Jeremia 40:15 - O Debleskro Drom 2021 (Sinte)

¹⁵ Kote penas o Johanan tchorchanes ap o Gedalja: Muk man te djap koi, te marap o Jishmael. Kek hunte djinell, koon kowa kras! Mer kamah gar, te dell lo tut mulo. Palle nai atchans i tsele menshe dran o them Juda, kai kate pash tute hi, buder gar khetne, un hunte djiwans pale kate te kote! Un kolla, kai pral atchans an o them Juda, wans maredo!

O Debleskro Lab 2024 (Sinte-Manouche)

¹⁵ Kote penas o Yohanan čorrhanes ap o Gedalya: Mouk man te djap koy, te marap o Ismael. Kek hounte djinell, koon kova kras! Mer kamah gar, te dell lo tout moulo. Palle nay ačans i tsele menshe dran o them Youda, kay kate pash toute hi, bouder gar khetne, oun hounte djivans pale kate te kote! Oun kolla, kay pral ačans an o them Youda, vans maredo!

Jeremia 40:15 ပူးပေါင်းရင်းမြစ်များ

2. Samuel 18:3

Kol lurde penan: “Tu djas gar mentsa an o kurepen. Mer te nashah un i paash mendar merenna, hom mer tchi moldo an lengre jaka. Tu moleh jaake bud har deesh-serja mendar. Wals feteder, te wals menge dran o foro ap i rig.”

2. Samuel 21:17

O Abishai, koleskri dai i Zeruja his, was leske ap i rig, un das kol Filistares mulo. Koi dan o Davideskre lurde les sowel, un penan: “Tu djas mentsa gar buder an o kurepen, te djal koi momeli an Israel gar win!”

Hiob 31:31

Na-a, lauter kai pash mande djiwenn, djinenn, hakeno, kai pash mande was, las latches un doha te chal.

Jeremia 40:8

Kal pralstune lurde his: O Jishmael, koleskro dad o Netanja his, o Johanan un o Jonatan, kolengro dad o Kareach hi, un o Seraja, koleskro dad o Tanhumet his, un i mursh tchawe o murshestar Efai dran Netofa, un o Jaasanja dran Maacha. Jon lauter un lengre lurde wan pash o Gedalja. Kowa his an o foro Mizpa.

Jeremia 42:2

un penan ap o Debleskro rakepaskro, o Jeremia: Muk maro mangepen glan tute te well, un mange tiro baro Deblestar kal tsele menshenge, kai pral atchan! Glan i tsiro hams bud, kanna atchan gar bud pral mendar, har tu nai tire jakentsa dikeh.

Johanni 11:50

Tumer haiwenna gar, kai feteder hi, te merell jek mursh i menshenge, har te djan i tsele menshe nashedo.”

1. Samuel 24:4

Har was o Saul pash kol bakrengre platse, kai ap o drom his, dikas lo i grotta, djas koi dren ap i rig. Un o David un leskre mursha his dureder palla an koi grotta.

1. Samuel 26:8

Un o Abishai penas ap o David: “Kau diwes das o Dewel tut koles an tiro wast, kai kamell tut te marell. Jaake muk man leskro witsepaskro tchuri te lell, un les an i phub te dell. Jek dap hi doha. I duito kopo hunte dap me gar buder tchurje.”