Jeremia 39:11 - O Debleskro Drom 2021 (Sinte)

¹¹ Un o Nebukadnezar, ko rai dran o them Babilonia, rakras o pralstuneha i lurdendar, o Nebusaradan, un penas leske, hoi te krell lo o Jeremijeha:

O Debleskro Lab 2024 (Sinte-Manouche)

¹¹ Oun o Neboukadnezar, ko ray dran o them Babilonia, rakras o pralstuneha i lourdendar, o Nebouzaradan, oun penas leske, hoy te krell lo o Yeremiyeha:

Jeremia 39:11 ပူးပေါင်းရင်းမြစ်များ

Hiob 5:15

O Dewel lell o tchorweles dran o tchilatcho rakepen win, un dran o wast o sorleder tserdell lo les win.

Hiob 5:16

Jaake lell o tchorwelo pale newi soor an peskro dji, un o tchilatchepen hunte rikrell peskro mui.

Hiob 5:19

Hako kopo, kai perell i bibacht ap tute, lell lo tut win. Un kek tchilatchepen nai taprell tut an.

Jeremia 1:8

Ma traash lendar. Me hom pash tute, un rikrau mire wasta pral tute. Ko penau me, o baro Dewel.

Jeremia 15:11

Baro Dewel, te mangom tutar gar latchepen lenge, te mangom tutar gar, te less len win dran i tchilatche wasta an lengre phare tsirja un an lengri daar, palle mukess koi bibacht te well, hoi kamenn jon ap mande te anell.

Jeremia 15:20

Me krau tut kal menshenge har i soreli massuri. Ninna te djan le ap tute, nai witsrenn le tut gar trujel. Me, o baro Dewel, hom pash tute, te wap ap tiri rig, un te lap tut win dran lengre wasta, –

Jeremia 15:21

awa, dran i wasta kolendar, kai tchilatcho ap tute hi, un kai djan sorjah ap tute pre.

Jeremia 37:2

O Zedekja un i pralstune trul leste un kol wawar menshe an o them shunan gar ap i laba, hoi o baro Dewel ap peskro rakepaskro, o Jeremia, penas, te penell lo len lenge dureder.

Jeremia 40:1

I lurde dran Babilonia tapran bud menshen dran o foro Jerusalem un dran wawar gaba un forja an o them Juda. Jon pandan len shellentsa un anan len khetne an o foro Rama, te anenn le len pandles an o them Babilonia. Mank lende his ninna o Jeremia, peskre wasta i shellentsa pandles. Kote hatsas les o pralstuno i lurdendar, o Nebusaradan, un mukas les te djal. Pal kowa rakras o baro Dewel o Jeremijeha.

Jeremia 40:4

Un kanna dik, me lau i shelle tutar tele, kai tire wasta pandan. Te kameh, un te hi tuke mishto, ab mantsa an o them Babilonia, ab un me dau garda ap tute. Te kameh gar te djas mantsa an o them Babilonia, palle nai mukeh les. Dik, o tselo them hi glan tute tchiddo; kai tu kameh un kai tuke mishto hi, kote nai djah tu tuke koi.

Jeremia 52:12

O baro rajes pral o them Babilonia, o Nebukadnezar, his i baro lurdo, koles bud penepaske his. Koleskro lab his Nebusaradan. Job his o pralstuno pral i lurdende. Har his o Nebukadnezar an o deesh-te-enjato bersh o baro rai pral o them Babilonia, koi was o Nebusaradan ap o deshto diwes an o pantchto tchon an o foro Jerusalem.

Bičepangre 24:23

Un job mukas o Paules pale an o stilepen te anell, un penas ap ko baro lurdeste, te krell job o Pauleske o djipen gar phares, un te well nai hakeno leskre malendar pash leste, te anell lo leske chapaske.