Jeremia 39:7 - O Debleskro Drom 2021 (Sinte)

⁷ O Zedekjeske wan i jaka win tchurje dino. Un job was an sasterne shelle pandlo, un was an o them Babilonia anlo.

O Debleskro Lab 2024 (Sinte-Manouche)

⁷ O Sedekyeske van i yaka vin čourye dino. Oun yob vas an sasterne shelle pandlo, oun vas an o them Babilonia anlo.

Jeremia 39:7 ပူးပေါင်းရင်းမြစ်များ

2. Rajengro liil 25:7

Un leskre mursh tchawen maran le kote glan leskre jaka. Un leske wan i jaka win dino. Un jon pandan les sasterne shellentsa un anan les an o them Babilonia.

Debleskri gili 119:8

Me kamau te krap, hoi mandar kameh. Ma muk man kokres!

Jeremia 20:4

Kowa penell o baro Dewel: Tu aneh traash ap tute un ap tire malende. Jon wenn maredo o chareha kolendar, kai kurenn pen lentsa. Un tu dikess kowa tire jakentsa. Un me kamau i tsele menshen an o them Juda an o wast o baro rajestar dran o them Babilonia te dell. Kowa anell i kotar lendar pandles an Babilonia un dell i wawaren mulo o chareha.

Jeremia 34:3

Un ninna tu nai nasheh gar glan leskro wast krik. Na-a tu weh tapedo un an leskro wast dino. Tu dikeh les tire jakentsa un rakreh leha mui ap mui. Un palle weh an o them Babilonia anlo.

Jeremia 44:30

Me dau o baro rajes pral o them Egiptia – leskro lab hi Farao Hofra – an i wasta kolendar, kai kamenn les te marell, jaake har dom o Zedekjes, ko rajes dran o them Juda, an o wast o rajestar pral o them Babilonia, kowa kai kamas les te marell. Leskro lab hi Nebukadnezar. Kowa penau me, o baro Dewel.

Jeremia 52:11

O Zedekjeske mukas lo i jaka win tchurje te dell, un les sasterne shellentsa te pandell. Palle mukas les o baro rai pral Babilonia an o foro Babilon te anell. Kote was lo stildo bis te meras lo.

Ezekiel 12:13

Me, o baro Dewel, witsrau miri netsa pral leste win, te well lo tapedo an mire dorja. Un pandles well lo an o them anlo, kai i Babilonarja djiwenn. Ko them nai dikell lo gar. Un kote merell lo.

Čačepangre 16:21

Un i Filistarja tapran les, un dan leske i jaka win tchurje. Un jon anan les tele an o foro Gaza un pandan les sasterne shellentsa. Un an o stilepen hunte kras lo o djob tiknes an i djobeskri.