Jeremia 40:8 - O Debleskro Drom 2021 (Sinte)

⁸ Kal pralstune lurde his: O Jishmael, koleskro dad o Netanja his, o Johanan un o Jonatan, kolengro dad o Kareach hi, un o Seraja, koleskro dad o Tanhumet his, un i mursh tchawe o murshestar Efai dran Netofa, un o Jaasanja dran Maacha. Jon lauter un lengre lurde wan pash o Gedalja. Kowa his an o foro Mizpa.

O Debleskro Lab 2024 (Sinte-Manouche)

⁸ Kal pralstoune lourde his: O Ismael, koleskro dad o Netanya his, o Yohanan oun o Yonatan, kolengro dad o Karea hi, oun o Seraya, koleskro dad o Tanhoumet his, oun i morsh čave o morshestar Efay dran Netofa, oun o Yazania dran Maaka. Yon lauter oun lengre lourde van pash o Gedalya. Kova his an o foro Mispa.

Jeremia 40:8 ပူးပေါင်းရင်းမြစ်များ

2. Samuel 10:6

Har kol Ammonarja dikan, kai kran le o Davides mulo chojedo, ginan le lurden dran wawar themma: 20.000 (biish-serja) Syrarja dran o foro Bet-Rehob un dran o foro Zoba, 1.000 (jek sero) lurde o baro rajestar pral o them Maacha, 12.000 (deesh-te-dui-serja) lurde dran o them Tob.

2. Samuel 10:8

Un kol Ammonarja djan win an o kurepen, un atchan tardo pash ko baro wudar lengro forestar. Kol Syrarja dran Zoba, dran Rehob, dran Tob un dran Maacha his kokres penge tardo ap i kotar phub.

2. Samuel 23:34

o Elifelet, koleskro dad o Ahasbai hi, dran Maacha, o Eliam, koleskro dad o Ahitofel hi, dran Gilo,

2. Rajengro liil 25:23

Un har i pralstune lurde dran Juda shunan, kai o baro rai pral o them Babilonia o Gedaljes pral o them Juda dren tchiwas, wan le i lurdentsa pash o Gedalja an o foro Mizpa. Kol pralstune lurde his: o Jishmael, koleskro dad o Netanja his; o Johanan, koleskro dad o Kareach his; o Seraja, koleskro dad o Tanhumet his dran Netofa un o Jaasanja dran Maacha.

2. Rajengro liil 25:25

Un an o eftato tchon was o Jishmael, koleskro dad o Netanja his, koleskro dad o Elishama his. Kolla his dran o baro rajeskri familja. Un deesh mursha his pash leste. Un jon dan o Gedaljes temerl. Koi pashel maran le ninna kol murshen dran o them Juda un dran o them Babilonia, kai pash leste his an o foro Mizpa.

1. Familjakro liil 11:30

un o Mahrai dran Netofa, o Heled, koleskro dad o Baana hi, dran Netofa,

1. Familjakro liil 2:48

Jek wawar romni ko murshestar Kaleb his i Maacha. Joi anas o Sheber un o Tirhana ap i phub.

1. Familjakro liil 2:54

O Salma, leskre tchawe his: Kolla, kai djiwenn an i forja Betlehem, Netofa, Atrot-Bet-Joab, un i paash kolendar, kai djiwenn an Manahat. Kolla wan dran Zora.

Esra 2:2

Jon wan khetne kol murshentsa: O Serubbabel, o Jeshua, o Nehemja, o Seraja, o Reelaja, o Mordokai, o Bilshan, o Misperet, o Bigwai, o Rehum un o Baana. Kolla hi i laba kol familjendar, kai wan pale an Israel un kitse mursha an lende his:

Esra 2:22

dran o foro Netofa: 56 (paash-sheel-te-shob);

Nehemia 7:26

dran i forja Betlehem un Netofa: 188 (jek-sheel-te-ochta-deesh-te-ochta);

Jeremia 37:15

I pralstune wan chojedo ap o Jeremia, un mukan les dawa te dell, un witsran les an o stilepen an o kheer o murshestar Jonatan. Kowa his i mursh, kai haiwas lila te tchinell; dran koleskro kheer kran le i stilepen.

