Jeremia 41:9 - O Debleskro Drom 2021 (Sinte)

⁹ Koi brunna, kai witsras o Jishmael kol mule murshen, kai lo maras, ninna o Gedaljes, koi brunna hi koja, kai o baro rai Asa mukas te krell, har his lo an o kurepen o baro rajeha pral o them Israel, leskro lab his Baasha. Koi brunna kras o Jishmael pherdo kol murshendar, kai maras lo.

O Debleskro Lab 2024 (Sinte-Manouche)

⁹ Koy brounna, kay vitsras o Ismael kol moule morshen, kay lo maras, ninna o Gedalyes, koy brounna hi koya, kay o baro ray Asa moukas te krell, har his lo an o kourepen o baro rayeha pral o them Israel, leskro lab his Baasha. Koy brounna kras o Ismael pherdo kol morshendar, kay maras lo.

Jeremia 41:9 ပူးပေါင်းရင်းမြစ်များ

2. Samuel 17:9

Shun, kowa hi nai jaake, kai khatras job pes mank bare barra oder an i wawar khatepen. Palle, te well kowa jaake, kai tire lurdendar maredo wenna, nai wals penlo, kai o Absalomeskre tsele lurde maredo wan.

Jesaja 14:19

Tu hal an i tchik witsedo, har i kotar kasht krik witsedo hi. Tut hi kek muleskro kheer, hal rido har kolla, kai wan maredo o chareha, hal witsedo lentsa an i barrengri phub un khetne stakedo.

Hebrearja 11:38

Jon nashan an o mulo them trujel, ninna an i berge un djinan gar, kai te djan le. Mashkral i bare barra khatran le pen, ninna tel i phub. Kolla lauter his latche menshe. I wawar menshe ap kai phub his gar moldo, te djiwan kol latche menshe mashkral lende.

Čačepangre 6:2

Un kolengro wast was jaake soreles pral o Israel, te khatran pen i Israelitarja an i berge un djiwan an i grotte mank i bare barra un an sorele khera, hoi kran pen le an i berge.

1. Samuel 13:6

Har i Israelitarja dikan, har sorelo i Filistarja hi, tapras len i daar, un jon khatran pen an i phub, pal subjengre burra, mank bare barra, an grufte un panjengre chebja.

1. Samuel 14:11

Un kol dui sikran pen kol Filistarengre lurdenge, kai koi jak dan. Un kolla penan ap pende: “Ake, i Hebrearja wenn dran pengre chebja win, an kolende jon pen khatran!”

1. Samuel 14:22

Un i tsele mursha dran Israel, kai khatran pen an i berge Efrajim, shunan, te nashenn i Filistarja penge. Un jon wan win un lan len palla un dan len.

1. Samuel 24:3

Un o Saul las peske 3.000 (triin-serja) win rodede murshen dran o tselo them Israel, un djas lentsa koi, te rodell lo les. Un o David un leskre mursha his wergel kol bare barra, hoi kharenn busjengre barra.