Jeremia 4:9 - O Debleskro Drom 2021 (Sinte)

⁹ O baro Dewel penell: Ko diwes wella, kai trashenn o baro rai un i pralstune pral Israel. O Debleskre rakepangre un leskre rashaja djinenn gar buder, hoi te penenn le.

O Debleskro Lab 2024 (Sinte-Manouche)

⁹ O baro Devel penell: Ko dives vella, kay trashenn o baro ray oun i pralstoune pral Israel. O Debleskre rakepangre oun leskre rashaya djinenn gar bouder, hoy te penenn le.

Jeremia 4:9 ပူးပေါင်းရင်းမြစ်များ

2. Rajengro liil 25:4

Kote phagan i Babilonarja an o foro dren. Un an koi rati nashan i tsele kurepangre win dran ko wudar mashkral kol dui massurja, hoi hi pash o rajeskro baar, ninna te his i Babilonarja trul o foro tchiddo. Koi nashas o Zedekja peskre lurdentsa an o telstuno them, kai o pani Jordan nashell.

Debleskri gili 102:4

Mire diwessa djan trujel har i tampa hoi djal dran i jag pre. Mange hi tato, har wals i jag an mande.

Jesaja 19:16

Ap ko diwes darenn i Egiptarja har djuwja; jon trissenn i trashatar glan o baro Debleste, ko rajeste pral o bolepen un i phub, ap ko diwes, kai hadell lo peskro wast, te dell lo len.

Jesaja 19:3

Palle djinenn i Egiptarja gar buder, hoi te krenn le. Un me krau, te djal lenge gar, hoi kamenn le te krell. Un palle djan le pash pengre chochene deblen, te putchenn le lendar, un pash kolende, kai i mulen putchenn, un pash i durkepangren un drawepangren.

Jesaja 28:19

Hako kopo, kai wenn le, taprenn le tumendar un anenn tumen krik, nai well ap o diwes un ninna an i rat. Te haiwans tumer, hoi shunenn, palle atchals tumenge o rakepen krik i trashatar.

Jeremia 2:26

Har i tchorepaskro hunte ladjell peske, te well job tapedo, jaake hunte ladjenn penge kol menshe an o them Israel, ninna kol bare raja, un pralstune un rashaja un Debleskre rakepangre,

Jeremia 25:34

Tumer pralstune, kai hunte wans har bakrengre o baro Debleskre menshenge, rowenn un denn gole! Tchiwenn tumen tele an i jagakri tchik! O tsiro hi koi, kai wenn maredo. Tumer perenn tele un wenn phagedo har i kutch khoro, hoi perell tele.

Jeremia 37:19

Kai hi kanna tumare dikepangre, kai penan tumenge glan-wi, te well o baro rai dran o them Babilonia gar pral tumende, un witar gar pral kau tselo them?

Jeremia 48:41

Kal forja un sorele khera wenn dren lino. Ap ko diwes hi i djia o tchatche murshendar an o them Moab jaake dareno, har o dji i djuwjatar, kai anell i ternepen ap kai phub.

Jeremia 5:31

O Debleskre rakepangre rakrenn chochepen, un kol rashaja rodenn penge ko feteder win, un mire menshe kamenn kowa jaake. Hoi kamenn tumer te krell, te hi tumaro tsiro trujel?

Jeremia 52:7

Kote phagan i Babilonarja an o foro dren. Un an koi rati nashan i tsele kurepangre win dran o foro, un djan dran ko wudar mashkral kol dui massurja, ap o drom, hoi djal pash o rajeskri baar. Un i Babilonarja his trul o foro tchiddo. Har djan i kurepangre ko drom, hoi djal an o telstuno them, kai o pani Jordan nashell,

Bičepangre 13:41

Jaake penas o Dewel: Tumer, kai rikrenn o Debles dineleske, krenn bare jaka i darjatar un merenn! Shunenn, me krau i baro koowa an tumaro tsiro. Kowa patsenn tumer gar, te penell tumenge kowa jek.”