Jeremia 41:1 - O Debleskro Drom 2021 (Sinte)

¹ An o eftato tchon was o Jishmael an o foro Mizpa. Leskro dad his o Netanja, koleskro dad o Elishama his. O Jishmael his dran i rajengri familja, un jek o pralstunendar o baro rajestar. Un pash leste his deesh mursha. Khetne djan le pash o Gedalja, koleskro dad o Ahikam his. Un jon chan kote khetne an o foro Mizpa.

O Debleskro Lab 2024 (Sinte-Manouche)

¹ An o eftato čon vas o Ismael an o foro Mispa. Leskro dad his o Netanya, koleskro dad o Elishama his. O Ismael his dran i rayengri familya, oun yek o pralstunendar o baro rayestar. Oun pash leste his deesh morsha. Khetne djan le pash o Gedalya, koleskro dad o Ahikam his. Oun yon rhan kote khetne an o foro Mispa.

Jeremia 41:1 ပူးပေါင်းရင်းမြစ်များ

2. Samuel 3:27

Har o Abner pale an o foro Hebron was, las o Joab les ap i rig pash o baro wudar, te rakrell job tchorchanes leha. Koi das o Joab les an o per tchurje, jaake te meras lo. Kowa kras lo doleske, kai o Abner leskro phrales, o Asahel, maras.

2. Rajengro liil 11:1

Har o Ahasja mulo his, stas leskri dai, i Atalja, pre, te marell li hakenes, kai o baro rajeha dran jek familja was.

2. Rajengro liil 25:22

Pral kol menshende, kai pral atchan an o them Juda, kolen o Nebukadnezar, ko rai pral o them Babilonia, pral mukas, tchiwas lo o murshes Gedalja, koleskro dad o Ahikam his, koleskro dad o Shafan his.

2. Rajengro liil 25:25

Un an o eftato tchon was o Jishmael, koleskro dad o Netanja his, koleskro dad o Elishama his. Kolla his dran o baro rajeskri familja. Un deesh mursha his pash leste. Un jon dan o Gedaljes temerl. Koi pashel maran le ninna kol murshen dran o them Juda un dran o them Babilonia, kai pash leste his an o foro Mizpa.

2. Familjakro liil 22:10

Har o Ahasja meras, stas leskri dai, i Atalja, pre, te marell li hakenes, kai o baro rajeha pral Juda dran jek familja was.

Debleskri gili 109:5

Har homs lenge latcho, dan le man tchilatchepen pale. Har sikrom len miro kamlepen, dikan le tchilatche jakentsa ap mande.

Debleskri gili 41:9

“I bibacht hi ap leste”, penenn le. “Koon jaake tchiddo hi, stell buder gar pre.”

Gosewe laba 13:10

Mank i pre-phurde hi hako tsiro tchingepen. Te hal gosewo, mukeh tuke tchomone te penell.

Gosewe laba 27:4

I choli hi diwjo un sorelo har i sorelo pani, hoi lauter peha krik tserdell. Koon nai atchell tardo te silwerell i mursh?

Jeremia 36:12

Un sik djas lo an o baro rajeskro kheer, kote, kai i pralstune khetne beshdo his: o tchinepaskro Elishama, kai i lila tchinas, o Delaja, koleskro dad o Shemaja his, o Elnatan, koleskro dad o Achbor his, o Gemarja, koleskro dad o Shafan his, o Zidkija, koleskro dad o Hananja his, un kol wawar pralstune.

Jeremia 36:20

Kol pralstune mukan ko liil an i isema ko murshestar Elishama, kai o tchinepaskro his. Un jon djan pash o baro rajeste dren un penan leske halauter.

Jeremia 40:13

Pal i tsiro was o Johanan, koleskro dad o Kareach his, khetne kol tsele wawar pralstunentsa, kai kate te kote an o them djiwan, pash o Gedalja an o foro Mizpa,

Jeremia 40:5

Har job dikas, kai atchell o Jeremia tardo, penas lo ap leste: Dja pash o Gedalja, koleskro dad o Ahikam his, koleskro dad o Shafan his. Koles tchiwas o baro rai dran o them Babilonia pral i tsele forja an o them Juda. Atch pash leste mank tire menshende; oder dja kote koi, kai tu kameh. Un o pralstuno i lurdendar das les chapen ap peskro drom, un wawar latcho koowa, un mukas les te djal.

Jeremia 40:6

Jaake was o Jeremia an o foro Mizpa pash o Gedalja, koleskro dad o Ahikam his, un atchas pash leste mank peskre menshende, kai atchan pral an o them.

Jeremia 40:7

Koi his pralstune lurde dran o them Juda pengre lurdentsa kate te kote an o them. Jon shunan, kai tchiwas o baro rai dran o them Babilonia ko tchawes o Ahikamestar, o Gedalja, pral o them un pral kol murshende un djuwjende un tchawende un kol tchorwelende, kai gomme an o them Juda his, un gar an o them Babilonia krik anlo wan.

Jeremia 40:8

Kal pralstune lurde his: O Jishmael, koleskro dad o Netanja his, o Johanan un o Jonatan, kolengro dad o Kareach hi, un o Seraja, koleskro dad o Tanhumet his, un i mursh tchawe o murshestar Efai dran Netofa, un o Jaasanja dran Maacha. Jon lauter un lengre lurde wan pash o Gedalja. Kowa his an o foro Mizpa.

Ezekiel 17:13

Un job las o rajeskre tchawendar jekes, un kras leha win, te well job o rai pral o them Juda, un mukas les i sowel te dell, te perell lo gar lestar tele. I pralstunen dran ko them las lo pandles an Babilonia,

Johanni 13:18

Kowa penau me gar tumendar halauterendar. Me djinau, kones me win rodom. Kowa hunte well jaake, har an o Debleskro lab tardo hi: Kowa, kai chal kanna o maro mantsa, dell i ladini ap mande.