krell, te well job un leskri familja bistedo ap i tseli phub.