Jeremia 38:23 - O Debleskro Drom 2021 (Sinte)

²³ Tire tsele romja un tire tsele tchawe wenn pash i Babilonarja win anlo. Un tu ninna nai nasheh gar lendar krik. Jon taprenn tut, un denn tut an i wasta o baro rajestar dran Babilonia. Un kau foro well tele chatchedo.

O Debleskro Lab 2024 (Sinte-Manouche)

²³ Tire tsele romya oun tire tsele čave venn pash i Babilonarya vin anlo. Oun tou ninna nay nasheh gar lendar krik. Yon taprenn tout, oun denn tout an i vasta o baro rayestar dran Babilonia. Oun kava foro vell tele rhačedo.

Jeremia 38:23 ပူးပေါင်းရင်းမြစ်များ

2. Rajengro liil 25:7

Un leskre mursh tchawen maran le kote glan leskre jaka. Un leske wan i jaka win dino. Un jon pandan les sasterne shellentsa un anan les an o them Babilonia.

Jeremia 21:10

Djinenn, man hi soreles glan, te anap bibacht pral kau foro, un wau gar ap leskri rig, penell o baro Dewel. Kau foro perell an o wast ko baro rajeske pral Babilonia. Kowa tchiwell jag ap leste un chatchrell les pre.

Jeremia 32:4

un o Zedekja nai nashell gar peske glan i lurdende dran o them Babilonia. Me kamau les an o wast o baro rajestar dran o them Babilonia te dell, te nai rakrell lo leha mui ap mui, un te dikell lo les peskre jakentsa.

Jeremia 34:3

Un ninna tu nai nasheh gar glan leskro wast krik. Na-a tu weh tapedo un an leskro wast dino. Tu dikeh les tire jakentsa un rakreh leha mui ap mui. Un palle weh an o them Babilonia anlo.

Jeremia 37:8

Un i Babilonarja wenn kate pale un rikrenn kau foro an pengro wast, un lenn kau foro penge dren, un chatchrenn kau fores tele.

Jeremia 38:18

Te djah tu gar win pash o pralstunende o baro rajestar dran o them Babilonia, palle dau kau foro an lengro wast. Un jon chatchrenn kau fores pre. Un tu nai nasheh witar gar lendar krik.

Jeremia 38:24

Un o Zedekja penas ap o Jeremia: “De jak, te shunell kek kal laba, hoi tu mange penal. Palle mereh witar gar.

Jeremia 39:5

I lurde dran Babilonia lan len palla, un tapran o Zedekja an o telstuno them pash o foro Jericho, un pandan les un anan les pash o Nebukadnezar, ko baro rai dran o them Babilonia. Kowa his an o foro Ribla an o them Hamat. Job rakras pral leste i phagi win.

Jeremia 39:6

Kote an o foro Ribla mukas o baro rai dran o them Babilonia i tsele tchawen o Zedekjestar glan leske jaka te marell. Un kote mukas lo ninna i tsele pralstunen dran o them Juda te marell.

Jeremia 41:10

Un job las i menshen pandles, kai an o foro Mizpa djides atchan: o baro rajeskre tcha un kol wawar menshe, halauteren, kai o Nebusaradan, ko pralstuno i lurdendar, an o foro Mizpa pale mukas, te dell o Gedalja garda ap lende. Un o Jishmael djas lentsa peske, un kamas wergel pash i Ammonarja te djal.

Jeremia 6:12

Lengre khera lenn kol wawar, ninna lengre themma un lengre djuwjen. Me hadau miro wast, te marap kolen, kai djiwenn an kau them, penell o baro Dewel.

Ezekiel 14:9

Te mukell pes i Debleskro rakepaskro jaake dur te anell, te dell lo les i lab mandar dureder, palle krau me, o baro Dewel, te dell lo i chocheno lab dureder. Un me hadau miro wast pral leste, un krau les pale-tchiddo, te djiwell lo buder gar mank mire menshende Israel.

Ezekiel 17:15

I tsiro koi pre hadas pes o rai o themestar Juda, un bitchras murshen an o them Egiptia, te bitchrenn le leske graja un lurden. Djal kowa mishto? Lell jek, kai sawo koowa krell, kek phagi? Nai phagell lo peskri sowel, un lell kek phagi?

Ezekiel 43:3

Un kowa, hoi me dikom an kai visiona his har kowa, hoi dikom, har homs pash o lengsto pani Kebar, un ninna har kowa, hoi dikom, har was o Dewel an o foro Jerusalem, te dell lo o foro paash. Un me mukom man ap i phub te perell glan leste.

4. Mose 4:18

“Denn jak, te atchenn kol Kohatarja djido mashkral kol Levitarja,