Jeremia 39:4 - O Debleskro Drom 2021 (Sinte)

⁴ Har o Zedekja, ko rai pral o them Juda, un leskre lurde kowa dikan, nashan le penge rati dran o foro win, ap ko drom, hoi djal an o rajeskri baar. Kote his i wudar mashkral kol dui massurja. Dran ko wudar nashan le penge ap koi rig, kai o telstuno them o panjestar Jordan hi.

O Debleskro Lab 2024 (Sinte-Manouche)

⁴ Har o Sedekya, ko ray pral o them Youda, oun leskre lourde kova dikan, nashan le penge rati dran o foro vin, ap ko drom, hoy djal an o rayeskri baar. Kote his i voudar mashkral kol douy massurya. Dran ko voudar nashan le penge ap koy rig, kay o telstouno them o panyestar Yordan hi.

Jeremia 39:4 ပူးပေါင်းရင်းမြစ်များ

2. Familjakro liil 32:5

Un o Hiskija rikras pes mishto un mukas kol massurja trul o foro, kote kai le tele phagedo his, newes te krell. Un kol turme kras lo bareder, un mukas win i duiti massuri pre te tchiwell. Ninna mukas lo o Millo sorleder te krell an o Davideskro foro, un mukas bud witsepaskre tchurja un shilte te krell.

Jesaja 22:11

Un mashkral kol dui massurja kran tumer i panjeskro kheer o panjeske dran o Phuro Pani. Ap o Debleste, kai kowa lauter kras, dikan tumer gar, un ap koleste, koles kowa glan i rah tsiro an peskro dji his, rikran tumen gar.

Jesaja 22:3

Tumare pralstune lurde nashan khetne penge. Kek failo was karje dino, har wan le tapedo. Lauter wan tapedo un pandlo fothe dur jon ninna nashan.

Jesaja 29:2

Me anau jaake bud traash ap o foro Arijel, te denn tumer bari gole, un denn i wasta khetne pral o shero. Un palle well o foro i tchatcho chatchepaskro bob mange.

Jeremia 32:4

un o Zedekja nai nashell gar peske glan i lurdende dran o them Babilonia. Me kamau les an o wast o baro rajestar dran o them Babilonia te dell, te nai rakrell lo leha mui ap mui, un te dikell lo les peskre jakentsa.

Jeremia 32:5

Un o baro rai dran Babilonia mukell o Zedekjes an o them Babilonia te anell; kote atchell lo ninna, bis te dau me les peskri phagi, penell o baro Dewel. Ninna te kurenn tumen i lurdentsa dran o them Babilonia, djal tumenge kowa gar mishto win.

Ezekiel 12:12

Un o rai pral lende lell peskro koowa ap i phik un djal win an o tamlepen. Un jon phagenn barra win dran i massuri, te hidjrell lo peskro koowa kote win. Trul peskre jaka pandell lo i diklo, te dikell lo gar o them.

Ezekiel 12:4

Ap o diwes hidje ko koowa hoi tuha leh win dran o kheer, te hunte dikenn le les. Un rati dja win glan lengre jaka, jaake har jek win djal, kai djal an o pandepen.

3. Mose 26:17

Me dikau buder gar latches ap tumende, un tumer wenn dino kolendar, kai kurenn pen tumentsa. Kolla, kai kamenn tumaro merepen, wenn rai pral tumende. Tumer han ap o naashepen, ninna te lell tumen kek palla.

3. Mose 26:36

Kolla, kai tumendar pral atchenn an kol wawar themma, kai le pandle hi, kolen krau jaake dareno, te well len daar glan i patri, hoi krik phurdedo well. Lestar nashenn le, har te lals jek len o chareha palla. Un jon perenn, un jek perell pral o wawareste, ninna te hi kek koi, kai len palla las. Un tumen hi kek soor, te kurenn tumen kolentsa, kai ap tumende djan.

Amos 2:14

Ninna kolla, kai nashenn nai sik, nai nashenn gar penge. Sorele mursha nashrenn pengri soor. Un kurepangre atchenn gar djido.

5. Mose 28:25

O baro Dewel krell, te wenn kolla sorleder har tumer, kai kurenn pen tumentsa. Ap jek drom djan tumer ap lende pre, un ap hake rigja hunte nashenn tumenge lendar. Un i menshenge an hake themma ap i phub atchell o rakepen krik i trashatar, te dikenn le, har tumenge djala.