Jeremia 4:28 - O Debleskro Drom 2021 (Sinte)

²⁸ I phub rowella, un o bolepen riwell pes an kalepen. Me, o baro Dewel penom, hoi kamau te krell, un kowa khaitell man gar, un mukau gar kolestar tele.

O Debleskro Lab 2024 (Sinte-Manouche)

²⁸ I phoub rovella, oun o bolepen rivell pes an kalepen. Me, o baro Devel penom, hoy kamau te krell, oun kova khaytell man gar, oun moukau gar kolestar tele.

Jeremia 4:28 ပူးပေါင်းရင်းမြစ်များ

Jesaja 24:4

Hako senlepen ap i phub well truk un merell tele. I phub nashrell peskri soor un merell tele, un i an-dikle menshen hi buder kek soor.

Jesaja 34:4

Un i tsele bolepangre momlia perenn khetne. Un o bolepen tserdell pes khetne har i liil, hoi well khetne lino. Un kol bolepangre momlia perenn tele har mule patria ap o drakengro ruk un har faige, hoi gar bares wan ap i faigetikro ruk.

Jesaja 5:30

Un an ko tsiro well pral lende i bari gole, sawi gole har o baro pani krell. Un te dikell jek palle tele ap i phub, dikell lo kalepen un bare duka. Un pesse wolke krenn, te well o diwes tamlo.

Jesaja 50:3

Me riwau o bolepen an kalepen, jaake te hi lo, har hidjrals lo kales jekeske, kai meras.

Jeremia 12:11

Hi ropaske, har paash ko them glan mande tchiddo hi, kek djiwell buder koi. O tselo them hi paash, un kek khaitell les.

Jeremia 12:4

I rah tsiro hi kau them kek brishineha, un ko tselo senlepen meras tele. I vieche un i tchirkle meran. Kowa lauter was dran o tchilatchepen kol menshendar, kai kate djiwenn. Jon penenna: O Dewel dikell gar, hoi krah.

Jeremia 14:2

O them Juda hi bibachtelo koi tchiddo. I menshe an i forja merenna i bokatar. Lenge hi ropaske un jon beshenn pen ap i phub. Un an Jerusalem denn le i wasta pral o shero khetne.

Jeremia 23:10

O tselo them hi pherdo kolentsa, kai mukan o baro Debles. Doleske hi i praassepen ap o them tchiddo: Kek brishin dell, un o senlepen merell tele. Tchi har tchilatchepen hi an lengro shero, un an o chochepen hi le sorelo.

Jeremia 23:20

O baro Debleskri choli mukell gar tele, bis te kras lo, hoi les glan his. I tsiro well, kai haiwenn tumer kowa.

Jeremia 30:24

O baro Debleskri choli mukell gar tele, bis te kras lo, hoi les glan hi. I tsiro well, kai haiwenn tumer kowa.

Jeremia 51:12

Hadenn o kurepaskri plachta pre, te sikrenn, kai djan tumer an o kurepen o foreha Babilon. Tchiwenn bud kurepangren trul o foro! Tchiwenn ninna kol lurden kote koi, kai garda denn! Tchiwenn ninna lurden khatemen pal o foro, te nai perenn le i Babilonarjen an o dumo. O baro Dewel krell, hoi job pes glan las, un hoi lo pral i menshende an o foro Babilon rakras.

Jeremia 7:16

Tu, Jeremia, mangess gar un rowess gar glan mande kal menshenge, witar gar peness mange, hoi len ap o dji hi, un hoi len hunte well, un stakress lenge pash mande witar gar dren. Me kamau tumen gar an-shunell.

Ropaskre gilja 2:17

O baro Dewel kras, hoi lo peske glan las. Un kras kowa, har lo menge glan i rah tsiro trad das. Les khaital tu gar, har mukas lo tut khetne te dell, un kolen, kai ap tute djan, i sorleder te well. Har tu peral, nai san le.

Ezekiel 24:14

Me, o baro Dewel penom kowa, un me krau les ninna jaake. Kau tsiro was, te krap kowa. Me rikrau man gar pale, te dap tumen i phagi, tumer khaitenn man gar. Me krau miro dji gar pre tumenge. Tumer lenn tumari phagi pal kowa har djiwan un hoi kran. Kowa penell o baro Dewel, maro rai.

Hosea 13:14

Ginap me len win dran i soor, hoi o mulengro themes hi? Lap me len win dran o merepen? Tu, merepen, kai hi tut ko nasslepen, ap koleste i menshe merenn? Tu, mulengro them, kai hi tut ko pharo nasslepen, hoi anell i menshen pash tute? Kal menshe khaitenn man buder gar.

Hosea 4:3

Doleske trushell o them, un i menshe merenn; ninna i diwje vieche, i tchirkle un i matche hunte merenn.

Joel 1:10

O hachetikri phub hi pherde barra, un tchi well buder baro koi pre. O djob hi paash, i molengre drake un i djetengre drake meran tele.

Zakarie 8:14

Kowa penell o baro Dewel, ko rai pral o bolepen un i phub: “Har kran man tumare phure chojedo, kamom i bibacht pral lende te anell, un tchi rikras man kolestar pale.

4. Mose 23:19

O Dewel hi gar i mensho, kai chochella, witar gar i mensheskro tchawo, koles khaitell, hoi job kras. Penell job tchomone, hoi job gar krella? Penell job kowa, kai rikrell job gar?

Mateo 27:45

His deesh-te-dujenge, koi was o diwes kalo har i rat an o tselo them. Un kowa atchas jaake bis trinenge.

Markus 15:33

His deesh-te-dujenge, koi was o diwes kalo har i rati an o tselo them. Un kowa atchas jaake bis pash trinenge.

Louka 23:44

His nai deesh-te-dujenge, koi was o diwes kalo har i rati an o tselo them. Un kowa atchas jaake bis trinenge.

Efesarja 1:11

Job kras, te wam mer o Debleskre tchawe. Un ko bolepaskro brawlepen, hoi leskro hi, well ninna maro. Kowa kamas o Dewel glan i rah tsiro jaake. Un lauter, hoi job kamella, krell lo.

Efesarja 1:9

Kek mensho djinas, hoi o Dewel kamas te krell. Mende sikras lo, hoi les an peskro dji hi. Kowa, hoi job kamell te krell, krell lo o Jesus Kristeha.

Debleskro tsiro 6:12

Un me dikom, har o terno bakro i shobti dori pre pandas, hoi ko liil khetne rikras. Koi trissas i phub soreles. Un o kham was kalo har i kalo gono. Un o tselo tchon was lolo har o rat.

1. Samuel 15:29

Ko Dewel, koleha o Israel nai sharell pes, kowa chochella gar, un leskre laba khaitenn les gar. Job hi kek mensho, koles peskre laba nai khaitans.”