Jeremia 40:11 - O Debleskro Drom 2021 (Sinte)

¹¹ Glan ko tsiro nashan bud menshe dran Juda an i themma Moab, Ammon un Edom un an wawar themma. Har kolla shunan, kai o baro rai dran o them Babilonia i wast pherdo menshen pral mukas an o them Juda, un tchiwas o Gedalja pral lende,

O Debleskro Lab 2024 (Sinte-Manouche)

¹¹ Glan ko tsiro nashan boud menshe dran Youda an i themma Moab, Ammon oun Edom oun an vavar themma. Har kolla shounan, kay o baro ray dran o them Babilonia i vast pherdo menshen pral moukas an o them Youda, oun čivas o Gedalya pral lende,

Jeremia 40:11 ပူးပေါင်းရင်းမြစ်များ

1. Mose 36:8

Un o Esau, djiwas ap o pralstuno them, hoi kharella Seir. O Esau hi o Edom.

Jesaja 11:14

Palle djan le khetne bari sorjah ap i Filistarja, kai kote djiwenn, kai o kham tele djal. Un khetne randenn le kolen win, kai an i themma djiwenn, kai o kham pre djal. I themma Edom un Moab lenn le dren. Un i Ammonarja hunte krenn, hoi jon penenn.

Jesaja 16:4

Muk kolen, kai dran o them Moab tradedo wan, pash tute te djiwell. Khate len glan lende, kai len palla lenn.” Ko tsiro well, kai kek buder tele rikedo well, kai o them buder gar paash dino well, un kolla, kai o them khetne stakran, gar buder hatslo wenn.

Jeremia 24:9

Me anau sawi bibacht pral lende, te atchell i menshenge an i tsele themma ap kai phub o rakepen krik. Kote, kai len tradau, wenn le sapaske un praassepaske. Te kamell jek o wawares te praassell, penell lo: Tuke te djal har kol menshenge dran Jerusalem un Juda!

Jeremia 41:10

Un job las i menshen pandles, kai an o foro Mizpa djides atchan: o baro rajeskre tcha un kol wawar menshe, halauteren, kai o Nebusaradan, ko pralstuno i lurdendar, an o foro Mizpa pale mukas, te dell o Gedalja garda ap lende. Un o Jishmael djas lentsa peske, un kamas wergel pash i Ammonarja te djal.

Jeremia 43:5

O Johanan un i tsele pralstune lurde lan halauteren khetne pash pende, kai pral atchan dran o them Juda, un kolla kai nashan penge an wawar themma, un palle khere wan, te djiwenn le an o them Juda.

Jeremia 43:6

Kolla his mursha, djuwja un tchawe. Mank lende his ninna o baro rajeskre tcha, un kol wawar halauter, kai mukas o Nebusaradan pale pash o Gedalja, koleskro dad o Ahikam his, koleskro dad o Shafan his. O Nebusaradan his o pralstuno lurdo, kolendar kai dan jak ap o Nebukadnezar. Mank kolende, kai khetne lino wan, his ninna o Debleskro rakepaskro, o Jeremia un o Baruch, koleskro dad o Nerija his.

Ezekiel 25:12

Kawa penell o baro Dewel, maro rai: I Edomarja dan i menshenge dran o kheer Juda pale, hoi kolla ap lende kran. Kowa dan le len jaake pale, te lan le bari doosh ap pende.

Ezekiel 25:2

Tu, mensho, dik kote, kai o them Ammon hi, un pen glan-wi, hoi pral i Ammonarjen wella!

Ezekiel 25:6

Kawa penell o baro Dewel, maro rai: Tumer hans tchilatcho ap o them Israel un san, har dikan, har lenge djal, un dan an i wasta un stan i bachtjatar.

Ezekiel 25:8

Kawa penell o baro Dewel, maro rai: I menshe dran i themma Moab un Edom penenn: O kheer Juda hi jaake har hake wawar natsjone.

Ezekiel 34:6

Jon nashan trujel ap i tsele tikne un bare berge, un hi buder gar khetne. Kate te kote an o tselo them hi le. Un kek hi koi, kai pal lende putchell un len rodell.

Ezekiel 35:15

Tu hals bachtelo, har was o Israelengro them i mulo them. Doleske krau, te djal tuke jaake har lenge djas. I berga Seir khetne o tselo them Edom well i mulo them. Palle dikenn un haiwenn i menshe, te hom me o baro Dewel.

Ezekiel 35:5

O tselo tsiro hals ap tchingepen un marepen win kol Israelentsa. Un tu phukral len un dal len an i wasta kolendar, kai maran len, an ko tsiro har bari bibacht pral lende was, un me lenge lengri phagi dom.

Ezekiel 5:12

O triinto kotar tumendar merell ap i pharo nasslepen un i bokatar. Un i triinto kotar tumendar well glan o foro o chareha mulo dino. Un i triinto kotar tumendar tradau win ap hake rigja, un me lau len palla o chareha.

Ezekiel 5:3

Rike kol ballendar tchomone pale un pande len tella an tiri baja.

4. Mose 22:1

Pal kowa djan i Israelitarja dureder, un djiwan an ko telstuno them pash o pani Jordan, kai i Moabarja djiwan, ap i wawar rig o forestar Jericho.

4. Mose 25:1

Un i Israelitarjen his pengre plachtene khera pash o foro Shittim. Kote mukan pen i mursha dren kol tchentsa dran o them Moab.

4. Mose 25:2

Kolla kaman, te wenn i Israelitarja lentsa, te anenn jon viechen pengre deblenge. Un i Israelitarja wan lentsa un chan ko massestar un mangan kolengre deblen an.

1. Samuel 11:1

Un o rai pral i Ammonarja, o Nahash, las peskre tsele lurden, djas win un tchiwas pes lentsa trul o foro Jabesh an o them Gilead, jaake te nai was kek dren un kek win. Un i tsele mursha dran o foro Jabesh penan ap o Nahash: “Kre mentsa win, te kress menge kek tchilatchepen. Palle nai weh tu o rai pral mende!”

1. Samuel 12:12

Har tumer dikan, te djal o rai pral i Ammonarja, o Nahash win, te kurell lo pes tumentsa, penan tumer mange: “Mer kamah i baro rajes pral mende”, har te wals o baro Dewel gar tumaro baro rai.