Jeremia 4:22 - O Debleskro Drom 2021 (Sinte)

²² O baro Dewel penell: Mire menshe hi diwjo, un patsenn man gar. Dinelo hi le, man prindjrenn le gar. Har dinele tchawe hi le, kai tchi haiwenn. Gosewo doha hi le, te krenn le tchilatchepen. Har jon latchepen krenna, djinenn le gar.

O Debleskro Lab 2024 (Sinte-Manouche)

²² O baro Devel penell: Mire menshe hi divyo, oun patsenn man gar. Dinelo hi le, man prindjrenn le gar. Har dinele čave hi le, kay či hayvenn. Gosevo doha hi le, te krenn le čilačepen. Har yon lačepen krenna, djinenn le gar.

Jeremia 4:22 ပူးပေါင်းရင်းမြစ်များ

1. Mose 39:16

Un joi rikras leskro ripen pash peste, bis te o Josefeskro rai khere was.

2. Samuel 13:3

O Amnones his i maal. Kowa kharas Jonadab. Leskro dad his o Davideskro phraal Shimea. Un ko Jonadab his i gosewo mursh.

Debleskri gili 36:3

An peskre jaka hi kowa jaake shukar, hoi lo krella, te haiwell lo gar, kai kowa i doosh hi, kai hunte rikrals pes lo latar pale.

Debleskri gili 36:4

Tchi har midjak un chochene laba wenn dran leskro mui win. Latcho koowa haiwell lo buder gar te krell.

Debleskri gili 53:4

Halauter rissran pen lestar krik, un djiwenn i djungelo djipen, jek har ko wawar. Kek hi koi, kai krell o latchepen, awa kek!

Debleskri gili 82:5

Tumer mukenn tumenge tchi te penell. Dinele han tumer, un djan tumaro drom, har te wals kali rat, kai dikenn tchi. Doleske dell kek tchatchepen buder ap kai phub.

Gosewe laba 28:5

Tchilatche menshe haiwenn gar, hoi o tchatchepen hi. Kolla, kai o baro Debles rodenn, kolla haiwenn lauter mishto.

Jesaja 1:3

Haki grumni prindjrell koles, koneske joi hi. Un haki burika djinell koi platsa, kai lakro rai dell lat te chal. O Israel prindjrell kowa gar. Mire menshe haiwenn kowa gar.

Jesaja 27:11

Un lengre kashta wenn truk un phagenn tele. Un djuwja wenn un lenn len, te krenn le i jag. Kal menshe haiwan tchi. Doleske well koles, kai len kras, kek dji lenge, un hi lenge gar latcho.

Jeremia 10:8

Lauter hi jon dinelo un narwelo, kolla, kai mangenn o kasht an. Kol debla nai sikrenn lende tchi.

Jeremia 13:23

Nai krell i kalo mensho peskri kali hauta wawartchandes? Na-a! Nai krell i diwji margodja peskre balla wawartchandes? Na-a! Jaake nai krenn tumer kek latchepen, ko tchilatchepen djas tumenge an o mass un o rat.

Jeremia 2:8

Tumare rashaja putchan gar: ‘Kai hi o baro Dewel?’ Har penan le i menshenge, hoi te krenn le, rikran le pen gar ap mire laba. Un kol pralstune pral mire menshende hadan pen pral mande, un shunan buder gar ap mande. Un mire rakepangre, kai hunte penans mire laba dureder, rakran an o lab ko chocheno deblestar Baal, un mangan figuren an, kai kek dewel hi.

Jeremia 4:21

Har rah hunte dikap me kol kurepangro sikepen, un shunap koi phurdepangri gole?

Jeremia 5:21

Shunenn kai, tumer menshe, kai tumen tchi an o shero hi, kai len jaka hi, un dikenn tchi, kai len kanda hi un shunenn tchi!

Jeremia 5:4

Me penom mange: Kolla hi tchorwele menshe, kai tchi djinenna, un prindjrenn gar o Debleskro drom un leskro tchatchepen.

Jeremia 9:2

Lengri tchip hi har i tchuri. Lengro chochepah wan le soreles an o them. O tchatchepen rakrenn le gar. Jek tchilatcho koowa pal o wawar krenn le. Man prindjrenn jon gar, penell o baro Dewel.