Jeremia 37:20

Miro pralstuno un rai, muk miro mangepen glan tute te well! Un shun, hoi tutar mangau! Ma muk man pale te anell an o kheer o Jonatanestar, kowa kai tchinell i lila. Kowa wals miro merepen!

Jeremia 38:26

Palle pen lenge: ‘Me mangom o baro rajestar, te mukell lo man gar buder an o Jonataneskro kheer te anell, kote hunte meroms.’”

Jeremia 40:11

Glan ko tsiro nashan bud menshe dran Juda an i themma Moab, Ammon un Edom un an wawar themma. Har kolla shunan, kai o baro rai dran o them Babilonia i wast pherdo menshen pral mukas an o them Juda, un tchiwas o Gedalja pral lende,

Jeremia 40:13

Pal i tsiro was o Johanan, koleskro dad o Kareach his, khetne kol tsele wawar pralstunentsa, kai kate te kote an o them djiwan, pash o Gedalja an o foro Mizpa,

Jeremia 40:14

un penan ap leste: Djineh tu ninna, kai bitchras o Baalis, ko baro rai pral o them Ammon, jekes, te dell lo tut temerl? Kowa hi o Jishmael, koleskro dad o Netanja his. Kowa kamas o Gedalja lenge gar te patsell.

Jeremia 40:15

Kote penas o Johanan tchorchanes ap o Gedalja: Muk man te djap koi, te marap o Jishmael. Kek hunte djinell, koon kowa kras! Mer kamah gar, te dell lo tut mulo. Palle nai atchans i tsele menshe dran o them Juda, kai kate pash tute hi, buder gar khetne, un hunte djiwans pale kate te kote! Un kolla, kai pral atchans an o them Juda, wans maredo!

Jeremia 40:6

Jaake was o Jeremia an o foro Mizpa pash o Gedalja, koleskro dad o Ahikam his, un atchas pash leste mank peskre menshende, kai atchan pral an o them.

Jeremia 41:1

An o eftato tchon was o Jishmael an o foro Mizpa. Leskro dad his o Netanja, koleskro dad o Elishama his. O Jishmael his dran i rajengri familja, un jek o pralstunendar o baro rajestar. Un pash leste his deesh mursha. Khetne djan le pash o Gedalja, koleskro dad o Ahikam his. Un jon chan kote khetne an o foro Mizpa.

Jeremia 41:11

Har o Johanan, koleskro dad o Kareach his, un i tsele pralstune i lurdendar, kai pash leste his, ko tselo tchilatchepen shunan, hoi o Jishmael kras,

Jeremia 41:2

Un o Jishmael stas khetne peskre deesh murshentsa pre, kai pash leste his, un dan o Gedalja o chareha mulo, koles o baro rai dran o them Babilonia pral o them tchiwas.

Jeremia 42:1

Kote wan i pralstune i lurdendar khetne, o Johanan, koleskro dad o Kareach his, o Asarja, koleskro dad o Hoshaja his, un i tsele menshe, tikne un bare,

Jeremia 42:8

Kote kharas lo o Johananes, un i pralstunen i lurdendar, kai pash leste his, un i tsele menshen, tikne un bare,

Jeremia 43:2

rakran pre-phurde mursha leha – mank lende his o Asarja, koleskro dad o Hoshaja his, un o Johanan, koleskro dad o Kareach his – un penan ap leste: Tu chocheh! Maro baro Dewel bitchras tut gar pash mende, te peness menge: “Ma djan an o them Egiptia, un ma djiwenn kote!”

Jeremia 43:5

O Johanan un i tsele pralstune lurde lan halauteren khetne pash pende, kai pral atchan dran o them Juda, un kolla kai nashan penge an wawar themma, un palle khere wan, te djiwenn le an o them Juda.

5. Mose 3:14

O Jair dran i familja Manasse las ko tselo kotar them Argob bis pash o them, kai i Geshurarja un i Maachatarja djiwenn. O Jair kharas kol gaba an o them Bashan pal peskro lab ‘o Jaireskre gaba’. Un jaake kharenn le gomme kau diwes.]

Josua 12:5

Job his o rai pral i berga Hermon un pral o foro Salka, un pral o tselo them Bashan bis kote, kai i themma Geshur un Maacha tchiddo hi. Un an o them o baro rajestar Og his ninna o paash them Gilead bis pash o them, kai o Sihon o baro rai his, kowa, kai djiwas an o foro Heshbon.