Jeremia 4:20 - O Debleskro Drom 2021 (Sinte)

²⁰ Jek foro pal i wawar well dino. O tselo them denn le paash. Ap jek kopo hi mire un plachtene khera khetne dino.

O Debleskro Lab 2024 (Sinte-Manouche)

²⁰ Yek foro pal i vavar vell dino. O tselo them denn le paash. Ap yek kopo hi mire oun plarhtene khera khetne dino.

Jeremia 4:20 ပူးပေါင်းရင်းမြစ်များ

Debleskri gili 42:7

Kanna, mo Dewel, rowell miro dji. Doleske dikau ap tute kote, kai hom: an o them pash o pani Jordan, pash i berge Hermon un Misar.

Debleskri gili 72:19

Sharas leskro baro railo lab hako tsiro! Leskro railepen mu well diklo an i tsele themma! Amen, jaake te well kowa!

2. Mose 33:5

Jaake kran le, hoi o baro Dewel o Moseske penas. Leske penas lo: “Pen ap i Israelitarja: Tumer djiwenn pal tumaro shero un kamenn gar te shunell. Te woms me tumentsa i tikno tsiro ap o drom, doms me tumen mulo. Tchiwenn kanna tumaro sonakai un rup tele! Pal kowa kamau me dikell, hoi tumentsa krau.”

Jesaja 13:6

Rowenn, o diwes, kai o baro Debleskri choli well, hi buder gar dur. Ap ko diwes anell o sorelo Dewel bari bibacht pral tumende.

Jesaja 15:5

Miro dji rowell pral o them Moab; lengre menshe nashenn penge jaake dur har o foro Zoar, jaake dur har Eglat-Shelishija. Hi sawe, kai djan pre ap o drom an Luhit o ropah. Wawar djan ap o drom an Horonajim, un denn bari gole i dukatar.

Jesaja 33:20

Dik ap ko foro Zion, kai mer khetne wah ap i bare diwessa. Dik, har i Jerusalem i foro hi, kai djiwenn i menshe kek darjah. Ko foro hi har i plachteno kheer, hoi buder gar tele phagedo well. Kol saster, hoi les rikrenn, wenn gar buder win tserdedo, un lengre shelle djan gar buder paash.

Jesaja 47:9

Well i diwes, kai well kowa lauter pral tute: Tu nashreh tiro romes, un tire tchawe hi mulo. Kowa well sik un soreles ap jek diwes pral tute, ninna te djineh bud drawepangre laba pre te penell, hoi te rikrenn i bibacht dur tutar, un kral bud bengeskro koowa.

Jesaja 54:2

Kre tiro plachteno kheer buchlo! Tserde kol plachte ap i rigja dureder! Ab gar tchindo! Kre i shelle lengsto, un de kol saster, hoi rikrenn len, soreles an i phub dren!

Jeremia 12:11

Hi ropaske, har paash ko them glan mande tchiddo hi, kek djiwell buder koi. O tselo them hi paash, un kek khaitell les.

Jeremia 17:18

Muk ladj pral kolende te well, kai man palla lenn, un gar pral mande! Jon hunte trashenn pen, un gar me! Muk ko diwes te well, kai well koi bibacht ap lende! Un phage len an kotja!

Jeremia 4:21

Har rah hunte dikap me kol kurepangro sikepen, un shunap koi phurdepangri gole?

Jeremia 4:27

O baro Dewel penas: Ninna te well kai tseli phub har i mulo them, kamau gar lauter paash te krell.

Jeremia 4:6

Tchiwenn i sikepen pre ap o drom, hoi sikrell o drom an Zion! Nashenn un atchenn gar tardo, me anau bari bibacht un baro ropen, hoi well kotar, kai norden hi.

Jeremia 9:18

Shunenn, o ropen well shunlo an o foro Zion: Ach, har djan jon sorjah ap mende! I ladj was ap mende! Mer hunte djas dran kau them. Mare khera chatchran jon tele.

Ropaskre gilja 3:47

Traash un daar was ap mende. Trul mende phagell un perell halauter khetne.

Ezekiel 14:21

Un kanna penell o baro Dewel, maro rai: Ap ko tsiro, kai bitchrau star phare dawa pral ko foro Jerusalem – kurepen, bok, diwje vieche un pharo nasslepen, – te merenn i menshe un vieche koi dren,

Joel 1:15

Hawo bibachtelo tsiro! O diwes, kai o baro Debleskri choli well, hi buder gar dur. Ap ko diwes anell o sorelo Dewel bari bibacht pral mende.

3. Mose 26:18

Te shunenn tumer ninna palle gar ap mande, dau tumen i phagi, hoi hi efta kope phareder har kaja, hoi bis kanna dom.

3. Mose 26:21

Un te sikrenn mange o dumo un kamenn gar ap mande te shunell, palle dau me tumen i phagi, hoi gomme efta kope phareder hi har kaja bis kanna.

3. Mose 26:24

palle sikrau me tumenge o dumo, un dau tumen i phagi, hoi efta kope phareder hi har kaja bis kanna.

3. Mose 26:28

palle djau me an choli ap tumende, un dau tumen i phagi hoi hi efta kope phareder har kaja, hoi bis kanna ap tumende was.

Habakuk 3:7

Me dikom, har daran kol menshe, kai djiwenn an plachtene khera an o them Kushan, un har trissan i menshe an o them Midian.

4. Mose 16:21

“Djan kol menshendar krik, te marap len sik.”

Mateo 10:28

Ma trashenn kol menshendar, kai nai marenn tumen! Jon nai marenn gar o djipen an tumende, hoi ninna pal o merepen djiwella. Trashenn o Deblestar, kai nai tchiwell tumen pal o merepen an o bengeskri jag, kai han hako tsiro nashedo!

2. Tessalonikarja 1:9

Kolla lenn i phagi: Jon djan hako tsireske nashedo, un nai wenn buder gar pash o Debleste, un dikenna gar leskro baro railepen