Jeremia 9:3

Hakeno mu dell pes garda peskro malestar, un ninna peskro phralestar! Jek phraal dell kol wawar phrales pral i kanda. Un i maal rakrell djungeles pral o wawareste.

Jeremia 9:5

Un mukenn gar tele, te rikrenn le i wawaren tele, un te chochenn le len. Man kamenn le gar te prindjrell, penell o baro Dewel.

Ezekiel 16:30

Har chatchell miri choli pral tute, te kral tu kowa lauter, penell o baro Dewel, maro rai. Tu wal i bari wi-ladjedi lubni.

Hosea 4:1

Tumer Israelitarja, shunenn, hoi o baro Dewel tumenge penell! O baro Dewel hunte tchingrell tumentsa, kai djiwenn an o them Israel. Tumer rikrenn gar khetne, han gar kamles jek o wawareha un prindjrenn o Debles gar.

Hosea 4:6

Mire menshe prindjrenn o tchatcho drom gar. Doleske djan le tele. Tumer kaman lenge gar miro drom te sikrell. Doleske kamau me tumendar witar tchi te djinell. Tumer han buder gar mire rashaja. Tumer bistran miro drom. Doleske bistrau tumare tchawen.

Hosea 5:4

Ko tchilatcho koowa, hoi le kran, rikrell len pale, te wenn le pash mande. Jon nai mukenn gar tele, te mangenn le chochene deblen an. Man, o baro Debles, prindjrenn jon gar.

Amos 3:10

Jon dikenn gar ap o tchatchepen, penell o baro Dewel. Jon lenn penge brawlepen khetne an pengre khera, hoi tchoran le un lan le sorjah i wawarendar krik.

Micha 2:1

Hawi bibacht well pral kolende, kai hi tchiddo ap pengro tchiben, un an lengro shero djal tchilatcho koowa trujel, hoi kamenn le te krell. Jaake sik har o kham pre djal, krenn le, hoi le pen glan lan. Len hi i soor, te krenn le, hoi le kamenn.

Micha 7:3

Lengre wasta hi sik, te krenn le tchilatcho koowa. I pralstune un tchatchepangre raja denn kolen o tchatchepen, kai denn len lowe. Kol sorele an o them krenn, hoi le kamenn, chochenn un rissrenn o tchatchepen trujel.

Louka 16:8

Un ko rai sharas ko chocheno budepaskres doleske, kai his lo gosewo.” “Un kowa hi tchatcho”, penas o Jesus, “kol menshe, kai prindjrenn o Debles gar, djan gosweder trujel i wawar menshentsa har kolla, kai djan ap o Debleskro drom.

Johanni 16:3

Jon prindjrenn o dades gar un man witar gar. Doleske krenn jon kowa.

Remarja 1:22

Kal menshe penenn pendar, te hi le gosewo. Dran kowa peran le an o dinlepen.

Remarja 1:28

Jon kamenn tchi o Deblestar te djinell. Doleske mukas o Dewel len te perell, te djiwenn le pal pengro tchilatcho shero, un krenna, hoi gar mishto hi.

Remarja 16:19

Bud menshe shunan, kai tumer ap o Debleste patsenn un ap leste shunenn. Doleske hom me bachtelo pral tumende. Un me kamau o tselo djijestar, te haiwenn tumer bud un budeder, hoi latcho hi, un te krenn kek tchilatcho koowa.

Remarja 3:11

Kek mensho hi gosewo. Kek rodell o Debles.

1. Korintarja 14:20

Mire phrala, ma awenn har tikne tchawe, kai gomme gar bud djinenna. Awenn gosewo har i phure! Pash tchilatcho koowa, awenn har tikne tchawe, hoi o tchilatchepen gar haiwenna!

5. Mose 32:28

I Israelitarja hi menshe, kai lenn gar ap o dji, hoi lenge penlo well. Kek goswepen hi an lende.

5. Mose 32:6

Tumer dinele menshe, kolen kek goswepen hi, parkrenn tumer tumen jaake pash tumaro baro Debleste? Hi job gar tumaro dad, kai kras tumen? Kowa, kai kras tumendar i natsjona?