Jeremia 40:3 - O Debleskro Drom 2021 (Sinte)

³ Jaake har job les penas, was ninna. Tumer anan doosh pral tumende, un kran gar, hoi o baro Dewel kamas un tumenge penas. Doleske was kau tselo koowa pral tumende.

O Debleskro Lab 2024 (Sinte-Manouche)

³ Yaake har yob les penas, vas ninna. T'mer anan doosh pral t'mende, oun kran gar, hoy o baro Devel kamas oun t'menge penas. Doleske vas kava tselo koova pral t'mende.

Jeremia 40:3 ပူးပေါင်းရင်းမြစ်များ

Nehemia 9:28

Un har lenge pale mishto djas, kran le pale, hoi tchilatcho his glan tute. Un tu dal len an o wast kolendar, kai lenge tchilatchepen kaman. Un kolla wan i raja pral lende. Un jon dan pale gole ap tute, te wess ap lengri rig. Un tu shunal dran o bolepen, un an tiro baro latchepen lal len win dran lengre wasta. Un kowa kral tu bud kope jaake.

Nehemia 9:33

Tu hal an o tchatchepen tardo, har anal kowa lauter pral mende. Kowa, hoi tu kral, his mishto, ninna te djiwam mer jaake, har te wals men kek Dewel.

Jeremia 11:17

Me, o baro Dewel, ko rai pral o bolepen un i phub, krom dran o kheer Israel un dran o kheer Juda i natsjona. Un jon kran tchilatcho koowa un choiran man, har chatchran le viechen o debleske Baal. Doleske dau len trad, te well bari bibacht pral lende.

Jeremia 22:8

Menshe dran bud themma djan glan o foro dureder un penenn jek ap o wawareste: Hoske kras o baro Dewel sawo koowa ap kau baro foreste?

Jeremia 39:16

Dja pash o Ebed-Melech, kai dran Etiopia hi, un pen leske: Kowa penell o baro Dewel, ko rai pral o bolepen un i phub, kai o Israeleskro Dewel hi: Shun, mire laba, hoi rakrom pral kau foro, wenn tchatcho: Bibacht un kek bacht wenn pral kau foro. Un tu dikeh kowa ap ko emligo tsiro.

Jeremia 44:23

Tumer chatchran sungepaskro koowa i bolepaskri rajetsake, un kran, hoi djungeles hi glan o baro Debleskre jaka, un shunan gar ap leste, un djiwan gar pal leskre laba un pal leskro tchatchepen, un kran gar, hoi job tumendar kamas. Doleske was sawi bibacht pral tumende, jaake har kau diwes hi.

Jeremia 50:7

Halauter, kai len hatsan, chan len pre. Un kolla, kai his chojedo ap lende, penan: Mer krah tchi, hoi gar tchatcho hi! Jon anan doosh ap pende, har mukan le o baro Debles, kai das len lauter, hoi len hunte well djipaske, un ap koleste lengre phure patsan.

Ropaskre gilja 2:17

O baro Dewel kras, hoi lo peske glan las. Un kras kowa, har lo menge glan i rah tsiro trad das. Les khaital tu gar, har mukas lo tut khetne te dell, un kolen, kai ap tute djan, i sorleder te well. Har tu peral, nai san le.

Remarja 2:5

Un tu kameh gar pash leste te well. Tiro dji hi har bar. Doleske well o Debleskri choli baro un bareder, hoi ap tute wella ap ko diwes, kai hi o Dewel o tchatchepaskro rai un rakrell o tchatchepen win pral i tsele menshende.

Remarja 3:19

Mer djinah: Kowa, hoi an o Moseskre laba penlo hi, hi kolenge penlo, kai lan kol laba. Kolla hi i bibolde. Jaake nai penell kek mensho, witar kek biboldo: Man hi kek doosh. Kek mensho krell o tchatchepen. Doleske hi kek mensho tchatcho glan o Debleste.

5. Mose 29:25

Un jon mangan wawar deblen an, un witsran pen glan lende tele, sawe deblen, kolen jon gar prindjran un kolendar job lenge gar penas, te mangenn le len an.