Jeremia 38:21 - O Debleskro Drom 2021 (Sinte)

²¹ Te djah tu gar win pash lende, palle well kowa, hoi o baro Dewel mange sikras:

O Debleskro Lab 2024 (Sinte-Manouche)

²¹ Te djah tou gar vin pash lende, palle vell kova, hoy o baro Devel mange sikras:

Jeremia 38:21 ပူးပေါင်းရင်းမြစ်များ

2. Familjakro liil 36:12

Un job kras, hoi djungeles hi glan i jaka o baro Deblestar, kai leskro Dewel his, un kras pes gar tiknes glan o Debleskro rakepaskro, o Jeremia, har kowa leha rakras, un leske penas, hoi o baro Dewel leske an o mui tchiwas.

Hiob 23:13

Job atchell koon job hi. Koon nai anell les kolestar krik, hoi lo kamell te krell? Kowa, hoi kamell lo te krell, kowa krell lo.

Hiob 34:33

Kameh, te anell o Dewel ap saweste i phagi? Kameh tu kowa gar? Tu hunte peness, hoi kameh, un gar me. Pen menge kanna, har kau koowa dikeh!

2. Mose 16:28

Kote rakras o baro Dewel ap o Moseste: “Har rah krenn tumer kowa gar, hoi me tumenge penau, un djiwenn gar jaake, har me tumenge penom?

Jeremia 26:15

Djinenn! Te marenn man, marenn tumer jekes, kai kek doosh ap leste hi, un anenn miro rat ap tumende un ap kau foro un kolende, kai dren djiwenn. Tchatchepah, o baro Dewel bitchras man pash tumende, te penap kawa lauter glan tumare kanda.”

Jeremia 38:20

O Jeremia penas: Jon denn tut gar an lengro wast. Shun ap o baro Debleskro rakepen, hoi me tuke penau, palle djal tuke mishto, un tu atcheh djido.

Jeremia 38:22

Me dikom, har wan i tsele djuwja, kai pral atchan an tiro kheer win anlo pash i pralstunende o baro rajestar dran o them Babilonia. Kol djuwja penenn tuke palle: “Tire mala, kai tuke penan ‘lauter hi mishto’, rakran jaake bud an tute dren, te kral tu i dinelo koowa. Kanna, kai tire pire an i sapeni tchik hi, mukenn jon tut kokres.”

Jeremia 5:3

Baro Dewel, tire jaka dikenn ap i djipen an o tchatchepen. Tu dal len i phagi. – Jon haiwenn kowa gar. Tu kral len paash mulo. – Un jon atchan, har jon hi. Jon djan pal pengro shero. un kamenn gar pengro tchilatcho drom te mukell.

Ezekiel 2:7

Pen lenge mire laba! Nai well, te shunenn le, nai well, te shunenn le gar. Jon hi menshe, kai mukenn pen tchi te penell.

4. Mose 24:13

Ninna te dell man o Balak peskro kheer pherdo rup un sonakai, nai tchiwau me gar o Debleskro lab ap i rig. Me nai rakrau gar latchepen un tchilatchepen har me kamau. Hoi o baro Dewel rakrella, kowa rakrau ninna.

Bičepangre 18:6

Jon shunan gar ap leste un praassan les. Palle das job koi tchik dran peskre koola tele, un penas ap lende: “Tumaro rat well ap tumaro shero. Man hi kek doosh. Kanna djau me pash kolende, kai kek bibolde hi.”

Hebrearja 12:25

Denn jak, te shunenn ap o Debleste, kai ap tumende rakrella! Har job ap i phub ap i phure Israelitarja rakras, kaman le gar ap leste te shunell, un leskri choli was pral lende. Kitse budeder well o Debleskri choli pral mende, te shunah gar ap leste, kai dran o bolepen rakrella.