Jeremia 40:5 - O Debleskro Drom 2021 (Sinte)

⁵ Har job dikas, kai atchell o Jeremia tardo, penas lo ap leste: Dja pash o Gedalja, koleskro dad o Ahikam his, koleskro dad o Shafan his. Koles tchiwas o baro rai dran o them Babilonia pral i tsele forja an o them Juda. Atch pash leste mank tire menshende; oder dja kote koi, kai tu kameh. Un o pralstuno i lurdendar das les chapen ap peskro drom, un wawar latcho koowa, un mukas les te djal.

O Debleskro Lab 2024 (Sinte-Manouche)

⁵ Har yob dikas, kay ačell o Yeremia tardo, penas lo ap leste: Dja pash o Gedalya, koleskro dad o Ahikam his, koleskro dad o Shafan his. Koles čivas o baro ray dran o them Babilonia pral i tsele forya an o them Youda. Ač pash leste mank tire menshende; oder dja kote koy, kay tou kameh. Oun o pralstouno i lourdendar das les rhapen ap peskro drom, oun vavar lačo koova, oun moukas les te djal.

Jeremia 40:5 ပူးပေါင်းရင်းမြစ်များ

2. Rajengro liil 22:12

Un o baro rai kharas kol murshen khetne: o rashai Hilkija, o Ahikam, ko his i tchawo o Shafanestar, o Achbor, koleskro dad o Mikaja hi, o Shafan, kai tchinas i lila, un o Asaja, ko his i pralstuno an o baro rajeskro kheer. Un o baro rai penas lenge:

2. Rajengro liil 22:14

Kote djan o rashai Hilkija, o Ahikam, o Achbor, o Shafan un o Asaja pash i Debleskri rakepaskretsa Hulda. Koja djiwas an o newo kotar o forestar Jerusalem. Lakro rom his o Shallum. Leskro dad his o Tikwa. Koleskro dad his o Harha. O Shallum das garda ap o ripjengro kheer. Un kol mursha rakran lah.

2. Familjakro liil 34:20

Un o baro rai kharas kol murshen khetne: o Hilkija, o Ahikam, ko his i tchawo o Shafanestar, o Achbor, koleskro dad o Micha hi, o Shafan, kai tchinas i lila, un o Asaja, ko his i pralstuno an o baro rajeskro kheer. Un o baro rai penas lenge:

Esra 7:27

Sharedo well o baro Dewel, ko Dewel mare phurendar! Job hi kowa, kai tchiwas sau koowa an o rajeskro dji, te nai well o baro Debleskro kheer an o foro Jerusalem jaake railo un shukar!

Esra 7:6

Kau mursh Esra djas win dran o them Babilonia, te djal lo an o foro Jerusalem. Job his i sikepaskro, un djinas kol laba mishto, hoi an o Moseskre lila tchinlo hi. Kol laba das o baro Dewel peskre menshende Israel. Un har o Esra gomme an Babilonia his, rikras o baro Dewel peskre wasta pral leste, un kras, te das o baro rai o Esraes halauter, hoi job lestar mangas.

Nehemia 1:11

Ach rai, shun ap miro mangepen un ap o mangepen kolendar, kai ninna tire budepangre hi, kai mangenn tut o djijestar an. Jaake muk kowa mishto te djal, hoi man glan hi, un kre, te dikell o baro rai, o Artaxerxes, latches ap mande.” An ko tsiro homs ko mursh, dran koleskro wast o pipen o baro rajeske was.

Hiob 22:29

Ap kolende, kai hunte djan i telstuno drom, peneh tu: Stenn pre! Un o Dewel hadell koles pale pre, kai hidjrell peskre jaka gar pre.

Gosewe laba 16:7

Te dikell o baro Dewel latches ap kowa, hoi jek krell, palle krell lo, te wenn ninna kolla leskre mala, kai kaman leske tchilatchepen.

Gosewe laba 21:1

O baro rajeskro dji hi har i lengsto pani an o baro Debleskro wast, hoi mukell lo kote te nashell, kai job kamell.

Jeremia 15:11

Baro Dewel, te mangom tutar gar latchepen lenge, te mangom tutar gar, te less len win dran i tchilatche wasta an lengre phare tsirja un an lengri daar, palle mukess koi bibacht te well, hoi kamenn jon ap mande te anell.

Jeremia 26:24

Pral o Jeremijes rikras o Ahikam peskro wast. Koleskro dad his o Shafan. O Ahikam mukas les gar an i wasta kol menshendar te dell, kai kaman les te marell.

Jeremia 40:4

Un kanna dik, me lau i shelle tutar tele, kai tire wasta pandan. Te kameh, un te hi tuke mishto, ab mantsa an o them Babilonia, ab un me dau garda ap tute. Te kameh gar te djas mantsa an o them Babilonia, palle nai mukeh les. Dik, o tselo them hi glan tute tchiddo; kai tu kameh un kai tuke mishto hi, kote nai djah tu tuke koi.

Jeremia 41:1

An o eftato tchon was o Jishmael an o foro Mizpa. Leskro dad his o Netanja, koleskro dad o Elishama his. O Jishmael his dran i rajengri familja, un jek o pralstunendar o baro rajestar. Un pash leste his deesh mursha. Khetne djan le pash o Gedalja, koleskro dad o Ahikam his. Un jon chan kote khetne an o foro Mizpa.

Jeremia 41:18

Len his traash glan i Babilonarja, doleske kai o Jishmael o Gedaljes mulo das, koles o baro rai dran o them Babilonia pral o them Juda tchiwas.

Jeremia 41:2

Un o Jishmael stas khetne peskre deesh murshentsa pre, kai pash leste his, un dan o Gedalja o chareha mulo, koles o baro rai dran o them Babilonia pral o them tchiwas.

Bičepangre 27:3

O wawar diwes wam an o foro Sidon. O Julio his kamlo ap o Pauleste, un mukas les pash peskre malende te djal, te wenn kolla leske koi.

Bičepangre 27:43

Ko baro lurdo kamas gar, te well o Paulo mulo dino. Job djas koi mashkral un penas, te stenn kanna kolla an o pani, kai nai rikrenn pen pral o pani, te wenn le wergel ap o them.

Bičepangre 28:10

Un jon sharan men bud. Triin tchon atcham kote. Un har mer dureder uleram, dan le men chapen un pipen peha. Mer uleram dureder ap o shiffo, hoi atchas pral o wend ap ko them, hoi kharella Malta. Kau shiffo was dran o foro Alexandria un kharas Dioskuro.

Hebrearja 13:6

Jaake hunte daras gar un nai penah: O Dewel hi ap miri rig, me hunte darap gar. Hoi nai krell i mensho ap mande?