Jeremia 4:14 - O Debleskro Drom 2021 (Sinte)

¹⁴ Jerusalem, te kameh win lino te well, palle thob tiro tchilatchepen tiro djijestar tele! Har rah kameh tu ko tchilatchepen an tiro shero te rikrell?

O Debleskro Lab 2024 (Sinte-Manouche)

¹⁴ Yerusalem, te kameh vin lino te vell, palle thob tiro čilačepen tiro djiyestar tele! Har rah kameh tou ko čilačepen an tiro shero te rikrell?

Jeremia 4:14 ပူးပေါင်းရင်းမြစ်များ

Debleskri gili 119:113

Me choirau man ap kolende, kolen dui djia hi, tiro drom kamau me o djijestar.

Debleskri gili 51:2

har o Debleskro rakepaskro Natan pash leste was, pal kowa o David i wawareskri romjat, i Batsheba, las.

Debleskri gili 66:18

Job shunas miri gole, un das jak ap kowa, hoi lestar mangom. Te wals man tchilatchepen glan an miro dji, shunals man o Dewel, miro rai, gar.

Gosewe laba 1:22

Tumer, kolen tchi an o shero hi: Har rah kamenn tumer dinelo koowa te krell? Tumer sapangre, har rah kamenn tumer pral o wawareste te sal un les praassell? Tumer dinele, har rah penenn: Mer kamah gar te djinell, hoi tchatcho hi?

Jesaja 55:7

Koon kamas tchi o Deblestar te djinell, kowa te djal kanna peskro tchilatcho dromestar tele! Un kowa, kai tchilatcho koowa an peskro shero hi, job te mukell sawo koowa, un well pale pash maro baro Debleste, jaake te krell job peskro dji leske pre, un lell leskri doosh krik.

Jeremia 13:27

Jerusalem, me dikom, har mukal man, dikom tiri chantch pal wawar deblen, tiro wi-ladjedo koowa, tire figure, kolentsa choiral man ap i berge un ap o them. Tu bibachteli, hal pale-tchiddo glan mande! Har rah kameh tu kowa te atchell?

Jeremia 17:1

Tumer menshe an o them Juda, tumaro tchilatchepen hi dren tchinlo an tumare djia, un ap kol shinga ap kol chatchepangre, kai tumer viechen chatchrenn. Ko tchilatchepen hi jaake dren tchinlo, te nai krenn kowa gar buder krik, har te was kowa an o bar dren dino i sasteha, hoi les i diamantikro shero hi.

Jeremia 18:11

Un kanna Jeremia, pen kol menshenge an Juda un kolenge, kai djiwenn an Jerusalem: Kowa penell o baro Dewel: Djinenn, man hi an o dji, te dap tumen i phagi, un kamau bibacht pral tumende te anell. Doleske djan tele hakeno peskro tchilatcho dromestar! Un djiwenn i wawar djipen!

Jeremia 2:22

Tu nai thoweh tut jaake bud har kameh, un leh ko sorlester sapuni! Ko tchilatchepen, koleha tut pale-tchiddo kral, atchell glan mire jaka, penell o baro Dewel, maro rai.

Jeremia 6:19

I menshe ap i tseli phub hunte shunenn kowa. Me kamau bibacht pral kal menshende te anell. Ap mire laba denn le kek garda, un djan gar ap miro drom. Doleske lenn le pengri phagi.

Ezekiel 18:31

Mukenn tumare tchilatche dromma! Un lenn tumenge i newo dji un i newo ducho! Hoske kamenn tumer te merell, tumer dran o kheer Israel?

Zakarie 8:17

Kek te lell pes tchilatchepen glan, te anell lo ap o wawareste. Ma denn tumen i chocheni sowel! Kowa lauter hi djungeles an mire jaka”, penell o baro Dewel.

Mateo 12:33

Te hi tumen i latcho phabjengro ruk, hi tumen ninna latche phabja. Te hi tumen i phabjengro ruk, kai gar latcho hi, hi tumen ninna phabja, kai gar latcho hi. Ap kowa, hoi o rukestar wella, dikenn tumer, har ko ruk hi.

Louka 11:39

Koi penas o Jesus ap leste: “Tumer Farisarja, tumer thowenn tumare khore un tchare wrijal. Un tumaro dji hi pherdo tchorepen un tchilatchepen.

Johanni 13:9

“Rai,” penas o Simon Petro, “thob mange gar i pire kokres! Thob mange ninna i wasta un o shero!”

Bičepangre 8:22

Kanna, muk tiro tchilatcho drom, un pen o Debleske, te khaitell tut ko tchilatcho koowa, hoi tu kral. Un mange lestar, te lell lo koi doosh tutar!

Remarja 1:21

Ninna te djinan le o Deblestar, sharan le les gar, un parkran pen gar pash leste. Na-a, jon djan pal kowa, hoi an lengro shero hi un tchi moldo hi. Un lengre djia haiwan buder gar, hoi mishto hi.

1. Korintarja 3:20

Hi ninna tchinlo: O Dewel djinella, hoi an i menshengro dji glan djala, kai lengro goswepen tchi molella.

Jakobo 4:8

Awenn pash o Debleste! Jaake well job ninna pash tumende. Ap tumende, kai kran tchilatcho koowa, penau me: Krenn tumare wasta djudjo! Ap tumende, kai djan ap dui dromma, penau me: Mukenn ko tchilatcho drom, un djan ap o Debleskro drom!